مجنونة الفهد (ماري وفهد المخابرات)

part 17♡

رواية مجنونة الفهد
الحلقة السابع عشر
بقلم ✎شهد شراب
_________________________________

نبدا البارت عند هنا الي كانت سرحانة في رعد الي كان ببص عليها جامد اوي.

ونروح عند رعد ومراد...
مراد: ي رعد حرام عليك البنت وبعدين لو حد شافك هتبقى عامل ازاي ي رعد المخابرات.... ولاااا هههههه لتكون وقعت ومحدش سما عليك ي صاحبي ههههه.
رعد: اذا مسكتش انا هخليك تشوف الرعد ممكن يعمل ايه.
مراد: لا وعلى اي بس بدي اقلك خف على البنت شوية دي بقت شبه الطماطم.
رعد: بتبصلها يااا.....  وهنا طلع مراد يجري من قدامه وهو بيضحك.
اتجمع كل  الطلاب في الساحة الخارجية..
حسن: اومال فين المقدم فهد....  اي اتاخر ولا ايه.
رعد: لا هوااا...
قطع رعد فهد وهو بيقول..
فهد: لا ي حضرة المقدم انا هنا...
  وقال بصوت عالي: يلا كل واحد مكانه بسرعة..
خديجة: الظاهر هولاكو ناوي لينا على نية سودة..  والله انا مش بفهم الراجل ده.
فاطمة: عشان هو مش بني ادم زينا.
هنا: طب بس احسن يسمعنا.
فهد: دلوقتي بقالكو ثلاث شهور هنا واتدربتو على اغلب التدريبات ودخلتو اختبار تحديد المستوى ودلوقتي هتكون النتيجة النهائية بتاعت تحديد مصيركو يعني الطلاب الي اخدو اعلى الدرجات هيتم تحويلهم لاطباء انتظام في الجيش والي غير كده هتكون رتبته في مستشفى الجيش ثابتة على عكس زمايلو التانيين..
خديجه: والله مفهمت اي حاجة من الي قالو.
فهد: دلوقتي هقول اسماء الطلاب الي جابو اعلى الدرجات والترتيب من الاول للاخير.
)ماري محمد.
2)عادل الجارحي.
3)جمال عبدالله.
4)هنا الليثي.
5)خديجة رامي.
6)علي مؤمن. 
7)فاطمة الشاذلي.
8)عمر عامر.
9)شهد محمد.
10)مريم عبد الرحمن.
ودلوقتي كل واحد فيكم عرف هو فين بالضبط. وفجاة جري واحد من العساكر على فهد وقلو..
العسكري: اللواء حسن الشاذلي هيوصل بعد خمس دقايق.
فهد: ماشي واحنا مستنينو.
حسن: هوا اللواء حسن جاي ليه (سبحان الله تشابه اسماء غير مقصود😹😹).
فهد: لما يوصل هتعرف كل حاجة.

هنا: انا الثالثة ي جدعان.
فاطمة: انا الحمدلله مش الاخيرة...  يلا الواحد كان فاكر انو هيطلع الاخير بس الحمدلله رقم 7 حلو اوي وبعدين ي هنا انتى الرابعةمش التالتة ي فالحة.
هنا: بس يبت سيبيني متعشمة انا مش طايقة نفسي اووف..
عادل: يعني انا بعد كل التعب ده اطلع التاني.  يا ترى مين هي الساحرة الشريرة الي في المركز الاول دي.
جمال: خلاص ي عم مش قصة انت احسن من شهد دي في المركز التاسع.
شهد: اه والله ي جمال مش عارفة ازاي انا في المركز التاسع دا احنا هنا قبلهم ومتمرمطين في الكلية من قبلهم..
وفجاة الكل سكت عن الكلام بسبب دخول اللواء حسن..  وقف اللواء حسن قدام الطلاب بكل غرور وكبرياء بالزي العسكري وقال بصوت عالي.
اللواء حسن: مبروك لكل الطلاب وعشان تعبكو الي تعبتوه الفترة الي فاتت ليكم اجازة لمدة اسبوع عشان تشوفو اهلكم
خديجة: الحمدلله يارب اخيرا.
اللواء حسن: بس الاجازة دي ممنوع منها اول عشر اسماء من القايمة لاسباب هتعرفوها بعدين  ودلوقتي الكل يتحرك عشان تجهزو نفسكو ما عدا العشرة الاوائل...  وفجاة الكل سمع صوت فاطمة بتقول....
***
ونروح لمكان اول مرة نروحو مكان مليء بالشر والحقد..  نقدر نقول عليك وكر الافاعي..
كان في مجموعة من الرجال واقفين في منطقة ضلمة  وكان بتين على وشهم الخطر والاجرام.
الراجل 1:كلو تمام ي باشا.
الراجل2:كويس اوي كده ابداو نفذو عند ساعة الصفر ماشي عشان الشيطان طلب كده.
الراجل1:تمام ي باشا والجنود جاهزين عشان نذبحو زي الخروف.وكمان المتفجرات في المزرعة في مكانها الصحيح متقلقش حضرتك وطمن الشيطان.
الراجل 2:تمام على بركة الله تعالى...
*****
وفي الوقت الي كان اللواء حسن بيتكلم فيه صرخت فاطمة...
فاطمة: لا ي بابا حرام كده على فكرة  .
بص الكل لفاطمة باستغراب شديد وبعدين الاستغراب ده اتحول لصدمة كبيرة اوي.. بصتبها خديجة بصدمة  وقالت..
هنا: انتي ي فاطمة بنت الراجل ده.  اه يبنت اللذين انتي بنت اللواء.
بص اللواء حسن لفاطمة بعدم اهتمام وقال
اللواء حسن: دلوقتي كل واحد يروح يجهز نفسو عشان يمشي والعشرة الأوائل يكونو في غرفة الاجتماعات بعد نص ساعة مفهوم..
رد الكل: مفهوم ي افندم.
اللواء حسن: وانت ي حسن خلصت مهمتك لحد دلوقتي انت لازم ترجع للكتيبة بتاعتك.
قدم حسن التحية العسكرية للواء حسن ومشي وهو فيقول في نفسو..: اكيد الموضوع ده كبير عشان اللواء يجي اللواء لهنا بنفسو.
اللواء حسن: اسمعوني كويس ي شباب جيبو العشر الاوائل لغرفة الاجتماعات وتكونو هناك بسرعة الموضوع مهم جداا.
فهد: حاضر ي افندم.
ومشي الكل عشان يستعدو للاجتماع..
بقي بس البنات والشباب بيفكرو اي الي هيحصل في الاجتماع.
هنا: هوا اي الي هيحصل وايش معنى احنا  انا حاسة انو في مصيبة في الموضوع.
خديجة: قولي ربنا يستر ي هنا علشان انا حاسة انو اللواء دا ناوي على موتنا.
علي: مظنش ي بنات هو اي نعم شكله يخوف بس اكيد مش هيكون زي دراكولا ابدا.
فاطمة: على متقولش على بابا كده هوا بابا طيب والله العظيم بس في الشغل هنا حاجة تانية.
هنا: ايوة انتي بنت الراجل ده هوا انتي مقلتيش ليه من الاول انو ابوكي ليه سايبانا في المرمطة دي ي شيخة
خديجة: بس ي هنا مش وقتو الكلام ده..  هي فين غرفة الاجتماعات دي احسن ما نلاقي هولاكو وقف على راسنا ويعاقبنا احسن الواحد جسمو مكسر ومش ناقص.

: لا ي شيخة اومال انتي طلعي الاولى ازاي.
الكل بص لمصدر الصوت.. وكان ده عادل.
وفي الوقت ده رد عليه عمر وقلو
عمر: نعم ي كابتن في حاجة ولا ايه..
عادل:  لا مفيش ي كابتن بس احنا دلوقتي معاكم في الفريق فكنا بس حابين نتعرف عليكم مش اكتر ولا ايه ي جمال..
جمال: ايوة ايوة بالضبط.
عمر: ااه وانتو بقى الي قال عليكو المقدم حسن.
جمال: انا جمال.
عادل: وانا عادل.
شهد: وانا شهد.
عمر: وانا عمر وده علي...  وانا نور ...
فاطمة:وانا...
عادل: انتي ماري الاولى.
فاطمة: لأ انا فاطمة ماري هتلاقوها هنا ولا هنا...  ي ماري ماااري..  كانت ماري واقفة مع هنا في  الوقت ده..
ماري: مالك ي هنا وجهك احمر كده ليه
هنا: انا مش عارفة اي الي بيحصل ده انا عاوزة اتكلم معاكي ضروري ي ماري في موضوع مهم جدا لازم احكيهولك.
ماري: ماشي ي هنوش انا تحت امرك ي جميل بس  نشوف الاخ ده عاوز ايه الاول وبعدين نقعد على جنب ونشوف موضوعك.
خديجة: هنااا يبت هنا انت وماري.
هنا: في ايي.
خديجة: بقالنا ساعة بنادي عليكو وانتو مش هنا.
ماري: ايوة ي خديجة خير في اي.
عادل: مفيش حاجة ي بنات احنا كنا بنتعرف على الفريق بتاعكو وانتم ولا هنا خاالص.
ماري: احنا اسفين بجد كنا بنحكي ومخدناش بالنا خاالص.
شهد: ولا يهمك..  انا شهد وده عادل وده جمال من كلية طيب عسكري كنا في فريق المقدم حسن.
ماري: اهلا بيكم..  انا ماري ودي هنا.
جمال: انتي ماري بقى وانتي طلعتي الاولى ازاي.
ماري: زي ما حضرتك طلعت بالضبط ي كابتن.
جمال:  اناا..
وقطع كلامهم جاسر..
جاسر: لو حفلة التعارفة بتاعتكم خلصت تعالو ورايا على غرفة الاجتماعات..
وبعد عشر دقايق وصل الكل لغرفة الاجتماعات الي كانت في مبنى فريق فهد مشيو في طريق ضيق لحد ما وصلو للغرفة.
ولقو باب لونو اسود ودقو الباب ووقفو لحد ما حد يامرهم بالدخول.
هنا: هو ايه الي بيحصل بالضبط انا خايفة اوي ي خديجة.
خديجة: اهدي ي هنا اهدي واتشاهدي لحد ما ندخل عشان لو متنا نموت شهداء.
هنا: اهو انا بعد الكلام ده خفت بزيادة.
انتي ي بت ي فاطمة هو ابوكي بياكل لحم البني ادمين ولا ايه ولا ميكونش بيموت عامة الشعب.
فاطمة: والله مبعرف انا بشوفو بالبيت بني ادم طبيعي بس بالشغل معرفش.
خديجة: يادي الوقعة السودة ي جدعان ربنا يستر.
فاطمة: والله انتو عسل يلا خلونا ندخل..
ودخل الكل قاعة الاجتماعات وكانت كبيرة اوي وكان فيها طاولة كبيرة في النص وحواليها كراسي وكان عليها لابتوبات قدام كل كرسي وشاشة عرض كبيرة كانت الغرفة مجهزة بكل الامكانيات التكنولوجية الحديثة  وكافة الاجهزة المتطورة...  وقف الكل مصدوم من جمال الاوضة...
خديجة:  واو رائعة اي الجمال ده.
عمر: اي ده  ي جدع هوا في كده في مصر انا مش مصدق والله العظيم.
عادل: لا وفي حاجات احلى من كده بس مشفتوهاش لانو مدخلتوش كلية طب عسكري من الاول علشان كده مبتعرفوش حاجة وبعدين احنا من اكبر كتيبة في مصر.
عمر: ي رااجل....
****************
ولحد هنا خلص البارت ده ان شاءلله يكون عجبكو ومتنشوش الفوت وكومنت ظريف زيكو.

سلاااااااام 👋👋👋👋👋❤❤.