🌸 " حِينَ انوِي " 🌸
🍃 الحلقة الثامنة 🍃
وسيم / انا طالع
هناء / هههههه بكككل حااالة انت .. تي منشوفوش فيك استاحشتك الحق
انا لا ارادياً قلتلها / تحشمي 😒
وسيم ضحك وسكت /..
هناء انحرجت / نعم نعم؟؟ انتي مني باش تكلميني هكي احترمي نفسك راك قاعدة فحوش خالي!!
انا سكتت كملت تطييب خليتها ع النار وبديت نغسل ف السلايط وهيا تنبح بروحها..
خشتلي اختها والباين اصغر منها ومنضرها شعبوطة من لبسها الليمي 😷 / شني انتي ؟
انا تلفتلها / تفضلي ؟؟
رويدا / مديريش روحك دور الكنة التانية وتدحنسي علي وسيم راهو ماهوش واخدك وهو بيموت موت علي هنيوة اختي لذلك الاحسنلك تبعدي ومعش تجي هني خيرلك 😤
انا كنت نقص ق لخيار درت لسكين ف وجهها / تعرفي تقلبي وجهك وتطلعي بلا فتفتة زايدة ؟
رويدا / 😨😨😱
انا / وبعدين انا لا ميتة عليه ولا علي حاجة فيه مجرد نساعد ف اختي مش اكتر وياريت متكتريش معاي دوة منحكيش مع البيئة
رويدا / تيي..
انا / بتطلع ولا نرتكب فيك جرييييمة بعدك انا بنت شوارع ونديرها 😡😡😡🔪
رويدا خافت طلعت /
وانا وتيت كل شي وطلعت قعمزت وكل مرة وحدة تلوح دوة علي قعدتي هنا 💔 حرجوني الله يحرجهم 😓 وقررت اني نقول لوليد يروح بيا خلاص ..
فاطمة / بري يا جوجو حطي لعشي
انا / هيا هي .. ونضت قعدت نسقي ف الرشدة .. خش وسيم قعد يقربج ويكلم فيا وانا مش معاه نهائياً
وسيم / نكلم فيك؟
انا قمت سفرة الرجالة وجيت طالعة وكانت رزينة واضح من وجهي الاحمر 😂
وسيم خداها مني / معش تقيمي الرزين
انا / مخصكش فيا حول من قدامي
خشت رويدا / وبعدين قولي مافي بيننا شي باهي؟
انا / اا
وسيم قطع عليا / اللي بيننا بيننا انتي شن ليك علاقة ؟؟
رويدا تكنطت وطلعت / ..
انا / اوووف فهموني غلط الززح
وسيم / 😳
انا / حول من قدام وجهي انت التاني خير ما نبوكسك 😒
وخديت السفرة متع لبنات ورفعتها للدار..
فاطمة / سلمها ياربي سلمها سامحينا تعبناك يا بنيتي
انا / عادي يا عمتي
