مجنونة الفهد (ماري وفهد المخابرات)

part 14♡

رواية مجنونة الفهد
الحلقة الرابع عشر
بقلم: شهد شراب
_________________________________
وقفنا البارت الي فات عند هنا ورعد لما دلقت عليه العصير....
هنا: طيب بعد اذنك.
رعد: استني ي انسة هنا خدي العصير ده مكان الي وقع.
هنا: لا شكرا ي كابتن ملوش لزوم.
رعد: بقلك هتاخديه يعني هتاخديه اتفضلي خدي من غير اي نقاش.
هنا: خلاص ماشي هاتو.
رعد: ايوة كده ناس مبتجيه الا بالعين الحمرا
راحت هنا عند الشباب وفي الوقت ده سالتها فاطمة وقالت..
فاطمة: اي ي بنتي جيتي ليه
هنا: لا مفيش بس انتو اتاخرتي قلت اجي تاني..
عند خديجة وماري رجعت ماري على الطاولة وراحت خديجة على الحمام....
خديجة كانت بتغسل ايدها وفجاة دخل عليها مراد..
خديجة: اي ده هو حضرتك مش منتبه انه ده حمام البنات.
مراد: لا منتبه بس حمام الشباب مليان فانا جيت هنا
خديجة: لا والله اقسم بالله انك واحد قليل ادب وحيوان جاي على حمام البنات وبكل بجاحة تقول مفيش وسع في الحمام الشباب.
مراد: بت انتي وسعي كده مش ناقص قرف.. وعلى فكرة انتي مش من نوعي المفضل..
خديجة: نعم نعم ليه هو شايفني ناقصة ايد ولا رجل...
مراد: يخرب بيت كده انا طالع وطلع مراد من الحمام وراح عند الشباب....
على طاولة الشباب (الي هما الدكاترة) ..
عمر: هنا هو انتي احضرتي محاضرة امبارح.
هنا: ايوة احضرتها.
عمر: طيب انا عاوز اصور الجزء الخاص بالتشريح.
هنا: خلاص ماشي ي عمر.
هنا مكنتش واخدة بالها من الي ببصلها بكل غضب الي هو رعد
رعد: ماشي دا انتا وقعتك سودة.
رجعت خديجة على الطاولة وماسكة صينية مليانة اكل.
خديجة: انا جيت ي اولاد وسعولي.
علي: اي ده.. هو انتي هتاكلي كل الاكل ده لوحدك.
خديجة: ايوة يبني.. بس انا حساه قليل صح.. انا كان لازم اجيب كمان صينية.
عمر: اي ي ماما كل ده هو احنا داخلين على حرب ولا ايه.
خديجة: لا بس الواحد جعان... اعمل اي يعني احنا مش بناكل غير ثلاث وجبات بس.. احتمال والله لو جعت ليه لأ.
عمر: ي ماما ده الواحد كده يخاف على نفسو منك.
هنا: اه والله ي عموور
عمر: بقلكو اي ي شباب انا شايف بصات كده من الطاولة الي ورانا... دي مبتبشرش بالخير ابدا... كل واحد يخليه بطبقو احسن.. احسن ابو لهب واصحابو قاعدين ورانا.
خديجة كانت لسا بتبص وراها وبتقول: بس انتو كده علطول فاضحيني... ولما لفت وشافت الشباب الي وراها شافت الوشوش الي صدمتها
خديجة: والله حرام عليكو ازاي محدش يقولي انو هولاكو قاعد ورايا.. ده اكيد هينفخني بالتدريب الي جاي.
فاطمة: لا والله على اساس انك سايبة لحد فرصة يتكلم.
وفي الوقت ده كان فهد متعصب وبقول: كلكو شبه بعض والله لو مخلتكوش تقولو حقي برقبتي مكونش انا الفهد.
مراد: واد ي حسن هما العيال دول عاملين كده ليه.. واحد شبه ابو لهب محدش قادر يتكلم معاه.. ولا التاني عدو النساء الي دخل تجربة فاشلة مع وحدة وقرر من وقتها يكره صنف الستات كلو.
حسن: والله معك حق دا الواحد حاسس حالو قاعد بين الشياطين.
فهد: بتقول حاجة ي مراد.
مراد : لا يكبير ولا حاجة.
فهد: ولما مفيش حاجة زي مبتقول قاعد وبتتكلم كده كتير ليه.
مراد: انا ده فين ده ي راجل..
ضحك الكل على طريقة مراد وفهد اكتفى بابتسامة بسيطة.
خديجة: انا مش عارفة اكل ي ماري حاسة انو الاكل هيوقف في زوري لو اكلت.. حاسة انهم بيبصو علينا وهما قاعدين ورانا.. يعني هي الاماكن خلصت عشان يقعدو ورانا في المكان ده.
عمر: والله منا عارف في المكان ده.
عمر: والله منا عارف في ايه.. بس احسن يسمعونا.
فهد: بقا انا ابو لهب طيب ماشي.. هعرفكو بقى مين هو الفهد.
ايوة متستغربوش فهد كان سامع كلامهم كلو وعلى الرغم انو الاولاد مش جنب بعض الا انو عندو القدرة يسمع اي صوت بعيد عنو وكمان يقرا حركة الشفايف وبيقرا حركة الحسم والعيون بمهارة عالية... بص فهد في ساعتو وبعدين وقف بكل ثقة وكبرياء بنص المطعم..
فهد: اسمعوني كويس.. دلوقتي قدامكم 5 دقايق بس عشان تكونو في الساحة علشان نبدا تدريب الطوارئ.
خديجة وقتها كانت بتشرب العصير ولما سمعت صوت فهد وهو بيتكلم .. شرقت والعصير كلو طلع على علي الي كان قدامها..
علي: ينهار اسود على القرف ي جدعان.
خديجة: اي ده انا اسفة خالص ي استاذ علي.. انا مكنتش اقصد والله..
علي: بس ي شيخة منك لله.. ايه القرف الي انتي عملتيه ده..
وقتها عمر ناول علي مناديل عشان ينشف وجهو وقلو: خلاص ي علي هي متقصدش ي راجل.
هنا: خلاص ي علي خلاص حصل خير.
وخلصو الشباب وخرجو على الساحة. واتجمعو هناك.
خديجة: تفتكري ي هنا هيعملو معانا النهارده اي بالضبط.. هنط من العربيةوهي بتمشي ولا هنط من فوق المبنى ولا هيطيرو ورانا الكلاب ولا اي بالضبط.
هنا: والله ما انا عارفة ي نور بصي انا ميهمنيش اي حاجة.. بس يارب الا الكلاب الواحد مفيهوش حيل يجري والله العظيم.
فاطمة: كلاب.. كلاب لأ.
ماري: بس ي بت ي خديجة خوفتي فاطمة.
وفي الوقت ده فهد قطع كلامهم وقال: انضم لينا اليوم رائد تاني..الرائد مراد المنصوري...
وفي الوقت كانت خديجة بتحكي مع هنا وفجاة لفت تشوف مين الرائد الجديد..
وهنا انصدمت
خديجة: احي احي احي ثلاثة احي....
هنا: في اي مالك..
خديجة: الرائد الجديد ده انا هزئتو في المطعم والله ماكنت اعرف انو رائد..
هنا: الله يخرب بيتك... ادعي بس مينتبهش ليكي.
راحت خديجة لفت وجهها للناحية التانية عشان مينتبهش مراد ليها.
فهد: انتي ي انسة ... انتي الي لافة وجهك..
هنا الكل بص على خديجة... خديجة لفت براحة وهنا مراد شافها وابتسم نص ابتسامة.
مراد: دا احنا ايامنا هتبقى عسل مع بعض..
فهد: ي انسة انتي لو كررتي الحركة دي هتتعاقبي.
خديجة: اسفة ي باشا.
وهنا بدأ رعد بالكلام وقال.
رعد: النهارده هنتدرب تدريب مختلف شوية..
ونادى على العسكري: هات ي عسكري..
وهنا اتصدم الكل من الي شافوه قدامهم...
*************
ولحد هنا خلص البارت ده ان شاءلله يكون عجبكو ومتنشوش الفوت وكومنت جميل زيكو...
للصامتين الذين يقراون في صمت.. اي ي جماعة متتلحلحو وتعملو فوت والله العظين انو مجاني وببلاش والله العظيم 😂😂😂💔💔