مسلمة وأفتخر

البارت الحادي عشر

سيد الاستغفار :  اللهمَّ أَنْتَ رَبِّي لا إِلَهَ إلا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لا يَغْفِرُ الذُّنُوبَ إلا أَنْتَ
ــــــــــــــــــــــــــــــــــــــــــــــــــــــــــــــــــــــــــ

يوم جديد ونفس جديد وحياة جديدة هعيشها دلوقتي انا بقيت متجوزة حكمي اختلف لبسنا انا وبراء هدومنا ونزلنا تحت لقينا كريمة ودنيا وبنت لابسة نقاب غير ماما فضلت باصة للبنت باستغراب واستعداد للهجوم لو انثي خارج العائلة هموتها ممنوع انثي خارج العائلة تدخل البيت روحت زقيتها وحشرت نفسي جمبها مالازم اعاين دي ممكن تكون عروسة كريم ولامعتز ولا حتي مالك بس اتصدمت لما سمعت

"ضهري ياتسبيح منك لله ياشيخة".

احم عادي مانا مشهورة البنت قامت وقفت ثانية واحدة انا عارفة القصر ده والصوت المسرسع برضه قولت بصدمة

" هند انتي لبستي النقاب ".

ردت عليا بفرحة وسعادة وهبل طبعاً

" ايوة الحمدلله جدو وافق".

"جدو... منصوووووور في هنا تفرقة عنصرية عقلة الاصبع تلبس النقاب وانا يانخلة لأ اني اعترض".

" هي طلبت قبل الجواز وانا وافقت بس انتي دلوقتي في حكم زوجك ".

احم احم عنده حق بصيت ليونس اللي كان بيقرأ كتاب و

" بسبسبسبسبسبسبس يونس بسسسسست".

"نعم لسة شوية علي صلاة الجمعة ومتقلقيش هاخدك معانا المسجد".

" الله انت لسة فاكر العادة دي بس مش ده الموضوع اللي عاوزاك فيه ".

" اممم عاوزة ايه اتفضلي".

"احم احم بما ان انا مسلمة وحضرتك مسلم وواجب علينا الستر للمرأة وانك لو مؤمن بالله هتوافق علي اي حاجة ترضي ربنا وعشان تخلص من زني ورخامتي خليني البس النقاب" 

"لأ".

" اما تلؤك انت عيل رخم والله للبسه ".

" تسبيح بلاش عند قولت لأ يعني لأ واظن واجب عليكي يامسلمة تسمعي كلام جوزك ".

" بس انا عاوزة البسه ليه ترفض ".

" ليا اسبابي الخاصة هقولهالك في وقتها".

"علي فكره انا مش بحبك وربنا يسامحك".

سيبتهم ومشيت وطلعت قعدت فوق الشجر الطويلة اللي في الجنينة وقعدت اعيط كنت فاكرة ان خلاص كده كل حاجة بقت حلوة وكويسة وعشرة علي عشرة بس لا طارت كل افكاري واتلخبطت وبقيت مصدقة اني نحس لقيت حد بيقعد جمبي ونام علي رجلي وطلع مصطفي