تمت المشكلة يلي صارت بينها او بين باها لاكن هيا مصفاش قلبها إتجاه ليلى لأنها السبب في كل شي خشت لدارها
وبعد شوية سمعت صوت باها
نزلت كندة من فوق مشت لباها
قدام باب الحوش
كندة: نعم بابا
لقت مراد معاه
كندة: ولى
وليد: تعالي
مراد: كندة اني مراد تعالي
طلعت وهيا متوترة علاش متعرفش لأن خطيبها قدام الحوش أو قبل شوية كان عندهم
طلعت وقفت جنب باها
وخر باها وخش إلداخل وخلاها هيا أو مراد.
باها لما خش إلداخل إتصل بعمك محمد لانه يلي صار مش متوقع
محمد: ألو
وليد: أسمع يا محمد
محمد: نسمع فيك
وليد: ولدك توا جي لحوشنا وقالي نبي بنتك توا تتزوج مني
محمد: خيره ولدي
وليد: زي ما سمعت
كندة ومراد
مراد: تعالي خلينا نقعمزو بش نتكلمو علي راحتنا
كندة: باهي
قعمزو علي كراسي المهم كندة كانت تشبحله او هوا ساكت معرفش كيف بيقوللها لاكن إتخد قراره
مراد: كندة نبي توا نتزوجك وتكوني حلالي الليلة
كندة: شني إنتا تبصر
مراد: زي ما سمعتي عمري بصرت في حاجة زي هادي
كندة: غدوة الفاتحة او بعده الحفلة علاش الإستعجال حتى عرس متبيش إدير
مراد: أي توا تكوني مرتي وبنسافرو
كندة: وعلاش بنسافرو
مراد: بعدين إنقولك
كندة: مش حنتزوجك ولانشي لأي مكان قبل ما نعرف كل شي يلي إيصير
مراد: تبي تعرفي
كندة: أيه
مراد: هادا تتفكري فمدير المدرسة يلي حبسته هاضاكا
كندة: أيه
مراد: طلع مش مدير يبيع فالمخدرات للطلاب وهوا عضو في مافيا داهمو المخفر وخدوه من غادي وقال لشرطي لما إتشوف مراد قوله جايك الدور
وأني عرفت إنه بيستهدفنا إحني الزوز وأني خايف عليك والله العظيم لوكان بيدي بنديرلك أحلى عرس فاليبيا ما عمره صار ونخلي الناس كلها تدوي عليه
كندة: يعني في خطر علي حياتنا أني أو إنتا والعيلة
مراد: العيلة مش حيوصلولها بوي بيسافر ومتنسيش صاحبه العميد وبالنسبة«لبابا متعك»
قالها بصوت رقيق زي ما تقول فاها يتسهوك
كندة: أني منتكلمش هكي
مراد: لاتتكلمي هكي
كندة: لاء إنتا كيف تتكلم
حاولت تغلظ صوتها وبدت تتكلم زيه
توا مقعمز معش قدر إيشد ضحكته
كندة: إستنى إستنى غر أسمع هادي كيف إتقول فاها
*باي قلبي*
وخلاص مراد شد بطنه بيموت من الضحك 😂
مراد: أهه به شني خلاص
كندة: به أني موافقة
مراد: توا كيف بنقنع العزايز الزوز والحاج محمد والحاج وليد
كندة: توا العزايز الزوز خلبهم عليا
مراد: أي خودي الساهلات وخلليلي الواعرين
كندة: والله نخليك تحارب بروحك كانا متبينيش
مراد: لا نبيك معاي
كندة: تمام
مراد: نبي منك حاجة
كندة: شن هيا
يشد كندة من خصرها ويشدها ليه قربها منه هلبة
مراد: نبي تعطيني بوسة منك
كندة: نعطيك عينك السودة
مراد: علاش
كندة: توا اني أو إنتا خاطبين لما نصير حلالك اطلب يلي تبيه وحنعطيك
مراد: اخ امتا بتصيري حلالي أني نتقطع نبي منك وحدة بس
كندة: لا وحدة لا إثنين مراد إنتا بدير شي غلط
مراد: غلط صح يا شيخة
كندة: متتسهوكش عليا توا
مراد: سامحيني قلبي
كندة:خلاص سامحتك
البارت قصير لاكن بنكتب بالشوية لأنه عندي إمتحانات ............. شكرآ عالقراءة والتصويت
كويس البارت لاطويل او لا قصير 400 كلمة ومعاها كويس صح تصويت تعليق
ومع حبي«آلكآتبــة آلصـغـيرة♡»
أنت تقرأ
زواج مصلحة
Fanfictionتزوجها غصبًا بسبب بوه يلي يبيه يتزوجها ويناسب ناس لأنه في مصلحة بينه وبينهم الرواية من تأليفي كاتبة ليبية لاكن ببداية الطريق وبدعمكم نوصل باللهجة الليبية الإحترام أهم شي مش حيكون شي خارج عن الطريق ليبية ونفتخر 🇱🇾 ليبيا في ❤ من كتابات الكاتبة ال...
