❤❤كل عام وانتم بخير❤❤❤
رمضان مبارك عليكم جميعا 🌙🏮
قبل القراءة صلو علي أول من تنشق عنه الأرض ﷺ
__________________________________
وحشتووونييي عاملين ايه النهاردة أول يوم ليا في الجامعة اللي هنا وكعادة أي طالب مصري أصيل دندون فضلت تصحي فيا تلت ساعات
"يا بتي اصحي بجا كده هتتأخري".
" خمس دقايق بس وهقوم".
"دي المرة المية وخمسين تجوليلي الچملة دي".
" معلش يا دندن خليها مية واحد وخمسين".
"أنا ماشية مليش دعوه ومالك خليكي نايمة كفاية عليا رامي".
وخرجت دندون المسكينة بتصعب عليا أوي الصراحه وقابلت يونس برا
" ايه يا دندون هيا البلوة اللي جوا دي صحت".
"لأ مصحتش بجالي ساعة بحاول أصحيها وهيا بتنام تاني".
" يخربيتها دي عندها محاضرة الساعة تمانية والساعة دلوقتي سبعة وربع حاولي معاها تاني لو سمحتي يا دندون لحسن هتتأخر".
"ماشي يا حبيبي روح أنت افطر علي ما أصحيها".
دندون رجعت تاني تصحيني
"يا تسبيح جومي بجي ربنا يهديكي أنتي عندك محاضرة الساعة تمانية".
"الساعة كام تاني كده".
"الساعة تمانية".
"ودلوقتي الساعة كام"
"سبعة وتلت".
"طيب مهو لسة أربعين دقيقة يا دنيا روحي نامي وتعالي كمان شوية".
"جومي يابت اخلصي هو أنا فضيالك فينك يا فيروز تشوفي بنتك".
"في شرم".
"نعم".
"الست فيروز في شرم الشيخ بتتفسح".
"يعني فيروز تتفسح واحنا نتجرف مش كفاية علينا رامي".
"تتقرفوا.....روحي يا ولية أنتي شوفي بتعملي ايه".
"ولية يا جليلة الحيا".
"آه ولية يا دنيا يا بتاعة عزيز المعزة وبعدين احنا بينا خمس سنين بس ولولا إنك أخت الغتت يونس كان زماني رمياكي من فوق برج القاهرة دلوقتي وبعدين أنتي هتعمليلنا فيها محترمة وبتتكلمي صعيدي ده احنا دفنينوا سوا يا ختي".
"تك خوت يا تسبيح قومي فزي خليكي تروحي الجامعة أنا مش عارفة ايه القرف اللي علي الصبح ده".
"أيوة كده بقيتي دنيا بلطجة تاني اتعدلي بقي وبلاش حبة الهبل دول".
"أعمل ايه يعني كان لازم اتعلم اتكلم صعيدي علشان المسكين ياعين أمه اللي هيتجوزني".
"ايه ده أنتي هتتجوزي مين المنحوس ابن المنحوسة اللي هيتجوزك".
"مصطفي".
أنت تقرأ
مسلمة وأفتخر
أدب نسائيهي بنت زي أي بنت في سنها عايشة سنها بكل حالاته بس اي حاجة متعلقة بدينها خط احمر
