زواج مصلحة

Part 17

بعد مرور ايام
مراد: لالا والله
محمد: مصدقك
مراد: إنتا تعرفني اني نتغير عليكم غر قرايت كندة
كندة جابت القهوة
كندة: وشن دخل قرايتي
مراد: مش نرفع فيك للمدرسة كل يوم
كندة: مش قتلك سجلني في باص إنتا سكرت راسك
مراد: والله نخليك تركبي مع راجل
كندة: اني مش بحداه ولا قريبة منه منقعمز فالأخير
مراد: لاء
كندة: شفته يا عمي هوا ميبيش مش أني
محمد:كندة منسألك
كندة: أسإل عمي
محمد: المحل يلي إلداخل فالمدينة ليك
كندة: محل؟
محمد: أيه قال بوك لأول صغاره
كندة: لالا مش ليا معناها
محمد: كيف
كندة: أني التانية خوي سراج قبلي
محمد: كيف مفهمتش
كندة: مش ياعمي بابا متزوج عمتي ليلى قبل
مراد: كيف
كندة: بابا كان متزوج ماما ليلى بعدين طلقها ازوج ماما بعد سنتين عرف إنه عنده ولد تزوج ماما ليلي من جديد بعدين مانا توفت وخوي عاش برا توا روح معاها وأول واحد خوي
مراد: دوختيني
كندة: هادي الحقيقة
محمد: نسحابه ليك
مراد يبتسم وفسره يقول
صدمة صارت للحاج

روحو في هديكا الليلة فالطريق
كندة: وقفلي علي الصيدلية
مراد: علاش
كندة: مناخد حاجة
مراد: تمام
خشت كندة للصيدلية خلاته فالسيارة
كندة: السلام عليكم
صيدلانية: وعليكم السلام
كندة: عندك جهاز إختبار
صيدلانية: تفضلي
كندة: بكم
صيدلانية: 15 دينار
كندة: هادم هما
طلعت من الصيدلية مش معاها اي كيسة
مراد: ملقيتيش
كندة: للأسف ملقيتش يلي نبيه
مراد: نوقفك علي صيدلية تانية
كندة: لالا خلينا نروحو
مراد: علي راحتك
روحو فاليل كندة خشت للدار او مراد خدي ملفات ونزل للدور الارضي  لبس نظارات ويكمل فالعمل
كندة دارت الإختبار تستنى فالنتيجة
كندة: هيا
شوية طلعت النتيجة
كندة: مراد
مراد: نعم
كندة: نبي نقولك علي شي
مراد لاهي فالخدمة مقعمز عيونه علي الكمبيوتر

كندة: اني حامل
مراد: به
كندة: سمعت شن قلتلك
مراد: ايه تبي فلوس
كندة: عندك ضعف سمع
مراد: كندة حاظر غدوة نعطيك قداش ماتبي فلوس
كندة: أسمعني وركز شني منقول
مراد: نسمع فيك
كندة: متسمعش
مراد: تمام سكرت كل شي نسمع فيك
كندة: ماقلتش نبي فلوس
مراد: شن تبي
كندة: مانبي شي
مراد: باهي هي قولي
كندة: بعد تسعة شهور ثلاثة
مراد: كيف
كندة: حامل
مراد حالت صدمة ساكت

..... دعم... دعم....