كندة فاتت مراد وتكمل فقرايتها
شوية جي وقف قدامها
كندة:نعم
مراد: غمضي عيونك
كندة🤨: علاش
مراد: غر غمضي عيونك
كندة: به غمضتهم
مراد: أفتحي
لقت قدامها باكو صغير
فتحاته لقت فسطه سنسلة
كندة: محلاها
مراد: عجباتيك سامحيني والله كنت نبي نشريلك شي تاني لاكن القراية والفلوس معنديش سامحيني
كندة: ت علاش هيا حلوة والله تهبل
مراد: كل عام وإنتي بخير
كندة: شني كل عام وإنتي بخير
مراد: نسيتي
كندة: شني نسيت
مراد: اليوم عيد ميلادك
كندة: اليوم
فتحت تلفونها لقاته عيد ميلادها
كندة دمعو عيونها
كندة: تفكرته
مراد: مننساشي اليوم يلي فيه جي لقمر يلي نور حياتي
كندة تبكي: مش قادرة نوصف فرحتي
مراد: وصفتها عيونك الحلوة
كندة: شكرآ حبيبي
ليلى فدار النوم
ليلى: يامراد يا مراد
كندة: هادي ماما ليلى
ليلى: تعالي لبوك
كندة: بابا
محستش علي روحها تجري جري للدار
كندة: خيرع بابا
وليد حاط إيديه علي راسه ويعيط
كندة: بابا بابا
وليد: آه آه آه
كندة تطلع من الدار تجري لمراد
لقاته نازل فالدروج جايهم
كندة: مراد
مراد: نعم خيره عمي
وصل للدار
مراد: عمي عمي تسمع فيا
وليد يزيد يعيط من راسه
مراد: أتصلو بالإسعاف
كندة تتصل
الآسعاف 191
المهم جت السيارة ونقلوه لمستشفى
دخلوه للعناية المشددة
كندة البرة تبكي
مراد: كندة
كندة:نعم
وقف قدامها مسح دموعها
مراد: عمي وليد كويس غر راسه يوجع فيه
كندة: مراد بابا اول مرة يشد هكي راسه بابا ميدخنش......
مراد: تمام اكيدة في سبب
كندة: خايفة عليه
مراد: إنشالله خير ويطلع بخير وسلامة
طلع الدكتور والفريق
دكتور: وين مرته
ليلى: أني
دكتور: عنده ولد
مراد: أني راجل بنته
دكتور: تعالو معاي
مشو مع الدكتور
الدكتور: المريض وليد
مراد:..
الدكتور: حالته خطرة
مراد: به شن إديرو
الدكتور: يعني هوا فأخر ساعات من حياته
مراد والع وعيونه إيدمعو ويشد الدكتور من تيشرته
مراد: إنتا بتعالجه هوا مش حيموت بتعالجه إنتا بتعالجه
الدكتور: للأسف حيموت
ملاحظة
الدكتور ليبي
مراد: توا بتخش وبتعالجه
الدكتور: منقدرش نعالجه
محمد متفاجأ
ليلى: ولييييد
اغمى علي ليلى
مراد سيب الدكتور وبدي يبكي
مشي الدكتور
جو ممرضات قامو ليلى حطوها علي سرير ورفعوها
فاتو باها من قدام كندة
كندة: ماما ليلى ماما ماما 😭
مراد مش قادر يمشي
مشي لكندة الواقفة ومتكية عالحيط تبكي
وهيا تبكي تلفتت لقاته جاي ويمسح فدموعه يلي موقفوش
كندة مشتله طول وقفت قدامه
كندة: شن قال الدكتور
مراد: الدكتور قال..
ويبكي ويمسح فدموعه
مراد: عمي مزاله اربعة وعشرين ساعة ويمكن أقل
كندة: بابا لالا بابا
كندة تضرب في مراد علي صدره
كندة: إنتا شني تقول شني تقول ...
نهارت نزلت قعمزت عالأرض وتبكي
كندة: بابا......
مراد واقف يشبحلها نزل قدامها
مراد: أهدي
كندة تبكي
وقفها مراد وحضنها
مراد: خلاص
شوية إيجي الفريق المتكون من دكتور ومساعد وممرضات يخشو للدار
كندة تسيب مراد وتقف تكلم فيهم
كندة: شن في بابا
وبدت تبكي وقعدت واقفة قدام الباب
شوية طلع الدكتور
الدكتور: البقية في حياتكم
كندة: لالا لا لا
مراد يشبح لمرته يلي ولت يتيمة
مراد: كندة
جي بيحضنها دفاته وبدت تضرب فيه علي صدره
كندة: كله مني كله مني
مراد: إنتي شن دخلك
كندة: هوا من لما إنضرب علي راسه هاضاكا اليوم وهوا متغير
مراد: أما ضربة
كندة: في حوشنا الأول لما مشينا لحوش كمال
مراد: خالد
خالد مساعد حمد المدير ومراد شافه بعيونه لما ضرب وليد علي راسه
مراد عيونه حمر يوقف كندة
مراد: أني بناخدلك حقك
كندة: شني
مراد: السبب مش إنتي السبب خالد
كندة: مراد
مراد يمشي
كندة جت وراه شدت يده او هوا موقفش
كندة: مراد اهدى وقف
مراد ماشي ومش معدل علي كلامها
كندة: مديرش شي يغير حياتنا مراد حبيبي أسمعني
مراد مش سامعها إتعب في روحها
كندة: وقف مراد
مراد يمشي لين طلع
وصل للسيارة فتح بابها
كندة: غر وقف أسمعني مراد منبيش نخسرك
وهيا تبكي
مراد: أني مش مسامحه
كندة: مراد
ركب وسكر الباب
طق طق علي الروشن أو مراد كإنه في عالم ثاني
كندة: مراد مراد
تمشي توقف قدام السيارة
مراد يبيب بالسيارة
كندة واقفة
ينزل من السيارة ويمشي يوقف قدام كندة
مراد: هادا حقك بناخده
كندة: إنتا من حقي
مراد: كندة حولي من قدام السيارة
يركب مراد السيارة وكندة قعدة واقفة يوخر السيارة ويمش سرعته تخوف
وصل لحوش خالد
الحوش محيطه عبارة عن حراس
جو زوز بيشدوه بش ميخشش
مراد: حولو من قدامي خيرلكم
وقفو في أماكنهم نظرته تخوف فمابالك صوته
خش إلقاه فالحديقة مقعمز علي كرسي
لما شاف مراد وقف طول
مراد يشده من تيشرته ويطيحه ويقعمز عليه ويضرب فيه موقفش لين أغمى عليه
جو الحراس دفوه من عليه
يبو برفعوه لمخفر الشرطة لاكن يلي ضربه مجمرم والدولة إدور عليه دخلو خالد وجابو دكتور قاللهم لازم تنقلوه للمستشفى
لاكن خافو
مراد مزال يبي يضربه سيبه بسبب إتصال من أمه
مراد: أيوة
مودة: ألحق يا مراد كندة واقفة عالسطح فالمستشفى تبي تنتحر
مراد: دقيقتين ونكون عندكم
وصل مراد ونزل شبح فوق لقي كندة واقفة عالحاشية وبطيح
يركب مراد يجري من لدروج المستشفى دورين يجري يجري وصل لفوق داهش
مراد: كندة
وبدي يقرب منها
كندة: متجيش إتجي إنطيح
مراد: قلبي
كندة: مقعدلي حد
مراد: وأني وين مشيت
كندة: بابا وماما ماتو
مراد: وأني دفنتيني
كندة: مراد خليني نموت
مراد: بدال ما تموتي خليني نموت معاك
كندة: كيف
بدي مراد يمشي لاها ركب وقف عالحافة
مراد: اني معاك عالحلوة والمرة
كندة: مراد
حضناته نزلو من فوق هيا ومراد.....
تم البارت قولو عجبكم
أني تأتر من كل يلي صار معا كندة بكيت
........
شكرآ على كل شي تم الجزء الأول على خير نتمنى عجبكم
والجزء الثاني حيكون في هلبة كوميدي وحتدخل بنت على حيات كندة وحتكون مرت خو كندة
خوها يلي مسافر من ليلى توا بتقولو عمره سنتين هوا خلوني نزيدكم شوية ونفهمكم
ليلى مرت وليد الاولى
ويلي خلاه يتزوجها جد كندة يعني اب باها
لاكن وليد كان يحب عبير تزوج من هديكا وخلاها بعيدة علي حبيبته ولما ماتت قال لكندة إنه تزوج
وكندة بتتفاجأ لما بيروح شاب لأنه إنولد قبلها بــ
ثلاثة سنين
والبنت يلي بتخش مكنتش محددة إسمها حددته بالبنت يلي تصوت اكثر هادي مفاجأة مخطط لها كنت بنشوف شني فالأخير الإسم فرح
هيا صديقة كندة
الجزء الثاني حيكون بعد ستة سنين من زواج كندة في تطورات
صديقتها... فرح......... تعرفت علاه
أشكركم على القراءة وحسن المتابعة
وعلى تصويتكم وتعليقكم
شكرآ 🤍❤
أنت تقرأ
زواج مصلحة
Hayran Kurguتزوجها غصبًا بسبب بوه يلي يبيه يتزوجها ويناسب ناس لأنه في مصلحة بينه وبينهم الرواية من تأليفي كاتبة ليبية لاكن ببداية الطريق وبدعمكم نوصل باللهجة الليبية الإحترام أهم شي مش حيكون شي خارج عن الطريق ليبية ونفتخر 🇱🇾 ليبيا في ❤ من كتابات الكاتبة ال...
