مسلمة وأفتخر

الفصل السادس عشر

"في بيت مين ياروح امك".

كريمة بخوف

" بيت جنة وحور ".

" يلهوي يلهوي هو لسة في حور الصايع الضايع بتاع النسوان..... والله مانا سيباك يايونس ".

خرجت من الاوضة روحت لاوضة يونس وفتحت الباب بعنف لقيت يونس بيغير قفلته تاني بسرعة وجيت امشي لقيت الباب بيتفتح ويونس سحبني

" تعالي هنا بقي عشان انا مستحلفلك بقي انا بضربك بالقلم وكل شوية اضربك علي قفاكي وموريكي الويل وسواد الليل".

"مين اللي قال كده".

" تسبيح بلاش استهبال".

"بهزر يايونس ماانت عارف اني بحب أبقي أوڤر..... وبعدين استني عشان انا جاية اتخانق معاك انت كنت بتبص لجنة ليه وبتتكلم معاها كده عادي ".

يونس ابتسم بخبث وبعد عنها

" وانتي مالك اعمل اللي انا عايزه".

"لا بقي ده حرام مينفعش اصلا وانا هكلمها في الموضوع ولو متلمتش هضربها واطردها".

" انتي هبلة يابت انتي ".

" ايوة هبلة اي واحده هتقرب منك هقتلها انت فاهم ودي مش من حلالك ولا محارمك فاتلم".

"لا من محارمي".

" لا مش من محارمك عشان لو اتطلقت هتتجوزها وبعدين انت بتبات عندها في البيت ليه ومين حور دي كمان ".

اتنهد بصوت عالي وقعدني علي السرير

" بصي ياستي حور دي اختها الكبيرة وقدي في السن لما انا اتولدت اتولدت في القاهرة وبابا كان صاحب ابو جنة دكتور عمر بعد ولادتي انا وزياد بشهرين حور اتولدت في الفترة دي ماما تعبت وجالها حمى نفاس فودوها بسرعة المستشفي عشان يعالجوها وطنت نور متتعداش منها فطنت نور رضعتني وبقيت ابنها من الرضاعة بس فجنة برضو اختي بس انا وهي مفيش بينا اي تعامل الا علي خفيف وليا اخ كمان اسمه ادهم بس ده لسة في الكلية برضو ".

" يعني جنة اختك طب ليه مسمياك يونس مكاتب ".

" اصل مرة انا وزياد ومروان جوز حور كان قاعدين عادي في المكتب مروان كان طالع فاتزحلق انا وزياد جينا نلحقه وقعنا فوق بعض وانا اللي كنت فوقهم والاخت جنة دخلت علينا و.... ".

شهقت بصدمة وقولت بصوت عالي

"شواذ يايونس"

"يخربيتك اسكتي شواذ مين ايش حال مانا مفهمك......... نفس الدماغ الغبية بالظبط ده احنا قعدنا تلت تيام نفهمها الحقيقة وهي مصممة اننا كده بس زياد ثبتها ومن يومها مسمياني يونس مكاتب".

" امممم بصراحه عندها حق هههههه ده انا صدقت الموقف وانت بتحكي امال لما اشوفه هعمل ايه 😂".