حبيبتي العنيدة (🌸الصغيره المجنونة🌸)

الفصل الثامن عشر

مـات مُصليّـاً!!
مـات ساجـداً!!
مـات صائِمـاً!!

- هـل تظـن أنّها جائت من فـراغ
- 'مـن عـاش علۍ شيء مـات عليـه'🌸🫀 .

ـــــــــــــــــــــــــــــــــــــــــــــــــــــــــــــــــــــ
نظرت جنة لزياد بصدمة ألجمت لسانها نطقت حروف جملتها بصعوبة

جنة: "قصدك ايه بإني السبب ؟!!".

زياد:"قصدي انك السبب في الحادث انتي العربية كانت قصداكي مش مالك".

جنة:"بس أنا مكنتش عارفة حاجة ولا شفتها أنا اتفاجأت بمالك بيشدني".

زياد بحدة:"بس العربية كانت قصداكي انتي.... انتي اللي كنتِ هتتخبطي مش هو.... وانتي السبب في اللي حصله.... اتفضلي زي ماقولتلك".

جنة بدموع:"زياد مالك حادثته قضاء وقدر أنا مليش دعوة ".

زياد:"والله ربنا بيسبب الأسباب وانتي كنتِ سبب في الحادث يبقي لازم تشيلي الذنب ياحلوة اخلصي ".

نظرت جنة للهاتف بعجز ماذا تفعل اتخبرهم بأن مالك ف المشفي بغرفة العمليات بسببها حديث زياد منطقي هي من أحد الأسباب في الحادث ولكن هي لن تقوى اخرجها من شرودها صوت رنين الهاتف نظرت لتجد مروان المتصل اجابت بصوت مبحوح

جنة:"ألو".

مروان بمرح:"يخربيتك يانكدية يابنتي انتي بتتجوزي هتضحكي امتي لما جوزك يموت".

انفجرت باكية بعدما سمعت كلمة مروان الاخيرة شعر مروان بقلق شديد

مروان:"جنة في ايه مالك؟!!".

جنة بشهقات متقطعة:"مالك..... عمل......حادثة ....... يامروان ....حادثة.... بسببي .....أنا السبب".

مروان:"طب اهدي انتوا فين اهدي".

سحب زياد منها الهاتف وأملى مروان عنوان المشفى وأغلقه سريعا ونظر لجنة المنهارة حرفياً ابتسم ابتسامة غريبة وعيناه التمعت ببريق غريب

ــــــــــــــــــــــــــــــــــــــــــــــــــــــــــــــــــــــ

عاد مروان ووقف بجانب الجميع بملامح غريبة لايعرف كيف يستطيع اخبارهم بنبأ كهذا

حور:" مالك يامروان في ايه؟!! ".

خالد:" بابا واوا صح".

هنا: "في ايه يابني ماترد".

مروان:" مالك في المستشفى عمل حادثة ".

انتفض الجميع كمن لدغته عقربة

عثمان:" ازاي هما كانوا في العربية جنة وزياد كويسين؟؟ ".

مروان:" الحمدلله كلموني وقالولي انهم كويسين بس لازم نروحلهم دلوقتي ".

ـــــــــــــــــــــــــــــــــــــــــــــــــــــــــــــــ

جنة:" ارتحت اديني قولتلهم اني السبب سيبني بقي اشوف مالك".