مسلمة وأفتخر

البارت العاشر

السلام عليكم ورحمة الله وبركاته عاملين ايه يا وصية الرسول يارب تكونوا بخير

بنوتاتي الحلوين ابشركوا بشرة سارَّة البارت ده آخر بارت فيه نكد بعد كده هنضحك علي تسبيح واللي هتعمله في يونس وهند ومصايبها مع أنس ومصطفي اللي هيشوف سوااااااد ومش هننسى الباقي طبعاً يلا ننكد المرة دي والمرة الجاية هنبدا في المصايب مع العيلة الهبلة دي قراءة متنكدة 😂

قبل القراءة صلوا علي خير خلق الله ♥

ــــــــــــــــــــــــــــــــــــــــــــــــــــــــــــــــــــــ

كلنا بصينا لجدي باستغراب سيبنا كل الكلام اللي قاله وركزنا في كلام ماما المرة دي هند اللي سألت

"جدو انت كنت بتنط من قوضة تيتا ليه".

" احم أصل الصراحه... ".

" أقولكوا انا ".

" فيروز اسكتي احسنلك ".

" خلاص سكت اهو بس برضه هقولهم ".

" قوموا شوفوا وراكوا ايه اتفضلوا ".

خلص جملته ومشي شكل جدو كان شقي هههههه يلا مهو فرع الهبل متوارث بقي رامي قام خرج من البيت وأنس طلع القوضة وماما راحت الجنينة وبابا دخل المكتب ومصطفي شال سيلا وطلع قوضته كريم اللي كان بيبص ليا اول مرة يعملها اول مارفعت عيني في عينه قام واستأذن انه هيروح المدرسة ويونس راح معاه معتز طلع قوضته وشوية ونزل ومشي ودنيا برضه قامت مفضلش غيري انا وكريمة وهند

" ثلاثي النكد ".

الكل ضحك علي جملة كريمة

" ليه بس ياكوكي ده انتي قمر ".

ردت عليا بعبوس

" محدش بيحبني ياتسبيح ".

انا وهند بصينلها بزهول وقمنا قعدنا جمبها

" ليه بتقولي كده انا وتسبيح وجدو ويونس وكلهم بيحبوكي ".

دموعها نزلت وقالت

" لأ انتوا مش بتحبوني انتوا بتشفقوا عليا عشان انا معاقة انا مش كاملة زمايلي قالولي كده وانا فعلا كده ".

" مين اللي زعل الاميرة بتاعتنا اكيد الجاموسة اللي لسة ماشي دلوقتي ".

" ميرنا ".

جريت حضنتها وهند حضنتها معايا وبعدين بعدنا عنها فراحت حضنت كريمة واحنا كمان حضنا كريمة معاها ميرنا قالت بحنين

" شيليتنا رجعت تاني وهنخربها بقي ".

" هنضيف معانا فرد جديد تعالي يابراء ".

روحت سحبت براء اللي كانت واقفة علي الباب جمب عم علي بخجل

" اعرفكوا بالعضو الجديد في شيليتنا براء هبلة وعبيطة وعندها برضه ١٩قدنا براء ياحبيبتي دي كريمة عندها٢٠سنة أجمل حاجة في حياتنا واخت يونس خطيبي ودي بقي هنود الفرع الكوري بتاع العيلة نكدية درجة أولي وللأسف هتبقي مرات اخويا اللي انا كنت مقررة أطلع عينيها بس هلغي القرار عشان خاطرها هند اصغر مننا بخمس شهور وبرضه ١٩سنة اما بقي الاخت دي فدي ميرنا كابوس الرجال هتجلط أخوها قريب هبلة ولاسعة ولسانها مترين واديها برضه لو ضربتي هقول لأنس وبرضه عندها ١٩سنة اظن كده انا عرفتكوا بالحاجات اللي انا اعرفها لما تقعدوا مع بعض هتعرفوا بعض أكتر اتفضلوا علي قوضتي يلا".