زواج مصلحة

Part 20

فرح: منقدرش بابا ميخلينيش
سراج: اعطيني رقمه
فرح: لالا منقدرش ولو سمحت معش تكلمني قولي كندة خيرها
سراج: كندة خسرت......... البيبي
فرح: كيييييف
سراج: زي ماقتلك كانا
فرح: جاية توا بنكلم بابا
سراج: قوليلي بتجي
فرح: تمام
بعد نص ساعة وصلت صاحبتها للمستشفى بعد ما كلمت باها...............
دخلت للمستشفى
مشت طول
_كندة وليد وين غرفتها
_كملي الممر الغرفة رقم 32
_تمام
مشت طول لقت سراج متكي عالحيط  واقف يستنى في فرح
تلفت لقاها وصلت
فرح: هيا كيف توا
سراج: مقلتش شي إنتي بتقوليلها
فرح: اني لالا منقدرش
سراج: تقدري مني غيرك بيقوللها
فرح: لاء
بعد محاولات سراج اكتر من مرة وافقت تقول لكندة
طقت عالباب خشت إلداخل
كندة: فرح
فرح: كندة كيف حالك
كندة: الحمدلله
سراج: بنمشي نجيب أمي ونجي
كندة: علاش منروح معاك
سراج: الدكتور قال بتقعدي علي الاقل ساعة بش يتم السيروم والدم
كندة: تمام
طلع سراج فرح قعمزت علي كرسي جنب كندة ومش عارفة كيف بتقوللها
فرح: منقولك علي حاجة حبيبتي
كندة: شني بتقوليلي
فرح: البيبي
كندة: خيره ولدي
فرح: مترعشيش روحك تو تجيبي غيره
كندة: قولي خيره...... متقوليهاش..... لالا
فرح: خسرناه
كندة جتها صدمة او فرح معش عرفت شن بدير بدت تبكي بعد ما قالتلها وكندة دقايق دمعه وأغمى عليها
فرح: يا دكاترة يا ممرضات ساعدوني
جو يجرو خشو قالولها اغمى علاها شوية وتنوض الحمدلله
ليلى تبكي من الحوش وصلت وتبكي والدموع معش وقفو
مراد ميت القلب راقد فالحوش........

اليوم التالي........
ناض مراد علي ضي الشمس يلي علي عيونه
ناض فتح عيونه ملقاش كندة بحداه
مراد: كندو
مراد: شكلها فالحمام
ناض قعمز شبح للدار كيف كانت
مراد: خير الدار مقلوبة
طق... عالحمام بعدين مسمعش صوتها فتح الباب ملقاهاش
مراد: غريبة متخليش الدار هكي
نزل شاف الدور الأرضي مضموم وهما ماشي للكوجينة بيشوفها غادي شاف لحديدة يلي شراها لكندة عالأرض نزل قامها ومشي للكوجينة
خش للكوجينة
مراد: كندة هادي هديتهالك اني
شبح ملقاش حد
مراد: كندة كندة
دور علاها ملقاهاش
مراد: غريبة متطلعش من دون إذني وتاخد إذني ديما
إتصل بي كندة مردتش عليه
إتصل بي خاها ناض سراج علي صوت التلفون تكنطى  ولما لقاه مراد بيكشخ عليه حتى لو اكبر منه لاكن هوا هكي قال
سراج: ها شن تبي
مراد: ايوا صباح الخير كندة مش فالحوش ومتردش عالتلفون تعرف وين
سراج يضحك بهزوة
سراج: مش امس هزبتها وهنتها وضربتها يلي متتحشمش ترد بكل برود وتسأل مداير روحك متعرفش
مراد: اما تهزيب وأما ضرب
سراج: امس فالليل
مراد: اني مضربتش كندة ولا هنتها ولاهزبتها أمس
سراج: ت علي مني بتضحك إنتا كل يلي درته نسيته تفكر شن درت
مراد: والله ما نعرف
سراج: لا تعرف وخلي نقولك مرة وحدة قتلت ولدك
مراد: سراج إلتزم حدودك معاي وأني منبصرش او كان تبصر قول
سراج: لا منبصرش ولدك مات
مراد: كيف ولدي مات
مراد إنصدم وبدي يبكي  مراد اني أني مش فاهم حاجة اني قتلت ولدي أني متقولش هكي أني مش متفكر إني ضربتها او هنتها بالله عليك قول تبصر
سراج: لا
مراد بدي يبكي وسكر سراج الخط
سراج: مداير روحه ميعرفش يسحابني بنصدقه وهمي
مراد: لا لا لا وبدي يضرب راسه
.............. بعد مرور شهر.....
مراد حاول وحاول وحاول يوصل لكندة لاكن هيا غيرت الشفرة وهوا مش فاهم ولا عارف شن دار لأنه مش بوعيه بسبب يلي حطاته بنت عمه تحت الورد
كبرت الوردة شوية وكندة مجتش لحوش مراد ولا خلاته يشوفها وخدت ملفها غيرت المدرسة تغيرت وصلت لدرجة تبي تكون بروحها متبيش حد فحياتها وسكرت حساباتها كلهم معش فتحت أي حساب طول الشهر تبي ترتاح........ ومراد صارت حالة هستيرية هوا مش مذكر ولاعارف شن دار وفوق هادا كله قاله قتلت ولدك قعدت فراسه كلمات سراج بيبكي لاكن مش عارف كيف يبكي..... هستر وكره نفسه حاول يقتل نفسه لاكن كل مرة يتفكر كندة وكيف تضحك ولما تهدرز عليه وكيف شكلها وهيا راقدة يتراجع........ حياته عبارة عن شركة حوش.... معش مشي لحوش العيلة...........مودة قعدة تتواصل مع كندة لاكن مرة او مرتين تكلمو فالشهر بس................
كندة تحط فالماعين فالغسالة لماعيين يرن تليفونها