🌸 " حِينَ انوِي " 🌸
🍃 الحلقة الاولى 🍃
أحمد // هاك خلي عندك الصغار تو نجو بعدين ناخدوهم
انا // كيف اليوم سبت ومعندهاش
مدرسة علاش بنشدهم ؟
أحمد // عندنا مشوار وبعدين علاش نبررلك انا شديهم وبنروحو ع الغدي طول احسبينا فيه . وطلع بدون ما نرد عليه .
أنا // علييييك هم شن هدااا شن هداااا . علي نزلت محمود شاد بنته .
محمود // خيرك تزني وتعاركي ؟
أنا // اليوم مفيش مدرسة علاش يجيبلي فيهم خيره هيا متشدهمش عندها 😡 شن هداا
محمود سكت // ...
انا شفتله // خيرك ؟؟
محمود // قبل حتى احني بنخلولك البنت 😤
انا تنهدت // اااه وقفت علي بنتكم ؟؟ هاتها هي . وخديتها منه .
محمود // تي منورة بككل هههه هيا حناان
حنان نزلت // هيا هي . وحطت ساكو البنت وطلعت بدون ما تقول كلمة .
انا // خيرها هادي ؟؟
خديت ساكواتهم ودرتلهم شيشتهم ووكلتهم ودرت دورا ع الحوش وسيقت الجنان وحطيت صالصة اطيب للمكرونة لان عارفة أيوب يحبها ❤ كملت ودرت بخور وقعمزت فتحت التلفزيون علي خشت أيوب
أيوب // السلام عليكم ..
انا // وعليكم السلام
أيوب حط جنبي شكاير // معرفتش شن ناقص جبت خضرة ودجاج وخلاص
انا // الله غالب ! لو اديرولي تليفون زي لبنات را ما هدا حالي 😕
ايوب // انتي عارفة لو كانك عليا انا عادي لكن احمد هو اللي مسكرها
انا // احمد هدا خليه بروحه !
ايوب // شني الصغار هني اليوم سبت
انا // اي جابهم وقالي احسبينا ف الغدي
ايوب // قريب يطيب هو ؟؟
انا // لالا ملياش ربع ساعة حاطاته وبعدين توا الساعة 12:30 مزال بكري ع الغدي
ايوب // باه خلاص انا كيف مروح من التوكة نحس ف روحي مدقدق نخش ندوش ونوضيني ع الغدي بعدين باهي ؟
انا // باه حاضر .. وخش رقد وانا نضت وطلعت السلاطة قعدت نغسل فيها كويس وبعدين طلعت
للصالة وقعدت نتفرج ونقرض فيها .. كملتها ونضت وتيتها ف صواني ومشا الوقت وطفيت ع الصالصة .. اذن الضهر توضيت وصليت وقعدت لاهية بين نوتي ف السفرة ونبدل للصغار علي جيتهم هما وروحو مع بعض ف نفس الوقت
أحمد // جوري ! جووري
انا // ف الكوجينة انا
أحمد خش للصالة // هدا شنووو
