زواج مصلحة

Part 24

مشي مراد للعمل
كندة: نوضي يابايرة ضمي الحوش او ولي أرقدي
ناضت ضمت نظفت بعدين بدلت حوايجها
حد يطق عالباب
كندة: دقيقة
شافت من العدسة من جي
فتحت الباب
كندة: أهلين ب أمي
ليلى: كيف حالك
كندة: باهي الحمدلله
ليلى: وين مراد
كندة: مشي للخدمة... تفضلي
ليلى: الله يزيد فضلك
كندة: شاهي وإلا قهوة وإلا عصير
ليلى: ياودي اني جاية نهدرز عليك ونطمن علي حالك بس وما نبي إضيفيني شي
كندة: باهي دقيقة ونرجعلك
طلعت كندة من بحدا امها ومشت للكوجينة طلعت لحلاوات وتت القهوة ومشت باها طول لإمها
كندة: تفضلي
ليلى: علاش متعبة روحك توا كنت نشرب في قهوة
كندة: أمتى؟
ليلى: خوك سراج شرالي فالطريق
كندة: هديكا القهوة من سراج وهادي مني كل واحد بروحه....بيضيفك
ليلى: صحيتي قعمزي ومعش إديري شي
كندة: تمام قعمزت
شربت جغمة من القهوة وجايبة معاها شنطة كبيرة فتحتاا وطلعت منها زوز كيس
كندة: شن هادم
ليلى: هادا حرمل والفاسوخ
كندة: وشن بندير بيهم
ليلى: هادا الفاسوخ لما يجيكم حد ديريه قبل الوشقة يطير العين والحرمل للسحر والحاجات هيا بش متصيرش وحتى لو داروها ميصيرش منه
كندة: باهي تمام
ليلى: شن اخبار مودة ليا وقت معش تلاقيت معاها
كندة: الحمدلله احوالها كويسة
ليلى: مروة شن صار فاها
كندة: مروة🤔 من مروة
ليلى: خيرك اخت راجلك
كندة: ايه نسيتها كلمها مراد امس الحمدلله
كندة: خلي نحط لغدي عالنار
ليلى: نساعدك
كندة: تعالى نوري الكوجينة بس
ليلى: تمام
حطت لغدي وطلعو ولو. للمعيشة وبدو يقرمو ويهدرزو من موضوع لموضوع تاني وطاب لغدي مع الساعة تلاتة طق الباب
مشت كندة فتحت الباب مراد وامه
كندة: كيف حالك
مودة: الحمدلله كيف حالك إنتي وكيف حال أمك
كندة: الحمدلله وأمي هيا إهني اسأليها بروحك
مراد: والله
كندة: والله أله
كندة: تفضلي
مودة: ليلى
ناضت من مكانها ومشت جهة الباب لاقتها مودة
يسلمو علي بعض
كندة واقفة جنب مراد
مراد: متقوليش اولامس شافو بعض
كندة: أيه ربي يعقد عسلهم ويخليهم لينا
مراد: امين
مراد: حقى شن لغدي
كندة: رشدة مسقية
مراد: هيا رجدة وإلا رشدة
كندة: عادي نقول فاها بالحالتين رجدة ورشدة عادي عندي
مراد: تمام أني منبيش رشدة نبيك إنتي
كندة: من بيجي تاني بيتغدا عندنا
مراد: بوي
كندة: وسراج جاي حتى هوا
مراد: تمام
كندة: مش بتبدل حوايجك
مراد: أيه
كندة: صنتك عرق قارص
مراد: ه. ه. ه. ها مني مبرد دمك اليوم
كندة: خديت البرودة من دمك لمسقع
مراد: خزي
كندة: خيرك علي ابسط قصف تقول خزي
مراد: بش توقفي هادي إستراتيجية نتبعها
كندة: أخ منك يا فرخ
مراد: لو تلاحظي وتفكري شوية إنك أصغر شخص إهني فا إنتي الفرخة يا حبي
كندة:🙄
مراد: عيونك وين
كندة: نشوف للسقف ليا وقت مشفتاش
مراد: اي توا خطرلك
بعد ما تغدو وروحو قعدو بروحهم مرة تانية........ خليكم
مراد خش دوش طلع لبس توتة من توته لونها اسود
مراد: مسرع
كندة: شن مسرع
مراد: ضياقت عليا
كندة: هيا أصلا تجي عليك
مراد: هادي كانت زي لشكارة
كندة: وإنتا عود فصتها
مراد: عليك نور
كندة: نورك إنتا
مراد: قصدي مفهمتش كيف ضياقت
كندة: بتضياق لأمتى بتقعد تجي عليك
مراد: اني حاير
مراد يشبحلها بنظرة😑 شن حطيتي مع الماكلة
كندة: شني
مراد: شن حطيتي
كندة: منحط في شي
مراد: 🤔 مالا علاش ضياقت بهالسرعة
كندة:علل
مراد: كيف
كندة: الحل: كنت متاكلش لما اني مش إهني ولما وليت وليت تاكل من جديد
مراد: صح
كندة: قداش تعطيني من عشرة
مراد: أمممممم 9من 10
كندة: كويس حقا منقولك
مراد واقف عالمراية قعد يفكر كيف ضياقت توته
كندة: ي سراج بيخطب فرح غدوة
مراد وقف تأمل التوتة وكيف ضياقت
مراد: شني؟
كندة: بيخطبها
مراد: أيه هوا إختارها وإلا إنتم
كندة: لالا هوا إختارها
مراد: خسارة مقلتيليش بكري
كندة: علاش
مراد: منلحقش نتسهوك عليه
كندة: وإنتا هادا يلي خسرته
مراد: خسرت الفرصة للأسف
كندة للأسف
مراد: زي الفرصة هادي تتعوض
كندة: لاء أكيدة
مراد: ضيعت الفرصة
كندة: بالله عليك بدل التوتة منضرك زي الفازو لاصقة
مراد: ضياقت مسكرتش شهرين
كندة: طفي الضي
مراد: وإنتي هادا همك النوم
كندة: في احلى من النوم
مراد: الهدرزة مع العيلة الطلوع
كندة: والله كانا تخيرني بين النوم والنوضان نفضل النوم
مراد: النوم كانا بيكبر راهو كبر لقطاطيس
كندة: مني علمهالك الجملة
مراد: ماعلمهاش حد
كندة: علاش علي لسانك
مراد: ماهو إنتي قطوسة
كندة: أني
مراد: من غيرك
كندة: تمام تصبح علي خير
مراد: علاش متبيش تهدرزي عليا
كندة: الساعة 12 والنبي نبي نرقد طفي الضي🥱
مراد: تصبحي علي خير
كندة: وإنتا من أهله
مراد: يا فرخة
كندة: مراد
مراد: نوضي نبي نهدرز عليك
كندة: أني منبيش
مراد: وأني نبي
كندة: مش عندك عمل
مراد: أيه نبي نهدرز عليك
كندة: تصبح علي خير
وطبعآ مراد مش حيستسلم بالسرعة هادي
طلع من الدار جاب إميه باردة من التلاجة في طاسة
تاكا الضي وهيا راقدة فوق لسرير
مراد: نحدرك نوضي يا نصب لمية
كندة: أههههه مراد بالله عليك اخطاني الليلة
مراد: مندوي معاك يعني بندوي
كندة: تصبح علي خير
مراد: مبردك
كندة: برا نزل تطبيق ذكاء إصطناعي ودردش معا التطبيق
مراد: هادا ما ناقص بش تكمل
كندة: والله

..... دعم... متابعة.... تصويت... تعليق حلو... 🤍