Unicode..
" မင်းသမီးရယ် ဤနေရာကို ဘာကြောင့် ကြွမြန်းလာရပါသလဲ။နေရောင်ခကုန်ပါ့မယ်"
လျှောက်လှမ်းလာပြီး ပြောလိုက်သော မဏီ၏ အပြောကြောင့် ပန်သု ပြုံးလိုက်မိသည်။
"ဒီလောက်ကတော့ မမူပါဘူး"
ကိုယ့်ချစ်သူအတွက်ပဲ ဆိုသည့် စကားကိုတော့ စိတ်ထဲကသာ ရေရွတ်လိုက်သည်။
" ဘာအကြောင်းကိစ္စများ ရှိလို့ပါလဲ မင်းသမီး.."
" မွန်းတည့်စာ သုံးဆောင်ရအောင် လာပို့တော်မူတယ်"
မဏီသည် ကျေနပ်စွာ ပြုံးမိမလို ဖြစ်ပြီးမှ မျက်နှာ ပြန်တည်လိုက်ရသည်။
" ကျေးဇူးကြီးမြတ်လှကြောင်းပါ"
" ဘုရင်မင်းမြတ် ကြွချီတော်မူလာပါတယ်"
အထိန်းတော်၏ အသံကြောင့် အကုန်လုံး ခေါင်းငုံ့အရိုအသေ ပေးလိုက်ကြသည်။
' အစ်ကိုတော်က ဘာလို့ ဤနေရာကို လာရသလဲ..?'
ပန်သုမှာ ထိုသို့တွေးပြီး မျက်မှောင်ကို ကြုံ့လိုက်သည်။
" ညီမတော်က စစ်ရေးလာလေ့ကျင့်တာလားကွယ့်"
" မဟုတ်ပါဘူး အစ်ကိုတော် "
ဘုရင်မင်းမြတ်မှာ ဘေးဘီကို ဝေ့ဝဲကြည့်လိုက်သည့်အခါ စားတော်အုပ်တွေကို တွေ့လိုက်ရသည်။
" ဘာမှ မဟုတ်ပါဘူးကွယ့် လမ်းကြုံလို့ ခဏဝင်လာတာ လုပ်စရာရှိတာလုပ်"
" မှန်လှပါဘုရား"
ဘုရင်မင်းမြတ်က ထိုသို့မိန့်ကာ ပြန်ပြီး ကြွချီသွားသည်။
ပန်သုသည် မဏီအနားကို တိုးကပ်လိုက်ပြီး
" အစ်ကိုတော်က ဒီကို ဘာလို့ လာတယ်လို့ မဏီထင်လဲ။တစ်ခါမှ မလာဖူးပါဘူး"
" တစ်ယောက်ယောက်ရဲ့ ကုန်းတိုက်ခြင်းတော့ ခံနေရပြီ"
" ဘာကို ဆိုလိုတာလဲ မဏီ"
မဏီက ဘာမှ ပြန်မပြောပဲ သက်ပြင်းသာ ချနေသည်။
" ညကျရင် လာခဲ့ပါ့မယ် မင်းသမီး .. အသားအရေတွေ နေခနေပါ့မယ်။ပြန်ကြွတော်မူပါနော်"
YOU ARE READING
လွမ်းမောစရာ ခေတ်ဟောင်းမြေ (လြမ္းေမာစရာ ေခတ္ေဟာင္းေျမ)
Historical Fictionရှေးဟောင်းဟန်လင်းမြို့ကို သွားလိုက်ရအောင်လား.. (ေ႐ွးေဟာင္းဟန္လင္းၿမိဳ႕ကို သြားလိုက္ရေအာင္လား..)
