ضحك امين بغرور
عشان تعرفي امين شديد وقوي وقادر اد اي كنت عامله قضيه اختلاس انما ايه تخليه يقضي حياته كلها في السجن بس فلت منها ابن اللذينه معرفش قدر يخرج منها اذاي
بس علي الاول اتبهدله شويه في السجن لحد ما قدر يثبت برائته
ضغطت زهره علي السكين بقوه وهي وتتمني أن تطعنه به
وده يثبت اد اي انت انسان حقير وندل خليتني اهين كرامته واطلب منه الطلاق عشان متسجنوش اوافق اني اتخطب لغيره وانا لسه علي زمته وفي الاخر برضو لفقتله القضيه وحاولت تسجنه
امين بسخريه
كان لازم يتربي ويتعلم ميبوصش لفوق لاسياده
وكان لازم يفهم أن ده مصير اي حد يبص لحاجه مش بتاعته وانا كنت حريص اني اعرفه أن كل الي هو فيه ده كان عقاب بسبب جوازه منك
زهره وهي تقول بتعب واهو سافر وسابلك البلد كلها ....وانت ربنا عاقبك وخسرت كل فلوس اللي عندك
حتي فلوسي انا واختك خسرتها في القمار والجري وري الستات وبقيت ساكن في حاره يوم تلاقي تاكل وعشره متلاقيش والا انت فاكر نفسك لسه امين بيه ابن البشوات ذي ما كنت بتقول
امين وقد انتفخت اوداجه من شده الغضب
انا امين بيه وهفضل امين بيه غصب عنك وعن الكلب الي اتجوزتيه من ورايا وانتي هتيجي راكعه تحت رجلي والي عاوزه هيتم سواء برضاكي أو غصب عنك
ليتحرك ناحيتها بتصميم وهو ينوي تكمله ما بداه
وتصرخ زهره بخوف بصوت مرتفع تنادي علي صفيه مره اخري وهي تجري ناحيه غرفتها وتغلقها من الداخل بالمفتاح يا صفيه ...يا صفيه ما تيجي تشوفي جوزك عاوز اي
خرجت صفيه من غرفه النوم وهي تفرك عينيها بنعاس
عاوز اي يا امين هو ده وقت حد يطلب حاجه فيه
امين وهو ينظر لباب غرفه نوم زهره بغضب
روحي اتخمدي كملي نومك انا خارج أسهر بره ليخرج من باب الشقه وهو يغلقها خلفه بعنف
مطت صفيه شفتيها وهي تقول بعدم اكترات
يا باي .... كويس أنه خرج خليني اعرف انام براحتي
استمعت زهره بارتياح لخروجه الغاضب وهي تتنهد بتعب ودموعها تتساقط يارب انا تعبت ومبقتش قادره ومش عارفه اعمل ايه لتستلقي علي السرير وهي تبكي بشده حتي غلبها النوم والتعب
عوده للوقت الحالي
نزلت زهره من الاتوبيس المزدحم الذي وقف بالقرب من مكان عملها بالفندق الراقي
الذي يحتل الواجهه الرئيسيه في أحد الشوارع الراقيه بمدينه
لتدخل من باب العاملين الي المطبخ
وتلبس الذي الموحد للعاملين بالمطبخ
و
هي تنظر بتعب لاكوام الاطباق والحلل والاكواب المكدسين أمامها وتبدء في جلبهم بهمه وهي تسرح في ما ينتظرها عند عودتها للمنزل
انتبهت زهره علي صوت مدير المطعم الفخم التابع للفندق
وهو يقول بجديه شديده المطعم كله محجوز النهارده لحفله استقبال رجل اعمال كبير شخصيه مهمه vip ويهمنا اننا نكون في أفضل حالتنا قدامه
عشان كدا مفيش اجازات او إذن انصراف وكله هيشتغل النهارده شفت زياده يعني مفيش حد هيراوح النهارده شعرت زهره بالتوتر وهي تتوجه لمدير المطعم
لو سمحت يا فؤاد بيه بس انا مش هقدر اشتغل شفتين انا عندي شغل تاني مقدرش اتاخر عنه
فؤاد بصرامه
الي مش هيشتغل شفتين في يوم مهم زي ده للفندق يتفضل ياخد حسابه ويمشي ويعتبر نفسه مرفود انا مش مسئول عن شغلك التاني
لتتراجع زهره للخلف بتوتر وهي تقف بجانب الاطباق
خلاص يا فندم انا هاخد اجازه من شغلي التاني
ليتجاهلها ويخرج من المطبخ دون الرد عليها
زهره وهي تاخذ هاتفها المحمول القديم وتتصل علي عملها الآخر اعوذو بالله هقولهم اي دلوقت مر بعض الوقت وهي تتكلم في الهاتف برجاء حتي استطاعت الحصول علي اجازه
لتتنهد براحه
الحمدلله اتحلت ووافقوا علي الاجازه لتبدء في عملها بنشاط والمكان يتحول من حولها لخليه من العمل المتواصل والتحضيرات المستمرة لحفل الاستقبال الذي سيقام في المساء مر الوقت سريعا حتي ابتداء توافد المدعويين علي الحفل واذدادت وتيره العمل سرعه وشده مسحت زهرة عرقها بتعب وهي تلمع أحد الكئوس الكريستاليه وزميلتها بالعمل نوال تقف بجانبها تستلم منها الكئوس وتضعها فوق صينيه كبيره استعدادا لنقلها الي الداخل
زهره بتعب بقينا نص الليل هي الحفله دي مش هتخلص والا ايه
نوال بتكلم
ت
خلص اي دي لسه بادئه وشكلها هتستمر للفجر
زهره بفزع يعني اي احنا هنفضل مطحونين في الشغل ده للفجر
نوال بتعب اهو يوم وهيعدي المهم عرفيهم في البيت انك هتتاخري عشان ميئلئوش عليكي
ليرتفع رنين هاتف زهره فجاه ويظهر
اسم امين علي شاشته القديمة
زهره وهي تنظر للشاشه بكره اعوذو بالله وده عاوز اي دلوقت
انا هطلع أكلمه بره عشان المدير ميخدش باله واسم شويه هوي اصلي حاسه اني مخنوقه
ربتت نوال كتف زهره بتعاطف روحي بس متتاخريش ولو حد سال عليكي هقول انك في الحمام
خرجت زهره من باب العاملين الذي يقع في شارع جانبي ضيق وهي تتحدث في الهاتف
زهره بكره نعم عاوز اي مش قلتلك متتصلش بيا وانا في الشغل امين بغضب
انتي فكراها سايبه والا واي في واحده محترمه تقعد للوقت المتاخر ده بره البيت
...............
زهره بسخرية سيبك من دور المحترم الي مش لائق عليك ده وقول انت عاوز اي علطول امين وهو يضحك بصوت مرتفع محدش فاهمني قدك يا زوز وعشان كدا هاموت عليكي
زهره بغضب موته لما تاخدك إن شاء الله
امين بغضب لمي لسانك يا بنت اعتدال والا وحشك الضرب والجلد بالحزام
زهره بقهر وعينيها تلتمع بالدموع المحبوسه عاوز اي خلصتي بتتصل بيا ليه امين بعجرفه
عاوز فلوس انا واقف قدام باب المطعم والمكان كله متقفل بالبادي جاردات ومش عارف ادخل
زهره بفزع تدخل فين انت عاوز توديني في داهيه ....انا مش لسه عطياك فلوس امبارح لحقت تخلصهم
امين بغضب
خلصوا ... انتي هتحسبيني والا ايه هتجيبي فلوس والا اعملك فضيحه هنا
زهره بقله حيله
لف وتعال من الشارع الصغير الي في ضهر الفندق هتلاقيني واقفه مستنياك مرت دقائق وزهره تتلفت حولها بقلق
حتي رأته قادم بعنجهيه تجاهها أسرعت زهره ناحيته وهي تمد يدها إليه بالنقود
خ
د واتفضل من هنا قبل ما حد شوفك واترفد
نظر امين باستنكار للمال في يده وهو يتكلم بصوت عالي خمسين جنيه ودول اعمل بيهم اي دول ميجوش حق كاس واحد
وطي صوتك بلاش فضايح واتفضل ميه جنيه اهي كمان بس يلا امشي من هنا قبل ما حد يشوفك
اخذ امين المال من يدها وهو ينظر للمكان الذي اخرجت منه المال بشهوه وهو يحاول الاقتراب منها
مش هتغيري رايك بقي وتعملي الي انا عاوزه بمزاجك بدل الضرب والبهدله زهره وهي تبعده عنها بقسوه نجوم السماء اقربلك يا حيوان ليصفعها امين علي وجهها
بشده ويختل توازنها وتسقط علي الارض بقسوه بجوار صندوق كبير للقمامه ويتركها امين ويغادر وهو يقول بغضب الحيوان ده هيربيكي يا بنت اعتدال وبرضو هتعملي الي انا عاوزه برضاكي
غصب عنك هتعمليه
حاولت زهره اكتر من مره النهوض بتعب إلا أنها فشلت لتجديد تمتد إليها فتمسكت بها تحاول النهوض لتسمع صوت يقول بسخرية اول لقاء ما بينا بعد اربع سنين والائيكي في المكان المناسب ليكي بالظبط ليشتد صوته بقسوه
مرميه في الزباله شهقت زهره بصدمه وهي ترفع وجهها بلهفه لتصطدم عينيها بعينين تنظران لها بكراهيه شديده وقسوه لتتساقط الدموع علي وجنتيها بدون إرادتها وهي تقول بعدم تصديق
سيف .........
