رواية مجنونة الفهد
الحلقة الثامنة والعشرين والاخيرة
بقلمي✎ شهد شراب
_________________________________
نبدأ البارت في المستشفى وخاصة في الغرفة الي فيها رعد وهنا..
هنا: خلاص خلصت.. الحمدلله على السلامة.
رعد: الله يسلم قلبك ي زتونة قلبي من جواا.
هنا: نعم حضرتك.. هو اي الي كل شوية زتونة زتونة ليي بتقول كده.
رعد بضحك: بقلك بعدين.. المهم عايز اجي اشرب عندكو قهوة.
هنا: لي مفيش عندكو قهوة.
رعد بضحك: ايوة معندناش وبعدين انا نفسي ادوق قهوتك.
هنا: بعيدا عن الهزار.. لي عايز تشرب قهوة عندنا.
رعد: عشان انا عايز اطلب ايدك من باباكي عشان اتجوزك ونطير..
هنا بكسوف: احم تمام...
رعد بضحك وهو خارج: استنوني بكرة الساعة 6ههههههه.
خرج رعد وابتسامة هنا من الودن دي للودن دي وفجاة وبدات تجري وتلف حوالين نفسها وهي بتضحك....
****************
في بيت ماري كانت ماري قاعدة بتحضر مسلسلها وامها بتحضر الغداء وفجاة دق الباب.....
سعاد: اهلا اهلا ي ابني نورت والله اتفضل.
ادهم وهو بيحضن سعاد: النور نورك ي ست الكل.
هنا خرجت ماري من غرفتها باستغراب.
ماري: انت ازاي تحضن ماما كده.
ادهم وهو بيقرب منها: انا هحضنك انتي كمان اي رايك...
وحضنها وماري بتحاول تتملص منو.
ادهم: انت ي بني ادم انت ابعد عني..
وسعاد كانت واقفة وبتضحك على بنتها..
ادهم: ازيك ي اميرتي الصغيرة.
هنا تسمرت ماري مكانها لما سمعت الكلمة دي الكلمة الي مكنش حد يقولهالها غير اخوها ادهم..
ماري: اادهم...
ادهم: عيون وقلب وروح ادهم.
وهنا ماري عيطت وحضنتو اكتر وادهم شالها ولف بيها الغرفة...
ماري: كنت فين بس... وسبتنا لي.
ادهم: كان لازم اعمل كده عشان الي قتل بابا ما يأذيكوش... انا اخدت بتار بابا وقتلت الي قتلو..
ماري وسعاد كانو بيضحكو بدموع وادهم قاعد بينهم وحاضنهم..
ادهم: خلاص مفيش حاجة هتبعدني عنكم ابداا.... اه صحيح امي انا اتجوزت وعندي ولد.
سعاد بصدمة: اي كيب هي فين لي مجبتهاش تعرفنا عليها.... وازاي تتجوز من غير. متقولنا ازااي.
ادهم: الظروف ي ماما... عمها كان هيجوزها غصب عنها لابن عمها وانا كنت بحبهااوي فاخدتها واتجوزنا في فيلا صغيرة كده..
ماري: طيب انا عايزة اتعرف عليها وعلى ابنك كمان..
ادهم: طيب انتو تلمو اغراضكو من هنا عشان تيجو تعيشو معايا هناك..
سعاد: لاا معلش ي حبيبي بس انا مستحيل اسيب شقة ابوك.
ادهم: تمام على راحتك .. وانا بكرة هجيب مراتي وابني ونقعد عندكم يومين تلاثة كده .
سعاد: تنورو ي روححي.
وفجأة دق الباب وقام ادهم عشان يفتح الباب...
ادهم: اهلاا اهلاا طنط ماهي هنا والله نورتينا اتفضلي
ماهي: النور نورك ي حبيبي.
فهد: وبالنسبة ليا مفيش اتفضل...
ادهم: لاا ازاي ي غالي اتفضل د انت نورت كمان..
ودخل فهد وماهي....
ماري: هيي طنط ماهي اهلا نورتي ي قمر
وسلمت عليها وحضنتها.. وسلمت على سعاد....
فهد: ازيك ي طنط عاملة اي.
سعاد: الحمدلله ي ابني كويسة انت اخبارك اي.
فهد الحمدلله... احم ازيك ي دكتورة ماري.
ماري: الحمدلله تمام.
ماهي: احنا جينا عشان نتشكركو ونشكر ماري بالذات على الي عملتو مع ابني.
ماري: مفيش شكر ولا حاجة ي طنط اي حد كان ممكن يعمل كده.
فهد وادهم كانو قاعدين على جنب..
فهد: لي مقولتش انك جاي..
ادهم: واقولك لي جيت عشان اعرف ماري كل حاجة..
فهد: وهي عرفت.. طيبرد فعلها كان ايه.
ادهم: اي هيكون يعني عيطت وحضنتني وشلتها وكده يعني.
فهد وهو بيكور ايده بغض.
فهد: وتحضنك ليه وتشيلها ليييي.
ادهم وهو بيضحك: يووو اختي وبدلعها عادي يعني..
فهد: طيب اسكت اسكت ومتعملش كده تاني.
ادهم قام من مكانو بضحك وقعد جنب ماري وحط ايدو على كتفها وباسها من خدها..
ادهم: والله ووحشتيني ي مراميرو ي قمر.
وهنا فهد قام بغضب وسحب ادهم عنها وقال..
فهد: ي عم قلتلك متقربلهاش.. اي مبتفهمش..
ادهم بخبث: ومقربش لي اختي وبخضنها عادي...
فهد بغضب: طنط سعاد انا طالب ايد الانسة ماري.. اي رايك..
ادهم بتناكة مصطنعة: احنا معندناش بنات للجواز.. انا كنت غايب من زمان اوي ولسا مشبعتش منها..
فهد وهو ماسكو من ايدو بغضب: مشبعتش من ين.. سمعني تاني قلت حاجة..
ادهم: ااخ ايدي... مقولتش حاجة انا قولت بس ناخد راي العروسة.... اي رايك ي حبيبتي.
فهد: حبك برصي بعيد.
وماري كانت واقفة وجهها بقى زي الوان الطيف..
ادهم: مالك بلمتي كده ليه.. اي رايك في ابننا فهد.
ماري وحطت راسها بالارض: احم الي تشوفو انت وماما.
فهد: الله اكبرررر نقرا الفاتحة بقى..
ماهي: والله فرحتني ي ابني.. بجد وحسن الاختيار ماشاء الله ماري ادب واخلاق وجمال..
فهد: منا عارف يا امي.
وقعدو وقرأو الفاتحة...
فهد: احم هو ممكن اخد ماري ونطلع شوية مش هنتاخر.
ادهم: لاااا مفيش طلعات الا بعد كتب الكتاب الي هيكون كمان سنتين ان شاءلله.
فهد: نعم نعم سنتبن اي دي كتب الكتاب هيكون اخر الشهر وده اخر كلام عندي... واذا عندك اعتراض قلي.
ادهم: لا ولا اعتراض ولا حاجة بس مفيش طلعات دلوقتي.
فهد: طيب ماشي... المهم احنا لازم نمشي يلا ي ماما.
ماهي: تمام... يلا سلام ي سعاد وسلام ي عروستا الحللوة.
فهد: سلا ي طنط..
ووجه كلامه لماري وهو بيغمزلها: سلام ي ي عروستي.
YOU ARE READING
مجنونة الفهد (ماري وفهد المخابرات)
Fantasyرواية مجنونة الفهد الرواية عبارة عن كوميديا في اكشن في دراما في رومانسي في كل حاجة كده 😂 الابطال الحلوين: فهد وماري ♡ رعد وهنا ♡ جاسر وفاطمة♡ مراد وخديجة♡
