حبيبتي العنيدة (🌸الصغيره المجنونة🌸)

الفصل التاسع

وقفت تنظر لنفسها في المرآة وهي تقيم مظهرها كانت ترتدي فستانا بلون البنفسج الذي يعشقه مالك وللعجب هي احبته كانت تظن انها تعشق اللون الأسود ولكن خيب مالك ظنها ابتسمت فمالك رجل بمعنى الكلمة لن نقول انها احبته ولكن تعلقت به أحبت الجلوس والتحدث معه مشاجراتهم سويا ضحكت وهي تتذكر آخر مشاجرة بينهم

فلاش باك

جلس مالك أمامها وسحب منها الرواية ليلقيها بعدم اهتمام لتنظر له بحدة اقترب من وجهها قليلا

مالك: "ماتقرأيش الحاجات دي تاني عشان عيب".

جنة بسخرية:" عيب..... العيب في الجيب يابابا وبعدين انت جاي ليه مش كتب الكتاب الاسبوع الجاي ".

قرص انفها واردف

مالك:" هتجوز حنفي ياجدعان ماتتكلمي حلو ".

جنة: " دي طريقتي وان كان عاجبك ".

مالك:" عاجبني ياستي وهاتي كمان راسك ابوسها ".

امسك مالك رأسها ليضربها برأسه لتصرخ به

جنة:" ولاااااا متخلنيش اشوهك وانت رايح تتجوز ".

مالك:" اتجوز ياشيخة اتنيلي لسة قدامي تلت سنين صيدلة طلعت خمسة وكده هستني لحد ماأخلص ".

جنة باستعطاف:" متزعلش ياملوكة ياحبيبي انا هبقي مراتك يعني محدش ليه كلمة عليا غيرك نهرب بقي ونروح نبيع حشيش ومخدرات ونعمل شبه الناس اللي في الأفلام وانا ابقي حامل واتعب وانت تبقي مدمن وأنا اقعد اعيط وأقولك خلي بالك من ابننا يامالك وانت تنتحر فانا اورثك ".

مالك:" لا والله هههههههه انتي لفيتي اللفة دي كلها عشان تورثيني هههههههه ".

جنة:" آه مش جوزي... وبالمناسبة دي انا عملالك مفكأة ".

مالك:" مـَـ...... ايه ياختي ".

جنة:" معلش مكافأة ومفجأة دخلوا في بعض عملوا error اتفضل غمض عنيك عشان تاخد المفكأة ".

أغمض مالك عينيه وأردف في نفسه:" ربنا يستر ومتولعش فيا ". لكن توقف بصدمة عندما شعر بأنفاسها الساخنة تضرب وجهه وأغلق عينيه بعنف ورجع للوراء لتقترب منه وتتجه لوجنته اقتربت... اقتربت اكثر ومن ثم عضته صرخ مالك بألم لتضحك هي بشماتة

جنة:" أحسن علشان تقول عليا حنفي كويس هههههههه خدك كده لونه احمر وحلو ههههه ".

مالك:" ياجذمة خودي تعالي هنا خليتيني اشيل ذنب من غير ماأعمل حاجة خودي هنا ".

أخرجت لسانها ولاعبت حاجبيها وركضت عندما شعرت باقتراب مالك

باك

جنة :" ربنا يخليك ليا يارب وميحرمنيش منگ ابدا ياروح قلبي ".

لم تحبه كما قلنا مالك بالنسبة لها ملجأها مثل ادهم تماما أدهم اخيها ولكن مالك سيصير زوجها بعد خمسة ايام مالك اعاد لها ثقتها بنفسها ساعدها للتحسن من الاضطرابات النفسية اعاد علاقتها بوالدها بعدما قص عليه ماحدث بالتفصيل ولكنه كذب في موضوع الورقة وكانت تلك المرة الاولى التي يكذب،فيها قال لوالدها أن الورقة كانت تحوي نتائج الاختبار الخاص بالطالبات ولأنها المتفوقة علي صفها اخذتهم لديها بسبب سفر المعلمة وان ضاع ذلك فسوف تطرد من المدرسة تنهدت لتربط شعرها وهبطت للأسفل