متكنطية
روحو للحوش وكانت كندة حمرة بتموت من عملت مرت باها
روح وليد
وليد: يا ليلى
سمعت كندة باها
نزلت من دارها او مشت لباها
كندة: بابا نبي نقولك علي حاجة......
وليد: قولي بنيتي
كندة: يا بابا اليوم ماما ليلى خلت ولد غريب يدفع بدالها حق القفطان.....
وليد: مني يا سلام علي الفالحة
وليد: ليلى تعالي
ليلى: دقيقة ونجي
وليد: لا دقيقة ولادقيقتين توا تعالي
جت ليلى كانت تبي تهرب
وليد: أني مش عطيتك ألف دينار صح
ليلى: أيه عطيتني
وليد: علاش عطيتك
ليلى: بش نشري لكندة قفطان
كندة بينها
هالكدابة مش معندهاش بابا عطاها وجت جابت بطاقتها طايحة الصلاحية وتجي هيي منسحابهاش طايحة الصلاحية......... وتوا قدام بابا قالت كل شي فالحة تاخد لفلوس لاكن تنفذ يلي يبيه لاء.......
أهه بابا قداش قلبه طيب
وليد: وعلاش خليتي ولد يدفع حق قفطان بنتي
ليلى: مش غريب علينا يلي دفع ولد محمد ولده يلي بيجي يخطب كندة والله الولد تغير هلبة رايح زي لغزال طرف لو كانا عندي بنت لزوجتها ليه لاكن معندناش غير كندة وبنزوجاها
كندة بين نفسها
إشيي حتى هادا حاسدتني عليه وه معقولة يا ليلى لو كانا عندها أخت قاعدة راهو زوجتها ليه...... ريته هالشخصية..... لوكانه مش متزوجى بابا راهو تزوجاته.....
المشكلة قنين وباين شخصية او مش صايع وميحبش لحرام ولاء فوق هادا كله دفع حق قفطاني
...
وليد: المهم توا مزال ساعة وتو روحكم ويا كندة أضحكي خودي عقولهم أني عارفك فالحة تقدري
كندة: متوصيش بنتك تعرفها فالحة
ليلى: فالحة كون متهني تعرف كيف تقلب كل شي لمصلحتها....
كندة: بابا توا بيجي بتقبل بيه وإلا لاء
وليد: أني مادا بيا نزوجك ونتهنى عليك ومنه نتقرب من صاحبي ومنه تكوني لناس أصول نعرفهم والولد نعرفه محترم وعاقل ولد حلال وميحبش لحرام وميقولش الكذب وتعطيه حاجة لوكان بعد ميت سنة إتجي تلقاها زي ماهيا ومن غير هادا يعطي كلمة او يوفي ولد راجل والله عاجبني هلبة
كندة بين نفسها
ختمت عليك ياكندة عاجب بوك ولا يحكيلك علي صفاته ويبي يتهنى عليا معاه تغر نعرفه مانعرف غير إنا إسمه مراد.......
ليلى: كندة كندة كندة
وكانت كندة في عالم تاني مش معاهم
ليلى: كندة وين مشيتي
كندة: هني ممشيتش
ليلى: شكلها سرحت في صفاته وجماله شكله عجبها
كندة: لا
وليد: عادي عادي قولي الحق...
كندة: بالحق ندوي
وليد: به شن عجبك في صفاته....
كندة: تبي الحق
وليد: أيه
كندة: صفاته كويسة لاكن المشكلة إنه شرالي نفس القفطان يلي بنلبسه لما بيجي....
ليلى: خيرك كندة عادي خلي إيشوفك فيه
كندة: واللهي
ليلى: علاش هوا مركزش فيه
كندة: لا أكيدة شاف لونه
ليلى: شني تبيه يشوفك في واحد ثاني
كندة: خلاص توا معش في وقت توا منمشي نلبس بش نمشو للمزينة
كملت أمها لغدي لباها وطلعو مشوا للمزينة
كندة: مكياج إيكون بناتي وهادي
مكيجتها هبا او امها وروحوا للحوش
في حوش محمد
محمد: يا مراد
مراد: نعم بوي
محمد: خيرك قعد مقعمز وموتيتش روحك
مراد: لا لا توا نوتي روحي
محمد: شن مش تبي إتشوفها هيا
مراد: مزال شوية
محمد: نوض توا بش نتختخ باها بش تاخد رقمها باهي.....
مراد: مش هامني رقمها
مودة: بالحق أني مش مصدقة ولدي مراد بنخطب بنت ليه.......
مراد: علاش هازيا عليا يا أمي
مودة: لا قالتلي مروة لاكن مصدقتش
مراد: شوشيدت بو عشرة تتصنط فالنشرة
مروة: مراد إحترم نفسك أكبر منك بسنة
مراد: ريته هالسنوات يلي بيناتنا سنة.....
مروة: يا عرييس خمم فالعروسة كيف شكلها
مراد: قنينة البنت
مروة: ونتا وين شفتها
مراد: وشن دخلك قلتلك حلوة ساد.
مروة: تو نعرف بروحي
مراد: أمي خوديلي رقمها منعباش علي بوي
محمد: شن قصدك يافرخ
مراد: بوي راني عمري تلاتة وعشرين عام مش صغير
محمد: إنتا وهيا فروخ وبنزوجوكم لبعض وبتقعد فرخ لين إيولي عندك صغار.......
ومرات طوب عمرك بتقعد فرخ
مراد: شكرآ علي رفع المعنويات.....
مودة: هيا بش نمشو.....
ومشوا لحوش عيلت كندة
ولما يشربوا فالقهوة خشت كندة كان الدار فاها أمه أو أخته.......
وبوه وهوا البرة فالمربوعة............
خشت سلمت وهيا تلبس القفطان نفسه....
مودة: مشالله ربي يحفظك
ردت علاها بكل لطف
كندة: هذا من ذوقك يا عمتي مودة...
كندة بين نفسها
كانا تعرفي مني شراه.
مودة: هي يا كندة متبيش إتشوفي لعريس...
كندة: عادي
مودة: شني عادي قولي تبي إتشوفيه.......
كندة: كانا بنشوفه عادي كانا لا عادي.....
ليلى: تبي إتشوفه غر متحشمة
مودة: متتحشميش توا نعطيك رقمه
كندة بين نفسها
من قالك تردي بدالي معش فاها حشم بعد مشرالي القفطان......
مودة: هيا تعالي نمشو للمربوعة وتشوفيه..
ناضت كندة زي لبنية الطيبة لبست عباية ومشت معاها للمربوعة خشت أمه وخشت وراها او هيا خايفة.....منه...
لما شافها خشت
مراد بين نفسه
تو شن منقوللها كيف حالك الله يسامحك بوي البنت واضح جاية إتشوفني من دون نيه متكنطية.......
مودة: هادي كندة يامراد
مراد مش عارف شني إيقول
مراد: كيف حالك
كندة: باهية الحمدلله
مراد: كيف حال صحتك
كندة: كويسة
مراد: كيف لقراية
كندة: ماشية
عرفت أمه إنه متحشم منها
مودة: هي بنخليكم بروحكم بش تاخدوا راحتكم
كندة: لا لا عمتي مودة أقعدي واخدين راحتنا
مراد: كندة مش حناكلك
طلعت أمه
كندة: مرات تاكلني وين نندري عليك
قعد يضحك مراد
مراد: خيرك بسييف تتكلمي ومتكنطية الباين إنك وحدة باردة
كندة: تعرف مفيش من أبرد مني
كندة بين نفسها
أحين قول باردة ومتبينيش وفكني
مراد: وأني نحب الباردين
بإختصار بين نفسها بندير إشارة•••
كندة••••
دمه بارد ويزيد يبرد فيه
كندة: هههه
مراد: مقلتش شي إيضحك
كندة:خلاص سكتت
مراد:كم عمرك
كندة•••
تومقالولكش علي عمري...
كندة:14
مراد:أمممممم
مراد:عمري ثلاثة وعشرين
كندة: طول العمر إنشالله
مراد•••
سلملي يلي يقول طول العمر إنشالله
مراد: إنشالله
كندة: شن تقرا
مراد: هندسة
كندة: أما قسم
مراد••••
شكلها وحدة قصقاصة
مراد: وعلاش تبي تعرفي
كندة: هادا التعارف ولازم نعرف مني بيتزوجني
مراد: هندسة معمارية
كندة: به
مراد: شن مش عاجبك
كندة: مقلتش مش عاجبني
مراد: أها معناها أني عاجبك
كندة: مش هكي قصدي الهندسة المعمارية عاجبتني
مراد: به او إنتي شن بتقري بعد ما إتكملي الإعدادي والثانوي...
كندة: منعرفش قعدة مخممتش مزال قدام وقت
مراد: حق مزال في وقت
كندة: مزال الوقت بش نتزوجو خلي نوصل للسن القانوني.....
مراد: والله مانعرف بوي قال تعالى نخطبوهالك وبالكتير شهر وتتزوجو.....
كندة: وعلاش مستعجل
مراد•••
هادي كانا تلقى منتزوجوش
مراد: يعني لأمتى
كندة: مزال
مراد: والله بوي توا بيزوجني او أني يلي يقوله بوي ماشي عليا.....
مراد•••
لو كانا مش حيحرمني من الرزق وحياة الرفاهية متشوفينيش أصلا إهني.....
كندة••••
أح تي قاعد فرخ وبنتزوجه توا وأني نقول وين عقله هوا فرخ
«فرخ» قالتها بصوت مسموع وصلت لودن مراد.......
تصويت تشجيع وأرائكم بالتعليقات
لتكميلها أني بروحي متشوقة شن بيقوللها وشن ردت فعله.....
أدعموني... بليز
أنت تقرأ
زواج مصلحة
Fanfictionتزوجها غصبًا بسبب بوه يلي يبيه يتزوجها ويناسب ناس لأنه في مصلحة بينه وبينهم الرواية من تأليفي كاتبة ليبية لاكن ببداية الطريق وبدعمكم نوصل باللهجة الليبية الإحترام أهم شي مش حيكون شي خارج عن الطريق ليبية ونفتخر 🇱🇾 ليبيا في ❤ من كتابات الكاتبة ال...
