حبيبتي العنيدة (🌸الصغيره المجنونة🌸)

الفصل الثالث والعشرون

صلوا على من علمنا الحب🥀... وآخى القلب بالقلب🥀... وفتح للخير كل درب🥀 .. اللهم صلي وسلم على سيدنا محمد وآله وصحبه الكرام تسليما كثيرا🦋🥀🦋...
( فتح لك الله كل أبواب الخير في هذا اليوم) 🏵️

***************

نظر محمد بغيظ لدهب التي تجلس بجوار احمد وتضحك معه

دهب: "والله انت كنت مصيبة وانت صغير بس مكنش حد قفشك غيري".

أحمد:" يعني انتي كنت ملاك ماانت وعمر كنتوا تعملوا المصيبة وانا البس ".

دهب:" الله مش اخونا الكبير ".

أحمد:" ولما تروحي تضربي بنت الجيران واتدبس انا ".

دهب:" هههههه انت لسة فاكر البت دي كانت في الراحة والجاية تعاكسك فضربتها ".

محمد؛" لا والله حلوة القعدة مش كده هو ده بقي اللي انتي مطنشاني عشانه ".

دهب:" في ايه يامحمد وطي صوتك".

محمد: "لا مش هوطيه وتعالي بقي".

سحب محمد دهب وصعد بها للأعلي فنظر عمر لأحمد وقال

عمر:" اطلع الحق البت عشان اخوك هيقتلها.... في حد عاقل يمشي ورا خطط ام السعد".

أحمد: "سيبهم ياعمر يحلوا خلافتهم لوحدهم روح شوف عيادك اللي انت سايبها بقالها شهرين مقفولة".

عمر:" والله انا اللي بقيت عاوز دكتور نفسي مش الناس وبعدين ياحج الدنيا مقلوبة من الجو برا اروح فين؟؟ ".

أحمد: " العيال..... الولاد كلهم برا اتصل ببنتك دلوقتي ياعمر ".

عمر:" حاضر ".

ـــــــــــــــــــــــــــــــــــــــــــــــــــــــــ

بالأعلي

دخل محمد الغرفة وأدخل دهب بعصبية شديدة

محمد:" انتي عاجبك المسخرة دي؟؟ ".

دهب:" مسخرة ايه انا بتكلم مع احمد مش برقص ولا بتمايع ".

محمد:" فاتن متعصبنيش تقعدي مع احمد ليه؟؟ ".

دهب بعصبية:" اولا انا اسمي دهب مش فاتن وملكش دعوة اقعد مع مين وليه مش حضرتك هتطلقني انا مستنية وعلي فكرة انا هتجوز ".

محمد:" يادهب يادهب اوزني كلامك مش بعد العشق ده كله تعملي فيا كده... دهب انتي اللي غيرتيني".

بكت دهب تتذكر الماضي مرة اخرى

دهب: "محمد انا تعبت تعبت والله العظيم سجدة الله يرحمها وصتني علي زياد..... زياد ابني انا الام اللي بتربي يامحمد مش اللي بتخلف لو فعلاً انت اتغيرت مكنتش هتقعد تفكرني كل شوية كنت هتراعي شعور اني محرومة بس لا يامحمد انت بقيت اسوء من الاول وعلي فكرة انا مش مايعة ولا حاجه احمد اخويا في الرضاعة ماما رضعته مع امجد الله يرحمه بص يامحمد انا هديك فرصة واحدة عاوزني اسامحك تطلقني عشان انا عاوزة ارتاح".