الي انا شايفه ده يادوبك مر عليكي كام ساعه مع ابن السواق وبانت عليكي
النعمه لبس جديد وغالي وعربيه بسواق
وحراسه هي ايه الحكايه انا توقعت زهره هي الي يحصلها كدا مش انتي ليتابع وهو يتأملها بخبث هي ايه الحكايه بالظبط هو بيحبك انتي والا بيحب زهره
سالي وهي تقول بغرور معرفش روح اسئله وعلي فكره عشان تطمن زهره معرفتوش حاجه من الي حصل زمان
امين وهو يعقد حاجبيه بتعجب
ليه دا انا قولت اول ما تشوفه
هتقوله علي كل حاجه عشان ترجعله من تاني
سالي وهي تمط شفتيها باستنكار فقريه طول عمرها فقريه مش فاهمه مستنيه ايه عشان تقوله دا مشغلها خدامه في البيت عنده ومبهدلها وبيعاملها
معامله ذي الزفت
امين وهو ينظر لها بخبث لكن انتي عيني عليكي بارده بيعاملك معامله اميرات يا تري ليه
سالي وهي تعقد حاجبيها بتساؤل تقصد ايه
امين بخبث أقصد أن شكل ابن السواق عينه منك وزهره خلاص راحت عليها سالي وهي تضحك بسخرية انت بتقول كدا عشان مشفتوش بيبصلها اذاي وهي مش واخده بالها
سيف لسه بيحبها يمكن اكتر من الاول كمان بس شكل كرامته لسه وجعاه من اللي حصل زمان امين وهو يقول بخبث بيحبها بتحبه مش موضوعنا المهم احنا هنستفاد ايه
سالي بدهشة قصدك ايه
امين بجديه
أقصد أن اختك فقريه ذي ما بتقولي ومبيهمهاش الفلوس وابن السواق بقي من اغني اغنياء البلد واحنا كده هنطلع من المولد بلا حمص
اختك وسيف مش هيكملو مع بعض بمزاجها غصب عنها استحاله اسمح لها ترجعله تاني وبعدين اختك عايشه في دور المثاليه واخر حاجه بتبص لها الفلوس يعني لو اعتمدنأ عليها هنضيع واراهنك أنها بتخطط اذاي تسيبه وتبعد دي فقريه وانا عارفها
لتتزكر سالي كلمات زهره التي قالتها لها في الصباح عن بحثها عن عمل ومنزل جديد وترك الفيلا والابتعاد لتقول بتصميم علي عدم ترك الرفاهيه الجديده التي تعيشها في فيلا سيف طيب وانت شايف ايه امين بخبث وقسوه
شايف انك انتي الي تحلي مكانها ابن السواق دلوقتي غني جدا وعنده فلوس وأملاك ملهاش عدد ومش لازم الفلوس والعز كله يضيع من أيدينا
سالي بدهشة تقصد
ا
مين بتأكيد
أقصد انك توقعيه في حبك وتناسيه زهره خالص وطالما هي كدا أو كدا هتسيبه بيقي انتي وانا طبعا أولي بفلوسه
سالي باعتراض متخاذل
وافرض هي لسه بتحبه ومش عاوزه تسيبه وقررت تحكيله علي كل الي حصل زمان امين تمنعيها باي طريقه تمنعيها وانا عارف ومتأكد انك هتقدري دا انتي تربيه امين لتقول سالي باعتراض بس
امين بخبث وصوت كفحيح الافعي
سالي احنا مش هنلف وندور علي بعض
انتي قدامك طريقين طريق تعيشي فيه ملكه كل طلباتك واوامرك مجابه وطريق الفقر والشقي وغسل الصحون مع اختك في المحلات تختاري ايه
رفعت سالي راسها بثقه
اختار طريق الغني يا
امين انا انبهدلت كتير واستحاله ارجع لطريق الفقر من تاني
امين بسعاده تعجبني كدا تبقي اخت امين بصحيح
اسمعي بقي هتعملي ايه تكثفت الاستعدادات للحفل بعد وصول الشركه المنظمه للحفل
التي تولت كل شي لتعمل زهره تحت امرتهم هي وزميلاتها الثلاثه في العمل و
فجاه تلقت الفت اتصال تليفوني مفاجئ من سيف الفت وهي تجيب باحترام اؤمرني يا سيف بيه سيف بجديه
ك
ل حاجه جهزت عشان حفله النهارده الفت وهي تعدل من وضع نظارتها
ايوه يا فندم الشركه المنظمه الحفله جت وابتدت تجهز كل حاجه والهام هانم اتصلت وقالت إنها علي وصول
سيف بتوتر صارم
اسمعيني كويس الكلام الي هقوله يتنفذ ومش هسمح فيه باي غلط
زهره متخرجش نهائي بره المطبخ لاي سبب من الأسباب مش عاوز اي حد من الضيوف يشوفها أو يحتك بها مفهوم الفت بدهشة حاولت الا تظهرها في صوتها
مفهوم يا فندم سليم بحرج
انتو فطرتو قبل ما تبتدو الشغل والتجهيز
الحفله
الفت بدهشة فطرنا
سيف مبررا بتوتر انا مش عاوز حد منكم يجي علي بليل
ويقع من طوله عشان مكلش طول اليوم مش عاوز فضائح الفت بدهشة انا فطرت والبنات فطرو مفيش غير زهره بس الي مرضيتش تفطر بتقول معدتها وجعاها
سيف وهو يتمتم داخله بغضب كنت عارف ليحاول تمالك غضبه
خليها تفطر قبل ما تبتدئ شغل احنا مش مشغلينها في معسكر تعذيب
دا أمر ولو مش عاجبها تاخد حسابها وتمشي
ليغلق الهاتف فجاه في وجه الفت التي نظرت للهاتف باندهاش
ايه المجنون ده ازاي خدامه ومتحتكش بالضيوف
وفطار ايه الي متصل مخصوص عشان يسأل عليه الموضوع كدا شكله ميريحش
لتتنهد بفروغ صبر
وانا مالي بلاش أتدخل في الي ماليش فيه أما اروح اخليها تفطر مش عاوزين مشاكل
دخلت الفت المطبخ لتجد زهره تلمع بعض الأواني الفضيه القيمه استعدادا للحفل لتقول لها بجديه سيبي الي في ايدك ده وافطري الاول زهره بتعب انا مش عاوزه افطر انا مش متعوده علي الفطار لتقاطعها الفت بصرامه وهي تضع أمامها طبق به طعام اتفضلي اقعدي افطري وهي تنظر لما تفعله الفت بدهشة
مشاكل ايه أن مش فاهمه
الفت بحرج وهي لا تعرف كيف تجبيها
افطري يا زهره احنا كلنا فطرنا واساسا ممنوع تبتدئ شغل قبل الفطار نظام الشغل هنا كدا
لتضيف بصرامه وكمان وقت الحفله ممنوع انك تخرجي بره المطبخ هتشتغلي
