اهلين فانز ماحد يقولي قصيرة 🌸🌸😍
🌸 " حِينَ انوِي " 🌸
🍃 الحلقة العاشرة 🍃
ومحسيتش بروحي الا والفجر يأذن نضت صليت الفجر وخشيت رقدت لين جتني جليلة ونوضتني
انا بتعب / الساعة كم ؟
جليلة / نوضي الساعة 8 ونص
انا / اووه هيا هي
نضت خشيت لحمام " حاشاكم " وخديت سروال جينز سماوي هادي وبلوزة قصيرة وردية وكمامها دانتيل لبستهم وقعمت شعري فوق كعكة وطلعت ملقيتش لبنات كلهم مشو الحمام مع ميساء .. طلعت الحاجات وطلعت للخيمة ولقيت وسيم وجهاد وسيف وخوته يساوو فيها رجعت خشيت وقعدت نساعد فيهم الداخل
ميسون / جويرة بديتي ف الجنان؟
انا / لالا لقيت فيها الولاد
ميسون / هادو بيعطلونا ال10 يبدو يجو الاقارب . وطلعتلهم
ميسون / صباح الخير؟؟
الشباب / صباح النور
ميسون / هي هي يا شباب اطلعو البنت بتساوي لخيمة هيا
انا كنت واقفة جنب الباب /
وسيم / باهي باهي نغطو ف لخيمة من فوق ولا تبو تردحو فيها ع الشارع 😒
انا اطربقت ضحك / 😂😂😂😂
كلهم تلفتولي / ..
انا وجههي احممر وخشيت نجري / شن العار هدا ؟ قداش ما حمارة حتى انا
ميسون / هيا اطلعو حرجتو البنت
جهاد غمز لامه / عرسي بعد ميساء حتى انا
ميسون / ان شاء الله ان شاء اللع غير اطلع بس
طلعو الولاد وطلعت انا قعدت نزين فيها ولاهية ومستمتعة وبنطير من الفرحة لاني
اول مرة ندير ديكور . وكنت واقفة ف مدخل الخيمة نركبلها ف المبايل ابيض ووردي شفت الطريقة ع النت الايامات لفاتو 🎈 درت اللفة الاول واللفة التانية قعدت ندير وانا واقفة علي روس صوابعي
خش وسيم وقعد يشوفلي ما انتبهتلاش / 👀
انا قعدت ندير وايدي بدت تسطر ومن الوقفة حسيت الدنيا لفت بيا طاحو مني المبايل جاني وسيم
وسيم / خيرك شن فيك ؟
انا / لالا شي 😅 .. وخدي مني وقعد يدير ف اللي فوق وانا نشوفله يا قلبي انا 😿💃
وسيم شافلي وضحك / دريهه 😂
انا / مش دريه كويس طولي 😒
وسيم / دريه وسمينة 😄
انا / انااا سميييينه 😲 بلا جو زايد
وسيم / سمينة اي والنبي كم وزنك
انا / وزني 64 😏
وسيم / حيها حي 😳 وزنك 64 وطولك ميترو وخمسين كاااارثة معناها دبة انتي
