سنه واحده جواز 💍💔

خطف علياء ومحاولة هروبها

في مكان مهجور بعيد تماما عن أي شكل من أشكال الحياة
فلا يوجد بيوت حولهم ولا مطاعم أو حتي شارع رئيسي
تم وضع المسكينة علياء في غرفة مظلمة من غرف البيت المهجور التي خطفتها به العصابة ، لا يوجد في الغرفة سوي كرسي خشب غير مريح و مرتبة مقززة على الأرضية .
كانت علياء لا تزال مغمى عليها وضعها أحد الخاطفين على الكرسي وقام بربط أطرافها الاربعه بالكرسي ليعيق اي محاولة للحركة منها
أحد الخاطفين : بس ايه الحتة الملبسة اللى قدامنا دي
                      هي الحريم دي اللي تفتح النفس مش زي           
                      الغربان اللى عندنا في البيت اه لو يسيبوني
                      عليها ، بس نقول ايه احمد باشا منبه محدش
                       يجي جنبها
رد عليه شخص آخر من العصابة : امسك نفسك لو احمد سمعك أو لو حد قتله مش هتكفية روحك ، بس اللى هيجنني هو لية خلانا نخطفها ، ده مقطع السمكة وديلها مغلباه قوي البت دي في ايه دي المفروض متخدش في ايدة غلوة
عالعموم هو هيجي كمان خمس دقايق وهيشرحلنا خطته ايه بالظبط. ولازم تفتحوا دماغكم لو مفتحتوش دماغكم ونفزتوا اللى بتقولوا علية بالظبط هيتقطعوا على نفسكم لقمة عيش حلوة وكمان هتشتروا عداوة احمد باشا
في هذا الوقت جاء احمد إلى تلك الفيلا المهجورة ودخل إلى الغرفة الموجودة بها علياء و الأشخاص الذين خطفوها
احمد : ها هي لسة نايمه
مرعي : ايوه يا احمد باشا وزي ما قلت لحضرتك محدش مشي ورانا ولا حد قدر يعرف مكانا
احمد :عظيم ...عظيم
مرعي : الرجاله كانت عايزة تعرف ايه التعليمات بالظبط
احمد : مفيش اي حاجه تعملوها غير انكم هتدخلولها اكل ومية  كل ١٢ ساعه ومحدش يدايقها ولا يتكلم معاها و محدش يرد عليها غير بعد يومين من الخطف يطلب منها رقم اللى ممكن يدفعلها الفدية
مرعي : اه يعني احنا بالنسبالها خاطفينها علشان الفلوس
         طب وانت يا احمد باشا هتستفيد ايه من الموضوع ده
احمد : هي مش هيكون قدامها غير حلين اتنين يا اما هتتصل
        علي ابوها وامها ودول ناس غلابة وعلى قد حالهم
        وأبوها اصلا سافر الخليج من يوم  ،  او انها تتصل بأختها الوحيدة اللى زمانها دلوقتي غرقانه في العسل مع جوزها بيقضوا شهر العسل برة مصر بيلفوا أوروبا
لو هي زكية هتتصل بيا لأني أنا الوحيد اللى تعرفه ممكن يكون معاه فلوس يساعدها ،  وهكون أنا الشخص الشهم الله. هيدفعلها الفدية ويحميها من المغتصبين وهي هتكون تحت رحمتي بسبب الموقف دة دة لو مكنتش وقعت في حبي من بعدها بس ده هيكون الحل السهل ، وانت عارفني بحب الحلول الصعبة الكرياتيف
مرعي : ايه بقى الحل التاني ده
احمد : هو انها تتطلع غبية و تتصل بحد تاني ساعتها هتضطروا نعمل الخطة التانية اللى أنا شخصيا احب اني انفذها بنفسي ،
مرعي بعد أن فهم ما يقصده ولكنه خائف قليلا : بس هنعمل ايه لو البوليس وصلنا والبت الله. كانت معاها بلغت عليها والبوليس زمانه بيدور علينا
احمد بعصبيه : يا بهيم امال أنا بعمل ايه ، أنا بعد انتوا ما نفذتوا الخطه أنا رحت الجامعه كأني بسأل عليها ولقيت صاحبتها و فهمتها  انها متبلغش الشرطة احسن يعملوا حاجه في صاحبتها واني هعرف اتصرف بعلاقاتي واعرف اجيبها من غير اي حاجه متحصلها وكمان علشان منقلقش أهلها و هما كبار في السن  وان اكيد اللى عمل كدة عايز فدية وانا متكفل بيها وهي دلوقتي كلمت أهلها وفهمتهم أن علياء هتروح رحلة يومين وكدة عندها
مرعي : ده انت داهية بجد يا احمد باشا
          دماغك سم 
احمد : خلي بالك احسن سمي يطولك لو منفذتش اللى. قلته وان الغلطة عندي بمستقبلكم كلكم ، اوعي حد يقربلها من البهايم اللى معاك
مرعي : و مدام حضرتك يا احمد باشا خايف عليها كدة
          خطفتها ليه
احمد : البت دي شايفه نفسها قوي ولازم حد يقرصلها ودنها
نخليها تطاطي شوية مش نكسرلها ضهرها  فاهم 
        ( حاسب يا واد الحنية اللى بتدلدق عالارض 🥺🥺)
مرعي : فاهم يا احمد باشا
احمد : وجبت البنات اللى طلبتهم منك
مرعي : اه جاهزين ومستنيين وغمز له بطرف عينية