مسلمة وأفتخر

البارت الثامن عشر

في بداية البارت ده احب اعزي كل شخص فقد عزيز في حادث طريق المطرية بورسعيد وربنا يصبرهم ويرحم الميتين ادعولهم بعد اذنكم

*************

فضلت ألف في المحل مش عاجبني حاجة أنا كان في دماغي تصميم معين لفستان فرحي بس مش لقياه المشكلة اني نسيت فستان الفرح أصلا وكمان مفيش وقت أصمم واحد ليا فجأة بدون سابق انذار صرخت بإسم يونس اللي جيه جري عليا هو وأنس اللي فضل واقف مكانه مبيتحركش لما شاف هند واقعة في الأرض وبتنزف يونس لاحظ الست اللي ضربت هند بالسكينة طلع يجري وراها وأنس مبيتحركش حضنت هند وحاولت أوقف النزيف مش عارفة يئست ومكنش في أيدي أي حاجة غير العياط بصيت لأنس وقولت بصوت رايح

"أنس إلحقها".

أنس تقريباً مسمعنيش وكان متنح لهند العاملة لما جت اتصدمت وصرخت وشافت صدمة أنس فزعقتله أنه يشيلها أنس فاق وشال هند وطلع يجري بسرعة رهيبة وانا اللي مكنتش عارفة أقوم لقيت تليفوني بيرن وكانت جنة

"الو السلام عليكم".

"وعليكم السلام مال صوتك وانتي عاملة ايه دنيا ومصطفي اتخانقوا وماسكين لبعض السكاكين بسبب طليقة مصطفى اللي عاوزة تاخد سيلا وثانية هو ليه يونس كلم زياد يروحله القسم وميسافرش وانتي بتردي وانتي بتقيسي فستان فرحك ازاي؟؟!!!!".

"هو انتي ينفع تيجي تاخديني وانا هقولك كل حاجة ".

"بصراحة مش هينفع أنا هبعتلك حور لاني بعمل حاجة كده ".

"ماشي بس بسرعة ومتقوليش لحد غير حور إني هرجع البيت".

"حاضر سلام".

جنة قفلت معايا وخرجت برا الاوضة وراحت قوضة أنس

"حور تعالي عاوزاكي بعد اذنك يازوزو طبعاً ".

فيروز

"عادي ياحبيبتي احنا أصلا قربنا نخلص"

"شكرا ياعسل أنت تعالي ياختي وسيبي الموكوسة دي في أي حتة".

"موكوسة جنة ياحبيبتي هو مش انا اتفقت معاكي تبطلي الألفاظ دي ".

"انتي قولتلي حاولي وانا حاولت ومنجحتش تعالي بقي وسيبي البت دي في جمب أعمل فيك ايه يامروان ياصايع مش مكتفي بخالد قفلتهم تلاتة لا ومسمي جنة برضو مبيحرمش هو ادم فين ".

"آدم نايم وجنة أصلا مع سيلا أنا مش عارفة انتي اتهبلتي امتي".

"حور ياحبيبتي أنا هبلة وكارثة من يوم مااتولدت🙂🙂 يلا بقي بصي انتي هتروحي *****تجيبي تسبيح وتيجي يلا انكشحي".

"انتي هبلة هي مش بتجيب فستان الفرح".

"لا ماهي اللي قالتلي روحي هاتيها بقي وانا هروح اشوف ام صفرا اللي بتتخانق مع دنيا دي ".