بسرعة البرق هرب الرجلان بعيدا وتركوا آسر يسبح بدماءه
وعلا وحدها بملابسها الممزقة تصرخ لا تعلم ماذا تفعل
كان آسر يسبح فى خيالاته وهو ينظر لها يحاول أن يقاوم الإغماء ويتحامل على نفسه لينهض وينقلها إلى بيتهم حيث الآمان
اقتربت منه علا تساعده على النهوض أمسكت بذراعه الملئ بالدماء وأخذت تشده لينهض لأعلى
وبالفعل ما أن شعر آسر بيدي علا
حتى شعر بالقوة
اليس يستمد الحبيب القوه من عشيقه
ونهض آسر وأصبح واقفاً
أمامها
أمام علا
الممزقة الثياب
تساعد آسر بيد
وباليد الآخرى تحاول أن تداري جسدها
مد آسر يده بألم إلى القميص الذي يرتديه
وانتزعه بسرعه و أعطاه لعلا لتداري به جسدها
وقال لها بصوت كله خوف : انت كويسه
حركت علا رأسها اي نعم جاءت عيناها إلى دماء آسر
اتضحت جروح آسر أكثر بعد أن قام بخلع قميصه
وظهرت أنها جروح ليست سطحية
حاولت علا أن تسير بجوار آسر ولكن قدماها
لم تستطيع التحرك
لاحظ آسر أنها لا تستطيع التحرك
فأستجمع ما به من قوة و قام بحملها
كأب يحتضن طفلته الباكية
وكطفلة لا خائفة مرعوبة
تريد أن تشعر بالأمان دفنت رأسها بين احضان آسر
فهو مصدر أمانها
سار آسر إلى الكوخ وهو يحمل حبيبته
وتقطر دماءه على الرمال
وما أن وصل آسر إلى الكوخ
حتى خارت قواه وفقد قوته
شكر أسر جسده الذي ساعده ليصل إلى الكوخ
ووقع آسر مغمى عليه من فرط التعب
/_/_/_/_/_/_/_/_/_/_/_/_/_/_/_/_/_/_
فى مصر :
استيقظ باسم من نومه وكاي مواطن مصري امسك هاتفه
وتفحص بريده ورسائل الواتساب
وجد رساله من رقم غريب من خارج مصر
فتح الرساله وقرأها وفرح كثيرا حين اكتشف انها من علا
وأنها مازالت تفكر فيه وأن زواجها هذا ليس أكثر من مجرد تمثيليه
حاول أن يتصل بها كثيرا ولكن لا احد يجيب
فكر باسم أن يتصل بأخت علا ولكن يبدوا أنها لاتعلم
اي شئ عن كذبة زواج علا فلم يجد حل غير أن ينتظر
رد علا على رسائله
/_/_/_/_/_/_/_/_/_/_/_/_/_/_/_/_/_
و في البنك عند احمد صاحب آسر هو و على صديقه
احمد : بس يا سيدي هى دي حكايتي مع علياء
انا بقى مش عارف ادخل للبت دي منين
صعبه قوي ومستتقله دمي انا
تخيل يا على واحدة تكرفني انا
علي : والله البت دي ب ١٠٠ راجل ، تستاهل
احمد : هو انا بحكيلك علشان تقولي كده
انا عايزك تساعدني اتعرف عليها
علي : للدرجادي عجبتك ، ده انت عرفت بنات بعدد
شعر راسك ، ده انت كنت بس تبص للبنت من دول
تترمي تحت رجلك فيك ايه يا صاحبى
احمد : بالظبط كده علشان هى قالت لأ
انت عارف النوع اللى عامل نفسه صعب
ده بيكون حلو اوي ، وحلاوته ف صعوبته
على : انت ناوي على ايه بالظبط
احمد : على كل خير ، ناوي على كل خير
مش هى عامله نفسها صعبه
و انا قبلت التحدي
علي : اوعى تكون بتفكر انك....
قام احمد من على كرسيه وارتدى جاكيته الأسود
وعيناه السوداوان يتتطاير منهما الشر
يبدوا أن لديه خطه
/_/_/_/_/_/_/_/_/_/_/_/_/_/_/_/_
و فى الجامعة عند علياء
كانت علياء تسير برفقة زميلتها اميرة
أميرة : فعلا فعلا يا بخت اختك علا دي بجد
اتجوزت دكتور وسيم مشهور غني
ودلوقتي بيقضوا شهر العسل في ايطاليا
اوعدني يا رب اوعدني يا رب
(دي العين فلقت الحجر فعلا 😅)
علياء : فى ايه يا بت يخربيتك . قولي ماشاء الله
أو الله اكبر بتحسدي اختى قصادي
عيني عينك كده
أميرة : مش بحسد يا ستى بس اصل آسر
جوز اختك ده حلم اي بنت
انت عارفه انا لو منك استلقط عريس
لقطه من عيلة آسر دي
لا شعورياً تذكرت علياء احمد صاحب آسر
علياء : ده بدل ما تقولي اننا نركز فى دراستنا
أميرة : طب يلا انا عطشانة جدا يلا نجيب حاجه نشربها
من عم محمد اللى بره الكليه دي
علياء : يلا انا كمان عطشانه
وما أن خرجا من باب الكليه حتى اقتربت منهم عربه سوداء
وبها أربعة رجال مسلحين مقنعين بسرعة البرق شدا علياء إلى العربة و خدروها وانطلقت العربة بسرعة كبيرة
كل هذا أمام عيون أميرة الحائره لا تعلم ماذا تفعل
جرت بسرعه إلى حرس الجامعة ولكن كانت العربه ابتعدت كثيراً جدا
وفى العربة بعد أن قام الحراس بتخدير علياء
اتصل أحدهم على رئيسهم
أحد الخاطفين : الو يا احمد باشا كل حاجه
تمام والأمانة معانا
احمد : تمام نفذ اللى قلتلك عليه بالحرف
أحد الخاطفين: امرك يا باشا
/_/_/_/_/_/_/_/_/_/_/_/_/_/_/_/_/_/_
فى إيطاليا
اتجهت علا إلى الهاتف تطلب الإسعاف
ولكن لا توجد إشارة فى هذا المكان اللعين
تذكرت بعض من معلومات الاسعافات الأولية
التى كانت تشاهدها على اليوتيوب وصارت تحدث نفسها
اول حاجه لازم اطهر الجرح ... لأ لأ الاول امنع النزيف
وتذكرت الحقن التى بحقيبتها التى تأخذها لتوقف نزيف الانف لديها فى لديها سيولة فى الدم ولا تستطيع أن تتحرك دون هذه الحقن للحالات الطارئة
جرت مسرعه للطابق العلوي واحضرت حقيبة يدها
وأخرجت الحقن و وضعتها على الطاوله
وذهبت لآسر وحاولت أن تضعه على الأريكة
علا : يلا يا آسر ساعدني خف نفسك شويه
وبالفعل استجاب آسر النصف فاقد للوعي واستطاع أن يتحرك وهو يستند على علا إلى الأريكه وجلس عليها
أرادت علا أن تطهر الجرح ولكن لم تجد أي شيئ سوى
زجاجة عطر و أحضرت تي شيرت قطن من عند آسر ليعض عليها حتى لا يتألم
علا : آسر آسر انا هطهرلك الجرح دلوقتي خد عض على
دي هتوجع شوية
آسر : ماشي و عض التي شيرت بأسنانه
علا : هعد ١ ٢ ٣ وهحطها يلا واحد اتنين تلاته
سكبت علا العطر على جرحه
آسر : اااااااه بصوت مكتوم
علا : انا عندي الحقنه دي باخدها لوقف النزيف
اسمها ******* هتنفع دي فى حالتك
آسر : اه تنفع فى الوريد
علا : يعنى ايه
آسر : يعنى فى الأورده اللى فى الدراع
علا : اللى بياخدوا فيها المخدرات
آسر : الله ينور
علا : بس دي صعبه انا مش هقدر اديهالك
آسر : خلاص هاتى الحقنه هحاول اديها لنفسي
علا : اتفضل بس خلي بالك
التقط أسر الحقنه ولكنه لم يستطيع أن يحكم إغلاق قبضته
عليها و وقعت منه فى الارض
علا : انت مش هتقدر خلاص انا هحاول اديهالك
آسر : متخافيش هتقدري وانا هشرحلك
اولا هاتى حزام من شنطتي واربطيه على دراعي جامد
علا : حاضر اهو جبته اهو
قامت علا بربطه حوالين دراع آسر
آسر : دلوقتي العروق هتظهر
هتتأكدي أن الحقنه مفيهاش هوا
وبعدين تديهالي
علا : ماشي بس انا خايفه اوجعك
آسر : انا مش خايف
علا : بسم الله الرحمن الرحيم
أعطت علا الحقنه لآسر بنجاح
علا : دلوقتي المفروض اعمل ايه
آسر : دلوقتي الجزء الاصعب
دلوقتي لازم نخيط الجرح
علا : ايييييه جرح ايه ده اللى اخيطه
انا مش دكتوره
آسر : لا هتقدري انت مش مصممة أزياء
ومش بتعملي حاجه اكتر من انك بتخيطي
علا : انت بتقول ايه الموضوع مختلف اكيد
آسر : معندناش خيار تانى
لازم الجرح ده يتخيط يا اما هفضل انزف
علا : طب فين الإبره والخيط
آسر : هتلاقى جنب الباب هنا شنطة الاسعافات الاوليه
ممكن تلاقي فيها
علا : حاضر اه لقيتها فيها خيط ومكرمروم و قطن وابره
آسر : متخافيش انا معاكي خطوة بخطوة
اول حاجه امسحى مكان الجرح بقطنه و مكركروم
ايوا كده وبعدين عقمي الابره والخيط
واختاري الإبره المتنية
علا : ماشي واخيط ازاي بقى
آسر : اي حاجه المهم انك تقفلي الجرح ، والنزيف يقف
علا : ماشي بس انت كده محتاج بنج
آسر : انا هستحمل
علا : يلا انا هبدأ
شعرت علا بالخجل في حرفيا كانت بأحضانه قريبه جدا منه
تشعر بعضلاته مع كل غرزه تخيطها
ولكنها حاولت أن تترك خجلها بعيدا حتي لا تعمل خطأ ما
تعجبت علا من آسر الذي كان ساكن جدا
خافت أن يكون مغمي عليه أو الأسوأ أن يكون قد مات
فرفعت عيناها لتجده ينظر بتركيز إلى رقبتها
أو أسفل منها قليلا 😅
غطت علا رقبتها بعدما شعرت بالحرج و شعور اخر
غريب جدا يدعوها للفرح ولكنها ركزت كثيرا على الجرح
قامت علا بخياطة الجرح بشكل جيد جدا
فبالتأكيد عملها كمصممه ازياء ساعدها كثيرا فى الإمساك بالإبره و المسافات التى تتركها بين الغرزه والأخرى
وبعد نصف ساعه كانت انتهت من من الجرح الاول
آسر : انت فعلا خيطتي الجرح كويس جدا
دلوقتي وقت الجرح التانى هو مش
عميق زي الجرح ده فمش هيحتاج خياطه
تعقيم بس بعد ما تغطى الجرح ده بالقطن
يتبع ......
متنساش النجمه لو عجبك البارت
وتفتكروا احمد هيعمل ايه فى علياء
❤️❤️❤️❤️❤️❤️❤️❤️❤️❤️
أنت تقرأ
سنه واحده جواز 💍💔
عاطفيةاشهر و اوسم و اغني دكتور جراحات في الوطن العربي دكتور أسر العيوني بجمود وجهه و كبرياءه الذي لا مثيل له تقع البطلة علا الفتاه الاكثر جمالا و خفة واعتزاز في طريقة مالذي سيحدث 🤔♥️
