هند واقعة علي الأرض وبتنزف بطريقة غير طبيعية ومعتز قاعد علي السرير ولا كأن حاجه حصلت جرينا عليها وكريمة بتحاول تعرف النزيف منين فجأة لقيت معتز زقنا وحضن هند وعيط وفضل يقول كلام كتيرر
"هند أنا أسف متسبنيش والله فكرتك هي... هي السبب في كل حاجه... هند ردي عليا أبوس ايدك".
" معتز هات هند عشان نلحقها".
"محدش هيلمس أختي".
" طيب قوم خلينا نلحقها يا معتز ".
"مش قادر يا يونس مش قادر اتحرك ".
" طب خلي مالك يشيلها هو بردوا أخوها".
"ممماشي بس بسرعة".
مالك شالها وجريوا كلهم وأنا وكريمة بنعيط علي منظر هند وصلنا المستشفي وخادوها الطوارئ بسرعة بسبب غزارة النزيف.... شوية وكل الممرضات اللي كانت جوا كانوا بيجروا ويرجعوا بأكياس دم فضلنا واقفين علي نار ويونس حضن كريمة لأنها فعلاً منهارة انهيار مش طبيعي الدكتور خرج من أوضة العمليات ووراه خرج السرير اللي عليه هند أنا وكريمة روحنا وراهم الأوضة والشباب فضلوا واقفين برا لحد ما الدكتور اجالهم وأنا في الوقت ده خرجت أجيب لكريمة ماية وسمعت الدكتور بيقول بنرفزة
" مين المتخلف اللي عمل فيها كده دى البنت كانت هتموت لولا ستر ربنا".
فيونس قال:
"هو ليه حضرتك متنرفز كده مش هي بقت كويسة والحمدلله".
" آه تلاقيك أنت بقي اللي ضربتها أنا مش عارف الناس اللي بترمي بناتهم لناس مبتراعيهمش تحت مسمي الجواز".
يونس تنح ورامي ضحك من غير صوت ومالك انسحب وتقريبا بردوا عشان يضحك ومعتز بصلي وشاورلي بعينه ألحق الموقف رحت وقفت جمب يونس ولسة أثار الدموع والعياط علي وشي وقولت
"يونس كريمة عايزاك عشان توديها البيت".
" ماشي هروح أجيبها تعالي يا معتز عشان هند ".
مشيوا الاتنين وفضلت أنا مع الدكتور فقال
" هو الأستاذ ده بيضرب مراته كتير".
فرامي قال
"أيوا يا دكتور وبيطفي السجاير في قفاها وبيجلدها بالكرباج وهي بتقول أي أي صح".
" صح يا رامي ".
" وحضرتك مين".
"أنا مراته".
كنت مستغربة الإجابة بس كملت التمثلية
" أنتي مراته هو أمال ليه متكلمش إنه برئ من تهمة البنت".
"أصل البنت دي حاولت تزعل جوزي أصلها أخته وأنا اتنرفزت فعملت كده حبة خدوش صغنونة خالص قد كدهوا".
" أيوه فعلا قد كده ".
أنا كنت عاملة علي ايدي ربع عقلة أما رامي فتح ايده علي وسعهم خبتطه في كتفه والدكتور بصلي بخوف واستأذن ومشي روحت أنا ورامي الأوضة لقينا هند فاقت ومعتز قاعد وحاضنها ويونس وكريمة قاعدين جمب بعض دخلت بهدوئي زي عادتي
أنت تقرأ
مسلمة وأفتخر
ChickLitهي بنت زي أي بنت في سنها عايشة سنها بكل حالاته بس اي حاجة متعلقة بدينها خط احمر
