زواج مصلحة

Part 22

كندة قولي
فرح: إنتي تعرفي في هضاكا اليوم جونا حوش عمه
كندة: أيه عارفة
فرح: اني لما طلعت مش علي خاطر إتصال جاني المهم بعد ما كملته شفت هديكا يلي شن إسمها يلي تشبه النملة
كندة: خولة
فرح: ايه لقيتها شادة تليفونها وكإنها تكلم في حد بعدين شافت كانا في حد ومشت للورد يلي قدام الحوش حفرت بسرعة وهيا خايفة هادا الواضح ممكن هه منعرفش حطت حاجة غادي وردمتها
كندة: قصدك تحت الورد لاكن شن بيصير عادي لو حفرت تحتهم بالك كانت بتاخد وردة عجبو....
كندة عرفت توا
كندة: كانا ميخيبنيش  ربي  يا فرح بيطلع كله غادي
فرح: مفهمتكش
كندة: يعني يلي صار كله بسبب
فرح: خلوة
كندة: ههه خولة خولة
فرح: الناس ديما تحسد جاه من قريب الحسد
كندة: أيه
سراج يأشر لكندة بش تعطيه التليفون
كندة تنحي التليفون من ودنها وتحط يدها علي مكان الصوت
كندة: مفهمتكش اللغة هادي إنتا فاشل فاها
سراج:أعطيني نكلمها
كندة: تمام فهمت
حطاته كندة علي ودنها
فرح: ألو بطريق وينك
كندة: إهني يا بطة
كندة: فرح سراج يبي يكلمك اهو معاك توا
اعطاته التليفون
سراج: أحم.......أحم..احم......... فرح
فرح متعرفش تتكلم مع ولد هيا مرة لما جت للمستشفى ومعش كلمها وهيا لاء طبعآ
سراج: ألو إنتي معاي
فرح تستاقض: ايه معاك
سراج: هما كلمتين منقولهم اسمعيني كويس
فرح خافت
فرح: نسمع فيك
سراج: أني رايدك تكوني حلالي علي سنة الله ورسوله....
فرح صدمة
(نوريكم وجهها لما قال.. 😳)
حتى هوا تحشم
سراج: كندة تبي تكلمك
كندة: الو فرح
فرح: أألو
كندة: مبروك مش حتفكي مني لاخر يوم بتقعدي تشوفيني
فرح: اني نتخلى عليك
كندة: عارفاتك مديريهاش

خلي نخليكم تعرفو شي فرح من لما تصاحبت هيا وكندة زي لخوات يعني اكيدة يتعاركو لاكن يكملو العركة بالضحك علي بعض لما يكتبو بسرعة نص الحروف غلط....... بعد ما يكملو يقعدو يضحكو
علي اساس يكتبو مبردك …كبردك
حقى نسيت إنك من فصيلت البط يا بطة

وإنتي بطريقة

{قصة البطة والبطريقة...... المهم هادي قبل صاحبتي المهم قلدت اني علي البطريق كيف يمشي هيا تضحك عليا بعدين سمتني بطريقة وهيا سمتني بطريقة هادا من غير الجري ورا بعض لاكن الكلمة يلي علي لساني حتى لما نهدرز علاها بطة
صداقة 🦆&🐧♡} 
خلونا نولو........
كندة تشبح لسراج
فرح تحشمت معش قدرت
فرح: هي معسلامة
كندة: معسلامة
تلفتت لسراج والضحكة علي وجهها بتتسهوك عليه
كندة: أيوا وأني نقول سراج يشبحلها وعيونه علاها ويضحك لما يتكلم معاها  طيحاتك
سراج: من قالك غر أني نبي تقعدو صاحبات وإنتي تحباها منتزوجها علي خاطرك
كندة: ومن قالك نبيك تتزوجها توا بنكلمها ونقوللها علي خاطري  .......... ميحبكش نقوللها
سراج: لا
كندة: لا منكلمها لاش تعيش معاك من دون حب
سراج ولى احمر كندة تتصل باها ردت فرح
فرح: ألو
كندة: أيوا فرح منقولك علي شي
سراج خلاته بيموت بحداها
سراج شد يد كندة وهز راسه معناها لاء
كندة شبحتله ضحكت
فرح: يا بطريقة قولي
كندة تحط يدها علي مكان الصوت
كندة: شن بنقوللها
سراج: هاتي التليفون
عطاته التليفون
سراج: ألو
بكل جدية تكلم معاها شخصية خاها
فرح: اعطيني كندة
سراج: قولي لعيلتك الأسبوع الجاي جاي نخطبك
فرح:كيف بالسرعة هادي متستعجلش بالك تغير رايك مش مجبور تختارني
سراج: مش إستعجال  ولا مجبور علي شي اني خايف يسبقني ولد ويخطبك
فرح:......
سراج: أني مشفتش غيرك صح كلمت بنت إيرانية لاكن والله علي خاطر لقراية بس
فرح
*خيره يبررلي مصارش شي رسمي*
سراج: هادا يلي نبي نقوله
فرح في حالة صدمة وصمت وإختلاط مشاعر
وحالة الطقس (عاصفة مشاعر)
هذه نشرتنا اليوم
......... وشكرآ لكم على إستماعكم لنشرتنا لهاذا اليوم
الكل يتخيل في شكل كندة........ لاكن للأسف منقدرش إنزل صورت البنت تمام
(صفاتي)
اني لما إنشوف ولد نعصب حتى نلقاه يشبحلي نشبحله نحس فيه يخاف لأن نظرتي قوية وحادة لدرجة إني قريب إندير عركة..........

#
#
#
♡
♡

يورو يورو يورو ريييي(سراج قالها فرح ولا لا)
اني الكاتبة
ستوب نولو للقصة...........

وصلو للحوش خشو من الباب ليلى فتحتلهم  الباب
شافت سراج (⁄ ⁄•⁄ω⁄•⁄ ⁄) وجهه طماطم
كندة خاشة تشبحله (◉‿◉)  وبتبدا تتسهوك قدام امها
كندة: مامي
ليلى: بنيتي فرحانة نشالله خير
كندة: سراجو قول لمامي
سراج: شم بنقول وتي روحك الاسبوع الجاي بتخطبيلي
ليلى: يورويورويوروريييي
سراج: بتتفكي مني
ليلى: واخيرا بنشوف مرتك كل ما إنقولك من دون ماتتكلم وتفوت الموضوع قداش ليا نكلم فيك
سراج: افرحي
ليلى: نشالله نفرحو برجعت كندة لمراد ونشوفك عريس
كندة: نشالله وهيا زي يلي بتبكي
ليلى: كندة
كندة: فكرتيني  سراج تعالى نبيك في موضوع
سراج: توا بعد ما خليتيني طماطم
كندة: ههههههه مزال هيا
سراج: نعم
خشت ليلى إدير في شاهي وكندة بدت تدوي لخوها عالموضوع.......
... سراج: تمام
كندة: غدوة
سراج: حاظر
..........هي معسلامة..........  لالا نبصر........ مصارش...
فاليوم التالي......
سراج: اني طالع
ليلى: ردبالك علي روحك أقرى قرآ نخاف غليك من العين وليدي لغزال
خليكم قالللها بيخطب لاكن مني مقالش ولا هيا سألت واخيرا بيتزوج عمره25..........مراد اكبر منه بسنة 26......
                      (^_^)               
طق الباب مراد كان يشرب في قهوة وشاد تليفونه يتصفح فالإنترنت قام راسه وحطها علي الطاولة وصل للباب سكر تليفونه وحطه في جيبه فتح الباب من دون مايعرف مني عالباب.......

فتح الباب وإنصدم مش متوقع
مراد: احم أحم سراج
سراج بصوت واطي وضيق عيونه😑: علي أساس مشفتنيش من العدسة
مراد: نعم
سراج: كيف حالك
مراد: الحمدلله
*امس مش طايق يشوفني بحدا كندة ولا يبيني اليوم جاي لحوشي أشبح شن في*
مراد: تفضل
سراج خش مشي طول للكوجينة قعمز علي كرسي غلي الطاولة شبح للطاولة غبرة علاها
سراج: هادي غيبت اختي
مراد: غيابها كرهت حياتي
سراج: شن اخبارك
مراد: مية مية
سراج: اني منحبش إنلف ولا ندور تمام بالمختصر المفيد يلي صار وبعد ما فكرت كندة قالتلي
كندة: ينحي كل الورد يلي قدام الحوش
مراد: خيره
سراج: هيا هكي قالت وقلت نجي معاك ونساعدك هيا شويت ورد قالتلي نقولك عليه وتنحيه
مراد: تمام وينه إنحيه توا
سراج: هي خلي نطلعو ونوريك الورد
سراج: هوا
مراد: اللافندر هادا اكتر نوع تحبه كندة معش بتوليلي

"قبل كل شي"
مراد يتلفت لاشعوريآ مستاحش صوتها  مع إنه امس سمعه
مراد: كندة
كندة: تفضل عمي
خش شيخ من الكنشيلو
بعدين معرفوش شن قال
بالأحرى اني منعرفش شن يقرو ولا نعرف كيف
حفر غادي وطلعه
مراد قرن حواجبه: شن هادا
كندة: حجيب «سحر»
مراد يشبح وقارنهم مفكهمش
شيخ:  هادا مدايرينه بش يفرق بيناتكم معرفتكم لمكانه هادا احسن شي
كندة: مراد
مراد: نعم
كندة: أقرى قرآن
مراد: حاظر
سراج: فكيته
شيخ: تمام الحمدلله ربي قدرني نفكه مش اسود اهم شي
سراج: تو بالله عليك هادا يلي يدفعو عليه ألاف بش يندار
سراج: تي كانا عطتهولي الألاف راني تزوجتها
كندة: هيي وينن
مراد: كندة
كندة: ايه إهني أني يا أخ
مراد: اني مش أخ اني راجلك
كندة: يا.....................
مراد: كمليها............