اليوم التالي
مراد يوتي في روحه بيمشي للشركة يوقف قدام لمراية
كندة: ترا وريني
مراد: شن رايك
كندة: حلوة لاكن اليوم عيد العمال معليشي خود بخاطرهم وألبس برتقالي واخضر 🤭
مراد: ايه ونزيد عليهم أصفر
كندة: كانا عندك زيده
مراد: الله بارك الله فيك
كندة: هي بش تروح بكري اليوم بنمشو لحوش عيلة فرح بنخطبوها وإنتا من جهة لعريس
مراد: مش اني او إنتي بس حتى بوي او امي بيجو بوي من جهة لعريس
كندة: عمي؟
مراد: أيه
كندة: ربي يحفظه
مراد: هي اني ماشي تبي خاجة إتصلي بيا.....
كندة: تمام
تسريع......
بعد الساعة اربعة....
مشو لحوش وليد بش يتلاقو ويمشو مع بعض
سراج: امي هيا
خشت مودة
مودة: وين امك
سراج: فوق
مودة تعيط : ليلى بتخطبي لي ولدك مش بيخطبوك
ومعا بعضهم يضحكو علي امه......
مراد: ايي يا عرييييس شن متوتر
سراج: لالا
مراد: أيه توا تقول هكي غر فليلة العرس تو تتوتر
سراج: يا حي لهضاك الوقت
مراد: يا عريس والله صار منك وبتتزوز
سراج: خيرني راهو الفرق سنة
مراد: المهم إني اكبر منك
سراج: كندة
كندة: نعم
سراج: شدي راجلك
كندة من طريقة كلام خاها
تشبح لمراد
كندة: خود راحتك حبيبي
مراد: اقوى عليهم هَهْهَاي يناري مرتي مش حتوقف معاك
كندة: واخيرآ شرفت
مراد لما شافها صفر
مراد: مشالله عمتي ليلة قعدة شباب مشاءالله
كندة تنخص مراد
مراد يشبحلها: شني
كندة:غر خليك تقولي هيا بتخطب لاها مش لسراج
مراد: طالعة تقولي عروس
كندة: هاي اني إهني بالعكس طالعة قنينة بعدين إنتا شن فيها عباية سودة أو وشاح
مراد: أي
يشبح لكندة
مراد: ساوي
كندة: شن بنساوي
يوقف قدامها ويساوي النقاب
مراد: هكي تمام غادي ساوي النقاب لما تطلعي إتأكدي
كندة: تمام
المهم وصلو لي حوش عيلت فرح...
إستقبلوهم..... بعدين فتحو الموضوع.......
مراد: احم
محمد: اليوم إحني جاينك نطلبو إيد بنتكم لي ولدنا سراج....
جمال:مش لازمه الموضوع وقت نعم الناس ومعروفين واني نتشرف بيكم
كندة طقت عالباب
مراد: دقيقة
مشي طلع من المربوعة لقي كندة
مراد: مش لعروس تجيب القهوة
كندة: وإنتا تبي تشوفها
مراد: تي لا متفهمينيش غلط حبي
كندة: باهي
مراد: بنسألك
كندة: شني
مراد: شن حطيتو فاها
كندة: مش معروف يلي حطيناه
مراد: مشالله اما وحدة
كندة: هيا عالجنب بروحها
مراد: تمام
................... لما طابت القهوة
صبوها وبعدين طلعو الفلفل...... وحطو فيها
كندة: حي علي سراج
فرح: حرام عليك ياسر معش تحطي
كندة: أيوا حب مرة وحدة
فرح: بيخطبني مش جاي يشرب قهوة حارة
كندة: نتخيل في شكله🤭
فرح: خلاص وقفي
كندة: نتخيل في شكله 🤭
فرح: إنتي بتخليه يلف ويولي ويرفض الزواج مني
كندة: سراج يحب الحار
فرح: مهما كان لاكن مش لهادي الدرجة سكر ملح فلفل عسل.... هادا كله وتقولي يحب الحار إنتي الليلة نهايته فالمستشفى
خلي نولو مراد عرف اما هيا
محمد مد يده بياخدها مراد
مراد: هادي حلوة
محمد: وين السادا
مراد: كاهم سادا ما عدا هادي
محمد: باهي
مراد قدر يعطي بوه مشي لجمال.
مراد: تفضل
جمال: الله يزيد فضلك
مد يده وبياخد متع سراج الخاصة طبعا
مراد: لا
جمال: اني نبي حلوة
مراد: هادي مش حلوة سادا
جمال: باهي
وصل في سراج مراد يبتسم بخبث
مراد: هي يا عريس
سراج: حاظر
خدي سراج القهوة ومراد خدي حتى هوا قعمزو وبدو يتكلمو سراج من دون خوف لأنه عارف فرح مديرش شي فالقهوة شرب سراج ومراد بيتشمت فيه الملامح قعدت طبيعية مراد رفع حاجبه 🤨 سراج لقي مراد يشبحله سكت قعد يشبح لمراد مراد شرب من القهوة بكل ثقة وتتغير ملامحه بيبزع القهوة من فمه لاكن مفيش كيف
سراج: مقدرش يشد ضحكته ضحك بعدين سكت
فرح إلداخل: بيتراجع ماعاد واخدني
كندة: لالا ياخدك اني خوي ونعرفه مستحيل يتراجع من القهوة
أنت تقرأ
زواج مصلحة
Fanfictionتزوجها غصبًا بسبب بوه يلي يبيه يتزوجها ويناسب ناس لأنه في مصلحة بينه وبينهم الرواية من تأليفي كاتبة ليبية لاكن ببداية الطريق وبدعمكم نوصل باللهجة الليبية الإحترام أهم شي مش حيكون شي خارج عن الطريق ليبية ونفتخر 🇱🇾 ليبيا في ❤ من كتابات الكاتبة ال...
