වසත් කාලය මනරම්

තුන්වන දිගහැරුම

තවත් අලුත් දවසක් පටන් ගන්න ඉර සුපුරුදු විදිහටම පායලා තිබුනා.
යීබෝ උදේට ඉක්මනට කාලා මමාටත් කියලා ගියා එයාගේ පජාත… ක්හම්... මං කිව්වේ මේ අතිජාත ආදරණීය මිත්‍රයෝ ටික හම්බෙන්න. මොකද කොල්ලා දැන් මාසෙකින් විතර එයාගේ යාලුවෝ ටික හම්බවෙලත් නෑ. කට්ටියම මේ දවස්වල ගොඩක් වැඩ එක්ක කාර්යබහුල වෙලා හිටියේ.

සැක් විතරක් අද නිවාඩු දවසක් වෙලත් ට්‍රැෆික්නේ යකෝ.
ඇයි බං මටම මේම වෙන්නේ. සෙද්ද. එපා වෙනවා සාම්ත.
ආ… හරිනේ ඉතින්🙂. පීලිං ඕසම් විත් නිරිතදිග මෝසම් තමයි. අර ඉන්නේ පොලිස් බාප්පෙක් පාර මැදම බැබළි බැබළි. මුන්ටත් නිවාඩු දවසකටවත් ගෙදරට වෙලා ඉන්න බැරිද මන් දන්නෑ හුහ්😒.
ෂුවර් එකට ගෙදරත් පොලිස් නීතිය දාන්න ගිහින් ගෑනි ගෙදරින් ගහලා පන්නන්න ඇති😂.

ට්‍රැෆික් එක ඉවර වෙන පාටකුත් නැති නිසා කම්මැලිකම යන්නත් එක්කම යීබෝ ටිකක් එයාගේ radio එක දැම්මා සිංදුවක්වත් අහන්න කියලා.

🎙️ හෙලෝව්… කවුද මේ කතා කරන්නේ…

🐀 හලෝ… මගේ නම යැංසි

🎙️ හායි යැංලි...

🐀 අයියෝ නෑ නෑ අනේ මගේ නම යැංසි…

🎙️ ආ හරි… යැංසි.. ඉතින් කියන්නකෝ බලන්න කාවද ඔයා අද ඊළග සිංදුව අහන්න අපිත් එක්ක එකතු කරගන්න කැමති කියලා…

🐀 අක්කීහ්… අනේ ඔයාගේ කටහඩ හරීම ලස්සනයි... Soo cute… sweet like යාපනේ පැණි කොමඩු

🎙️ ආහ් හා හා හහ්…😅 Thank you පැට්ටෝ… ඉතින් ඉක්මනට කියමුද අද ඔයා කාවද එකතු කරගන්න කැමති කියලා...

🐀 ම්ම්ම්… මුලින්ම මගේ අම්මිවයි, තාත්තිවයි, අක්කිවයි, මං බදින්න ඉන්න රූ අයියවයි, ගම්පහ ඉන්න මගේ ලොකු තාත්තවයි එයාගේ පවුලේ අයවයි, ආනමඩුවේ ඉන්න පොඩි නැන්දයි එයාගේ පවුලේ අයවයි, ආච්චිවයි, සීයවයි, මගේ ටොමීවයි, ටොමීගේ පැටව් ටිකයි,... ආ තව line එක අරන් දීපු චාඕ අයියවයි අක්කි ඔයාවයි එකතු කරගන්නවා… එච්චරයි.