مسلمة وأفتخر

البارت التاسع

جماعة أسفة علي الخطأ الكتاب اسمه أخطاء لا تغتفر معلش كانت غلطة ولسة مكتشفاها
_________________________________
      
                  (*أخطاءلاتغتفر*)

فتحته وأول ماقرأت

"يامصيبتاااااااه".

اللي كان مكتوب في أول صفحة كان مكتوب باللغة العربية

(كل ابن آدم خطاء البشر ليسوا ملائكة ولن يكونوا ملائكة ذنوبهم كثيرة إلا من رحم ربي في زمننا الذي كثرت به كل المفسدات زادت المعاصي يتجه لها الشباب بكل حماقة فكنت أنا واحداً منهم ولكن لم أكن شابا كنت مراهقا في مرحلته الإعدادية كم كنت غبيا وقتها ارتكبت جميع المعاصي والذنوب صرت مدنسا بهم لم يمر عام إلا وزدت تدنسا هل سيغفر الله لي أرجو ذلك ".

"احيييييه ايه ده الراجل طلع مدنس ومن المقدمة أمال لما اتعمق هيحصل ايه لأ كده كتير هبقي اتسلي فيه في الأسبوع اللي قبل الفرح إما أقوم أتخمد".

نمت علي طول لأن اليوم كان مرهق وممل جدا وبعدين صحيت علشان أصلي القيام وأنا مش قادرة أتحرك بس فكرة إني هقف قدام ربنا أغرتني وكان في نيتي ربنا يريحني وواثقة في قدرته صليت الحمدلله والنهاردة حسيت اني كنت بصلي بخشوع كبير وعيطت أول مرة عمري ماعيطت وانا بصلي بالعكس كنت ببقي مبتسمة سعيدة النهاردة صدري كان مليان ضيق من كل حاجة ربك سبحانه وتعالي الوحيد اللي حاسس بيكي اللي هيجبر بخاطرك اللي هيعوضك وينصرك علي الظلم خلصت صلاة وانا بجد منهارة والحاجة الوحيدة اللي خلتني أكمل المشهد تلاوة القرءان واستوقفتني ءاية في سورة (الرعد)
«الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ»

الذكر شيئ مفتقداه رغم انها حاجة بسيطة وليها ثواب عظيم لكنها منسية آه بقول أذكار الصباح والمساء بس مش كفاية دول حصني لكن فين اطمئنان قلبي ياريتني أبقي في مكانة المؤمنين الذكر مش هياخد مني دقيقة راجعت نفسي ربنا سبحانة وتعالي قال في سورة الكهف

«الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا»

الباقيات الصالحات ازاي أنسي حاجة شبه كده ازاي فاتتني دول مش هياخدوا دقيقة ويااااااااااه علي كمية الحسنات اللي هاخدها
رددتهم مع نفسي

« الباقيات الصالحات »

سبحان الله🌸
والحمدلله💮
ولاإله إلا الله🏵️
والله أكبر🌼
ولا حول ولاقوة إلا بالله 🌺

فضلت مستمرة لحد ماسمعت قرءان الفجر قمت اتوضيت تاني وخرجت علي الأذان صوت المأذن النهاردة كأنه كان بيعيط فعلا زاد جمال علي جماله سبحان الله رددت الأذان وأنا ببتسم لأن ربنا استجاب لندائي ودعاني اليه صليت الفجر وكل يوم بحس ان حبي لربي بيكبر عن اللي قبله خلصت وقعدت قرأت ورد القرءان من زمان مقرأتش بعد صلاة الفجر كنت بقرأ قبل الصلاة بس انا كانت غايبة عني حاجات كتيرة أوي وأهملت فيها أوي أوي أنا كنت مغفلة مفيش حاجة في الدنيا أحسن من قربي من ربي وطاعته قررت في نفسي حاجات لازم أعملها هتعامل مع زوجي بمودة ورحمة وهبقي الزوجة اللي ربي أمرني أكون شبهها هصالح كريم أخويا ولو ايه حصل وهقوله كل حاجة هنا ضربت في دماغي الذكرة بتاعت مريم أختي الله يرحمها لما حكتلكم الأول مجبتش سيرتها لأني فعلاً خرجتها من حياتي بصعوبة مريم توأم كريم كانت دلوعة بابا وكريم كانت جميلة مريم كانت عنيدة وتصرفاتها طايشة أوي اليوم ده مش هقدر أنساه