سنه واحده جواز 💍💔

فستاني انا

قام آسر بتقبيلها من شفايفها أمام أعين الناس قبلها بعنف لكي يوصل لها رساله ، علا ابتعدت عنه بمجرد ما ابتعد عنها نظرت له بعيون غاضبه خجوله ولم تستطع أن تفعل أي شيء فهى لم تتوقع أبدا أن يفعل آسر هذا بها أمام أعين الناس سحبها آسر من ذراعها ببطئ هذه المرة وفتح عربته
آسر : ادخلي جوة
علا : انت ازاي تعمل كده
آسر : ادخلي بقلك
علا : انت تفكر نفسك مين
آسر : انا عارف نفسي كويس انا الدكتور آسر العيونى
يعنى لما تتكلمي معايا توطى صوتك وتتكلمي بأدب
عملت كده علشان تعرفي انى اقدر اعمل اي حاجه قصاد أي حد فخافي منى وفكري قبل اي كلمه معايا فاهمه
وثانيا المطعم ده بتاع والدي الله يرحمه والناس اللى هناك عارفاني فلما قول اننا هنتجوز الناس تصدق أنه ده بجد
وزي ما انت حطيتي شروطك انا كمان عندي اوامري اللى هتنفزيها وهتاخدي عليها فلوسك
علا وهى تكاد تنفجر من العياط من هذا السافل الذي أمامها لم تشعر بهذا الإحساس المهين من قبل أوامر اي. اوامر تلك
علا : أوامر ايه
آسر : لازم الناس كلها تصدق أن احنا الإتنين بنحب بعض
لأن عمر حد ما هيصدق انى اتجوز واحده كده والسلام وانا عايز والدتى تحس ان كل حاجه طبيعيه ده اكتر حاجه مهمه هى والدتى لازم هى تقتنع وتصدق أن احنا فعلا متجوزين
وانا عندي فكرة مبدأيه عن إحنا ازاي قابلنا بعض والقصه اللى هنحكيهالهم
نظرت له علا بإنصات
اكمل آسر : هنستغل الأقدار اللى جمعتنا ببعض فالحقيقة
علا بخبث تريد أن تحرجه: اقدار ايه و حقيقة ايه دي !!
آسر وقد توتر قليلا : يوم البنك والقرض
علا بتمثيل : قرض !! امتى ده .........اوعى بكون قصدك على ياااااااه انت لسه فاكر من ساعتها ده انا علقت معاك جامد بقى
آسر وقد تعصب قليلا ولكنه يعلم كيف يزعجها : اصل انا كنت قليل الذوق ساعتها واحرجتك جامد وصعبتي عليا وانت ماشية فقلت اهو فرصه بدل ما تلفي عالقروض السبوبه دى تنفعك
احتقنت علا وانتفخت عروق وجهها من شدة كتم غضبها وقد انتصر عليها آسر العيونى ، قالت بعد فترة
علا : كده المطلوب مني انى أمثل انى بحبك بعد الموقف اللى حصل تحب حضرتك تغير حاجه فالموقف
آسر : اكيد هنقول انى بعد ما مشيتي شفت انى كنت سبب فى سوء التفاهم ده وحاولت اوصلك علشان اعتزرلك ولما قابلتك استلطفنا بعض وخروجه فى التانيه عرفنا بعض وحبينا بعض وخبينا الموضوع علشان مرض والدتي بس بعد ما والدتى طلبت بنفسها انى اتجوز ساعتها عرفناكم
علا : فى حاجه مهمه حضرتك مخدتش بالك منها دكتور آسر
      وهى التفاصيل لو حد سأل على التفاصيل لازم نكون محددين التفاصيل علشان كلامنا يكون زي بعضه
آسر : الموضوع ده سهل مش محتاج المهم دلوقتي اننا ناخد خطوة انا هقول لوالدتى وهنجيلكم بكرة وانت تقولي لوالدك وطبعا هتفهميهم انى عايز اتجوزك النهارده قبل بكرة علشان محتاجك جنبي فى الازمه دي تمام
علا : تمام همت علا لتخرج من العربة ولكن يد آسر اوقفتها
آسر : استنى رايحه فين
علا : هنزل اروح بتنا
آسر : المفروض انا اللى اوصلك احنا متحركناش من قدام المطعم وثانيا خدي ده
.علا : ايه ده
آسر : ده شيك ب ١٠٠ الف جنيه اللى هو المفروض القرض اللى طلبتيه من البنك واللى انا ساعدتك انك تاخديه وكنا بنتقابل علشانه
علا : تمام ومتنساش حضرتك يا دكتور آسر تخصمه من مرتبي
تحرك آسر بالسيارة وقام بتوصيلها للمنزل وقد تكلما بكل التفاصيل التى تخص قصة حبهم المزيفه فى الطريق
صعدت علا إلى منزلها وقد حكت لوالدتها عن كل شئ ( اللى اتفقت عليه هى وآسر طبعا 😅😁) وعن كيف تقابل وكيف أنها اعجبت بشخصيته و كرم أخلاقه وكيف أنه ساعدها 🙄
بالطبع فرحت الأم كثيرا والاب واختها علياء جدا وحدد موعد الغد ليعلنوا الخطبة وايضا لشراء الشبكه كما أخبرتهم أيضا أنها واخيرا حصلت على القرض الذي ستبدأ به مشروعها وهو الآتيليه الذي ستبدأ فى تجهيزه من اليوم
دخلت علا غرفتها ولحقت بها أختها علياء
علياء : بصي بقى الكلام اللى قلتيه لماما وبابا ده ميدخلش عليا انت عايزه تفهمينى انك بتحبي واحد وبتقابليه من شهر ولا مش اي حد ده آسر العيونى بذات نفسه احكيلي بالظبط ايه الموضوع ده حاتم زميلك فالكليه بيجري وراكي من اولى جامعه وانت مش عايزه تديله ريق حلو بالرغم من انك كنت معجبة بيه وحاسه أنه شاب كويس
توترت علا جدا وشعرت أن اختها لن ترتاح حتى تعرف الحقيقه فكرت علا جيدا قبل أن ترد بتمثيل جيد جدا
علا : انا نفسي مش عارفه ايه ده بس كل اللى عارفاه انى عايزه اكون معاه ومش قادرة ابعد عنه عايزه اشوفه كل شويه انا عارفه انى زمان كنت بتريق على الحب وان كل حاجه الواحد بيكون متحكم فيها بس انا شكلي كدة وقعت
علياء ويبدو أنها اقتنعت قليلا : ماشي بس احكيلي التفاصيل انا عايزه اعرف التفاصيل قوليلي كل حاجه .
علا : بت انتي انت مش عارفه انى كده المفروض هكون عروسه و لازم ارتاح ونام بدري علشان بكرة هروح الكوافير وباديكير ومانيكير وكمان الفستان انا لازم اشوف فستان
علياء : مش هنلحق نلاقي كل ده
علا نظرت إلى دولابها وقالت : انا عندي الحل
علياء وقد فهمت : هتلبسي فستانك اللى كنت هتدخلي بيه المسابقه ده روعه
علا : ايوه هلبس فستان من تصميمي انا هلبس فستاني انا