زواج مصلحة

Part 13

بعد هادي الاحزان اكيدة تبو شوية إيجابية والحب الشبه المنعدم
ملاحظة هامة
عطاها بوسة من شفايفه
يعني باسها هوا علي خدها متفهموش غلط.............

في هاضاكا اليوم كان 2 مارس وعيد ميلاد كندة 3 مارس
عرفو مراد بخير او سلامة مراد بطلنا
أني كندة خلوني نقوللكم علي مراد.........
مراد من إسمه مراد هوا شخصيته حلوة وأحلى شي اخلاقه هوا صح زي ماقريتو هوا واحد عصبي وكان بيغلط لاكن قلبه طيب وأبيض زي قلب طفل صغير يحب المنافسة يكره الخسارة مشكلتي مع عصبيته..

مراد: والله شن بنقوللكم نقول الحق وإلا الكدب
محمد: قول الحق
مراد: أني من لما إخدوني من هضاكا الحوش وكل يوم يعدبو فيا وكل يوم طريقة جديدة شخص جديد وفي يلي مات قدام إعيوني من كترة التعذيب
أني  حاولت اكثر من مرة نهرب وما صارش كل مرة بنوصل للهدف يلقوني.......
وليد: إنتا كيف تحملت تلاتة شهور مش يومين وإلا تلاتة
مراد: هادم التلاتة شهور تفرح أمتا تفقد وعيك يسيبوك شوية
كندة: لهادي الدرجة
مراد: وأكتر حبي
مقعمزين فالحديقة وكندة متكية علي مراد
محمد: كيف هربت
مراد: هوا فالليل كان يغيبو نص ساعة وفالعشي ويمشو يصلو
وليد يضحك: اي والله يعذبوكم ويمشو يصلو على اساس يمسحو فالذنوب
مراد: حتى اني قعدت نفكر فالموضوع ملقيتش تفسير
محمد: المهم روحت بالسلامة الباقي مش لازمنا
مراد: الحمدلله
كندة: نمشو للمستشفى
مراد: علاش
كندة: مكي نمشونشوفو جروحك ونداويها متقعدش هكي
مراد: حاظر تو نمشو
كندة: تمام
مراد: ها مودة كإنك زعلانة مني
مودة: أني نزعل من وليدي غر ستاحشتك
نحى إيديه مراد من علي كندة وناض قعمز جنب أمه
مراد: ست الكل حرجانة مني
مودة: اي حرجانة
مراد: باهي توة
مودة: توا رضيت
كندة تقول فسرها
أي بعد ما خديتيه رضيتي تزوجتيه بدالي و حسابه بعدين......
المهم مراد قعمز جنب أمه وفعد يشبح لكندة
كندة معطاته وجه ولا إبتسامة
مراد: غيورة ممكن تبتسمي
كندة: تكلم فيا
مراد: أيه
كندة: تمام 🙂
مراد: أيوه
فسره
عارفها مش من القلب الضحكة وناوية علي شي
كندة: علاش قلت غيورة
مراد: واضحة غيرانة من أمي لأني بحداها ومسيبك
كندة: أني
مودة: فكونا برا قعمز جنب مرتك منبوش عركة
كندة: لا لا عمتي مودة غر هوا تفكيره غلط

(تفكيره صح غر هيا متبيش إتقول علاش منعرفش)

مراد: تفكيري صح
كندة: غلط
مراد: صح  شوية وجاي بحداك
كندة: من قالك إتجي أقعد غادي بعيد عليا
مراد: باهي ما محبة فيك غر بش مديريش مشكلة
كندة: شكرآ مش لازم😢
طبعآ مع إبتسامة
مراد: والله ناوية علي حاجة قولي شن هيا
كندة: مراد خلاص سيبني فحالي
ناضت من بحداهم خشت إلداخل
مودة: اهو البنت خشت إلداخل
مراد: أني نعرف بطريقتي
قعدو مقعمزين نص ساعة. وخشو الندوة بدت تنزل
كل واحد خش لداره مراد مشي
خش لدار إلقي شيروطي لونه أححمر ملصق عالأرض والسرير فالنص وكندة مقعمزة
مراد فات الخط او وقف قدامها
مراد: شن هادا
كندة: يا أستاد هدا من حبي ليك درتلك حدود متتخطاهمش تتخطاهم أني بنشرط عليك ثلاثة شروط إتنفذهم او كانا إنتا فزت أشرط أو أني إنفد
مراد: نطلب يلي نبيه
كندة: أي
مراد: تمام
خش مراد لجيهته لقاه حتى عالسرير
مراد: لا عاد حتى السرير
كندة: مدخليش لازمة لحدود
مراد: أني بنرقد غدوة عندي جامعه بنرقد براحتي متنسيش جروحي
كندة: حقى مش قلنا بنمشو للمستشفى
مراد: توا ليل اما مستشفى غدو الصبح نمشو
كندة: رد بالك حبيبي علي روحك
مراد: تمام آه
تنوض كندة من مكانها كانت بتمشيله تفكرت الخط وقفت
مراد: خيرك
كندة: الخط
مراد: يعني كنتي بتجيني
كندة: مالا نخليك
مراد: سلمه لعسل
كندة: خلاص هي تصبح علي خير بنكمل قرايتي
مراد: أو إنتي بخير
مراد قعد يفكر في فكرة جهنمية فكرة بتخلاها تخسر
هوا قعد نص ساعة فايق مرقدش هيا تسحابه رقد شوية زادها شوية
وبدي يعيط
مراد: آه آه
كندة: مراد
مراد: آه كندا
تنوض كندة من مكانها تفوت الخط بسرعة
كندة: ها يا روح كندة
مرادضحك وطلع لسانه😛
كندة: خيرك
مراد: غلبتك
كندة: في شني
بعده بشوية ستوعبت شافت وراها فاتت الخط
كندة: هدة غش ستغليت خوفي عليك
مراد: أني مستغليتكش إنتي يلي جيتي برجليك
كندة: مالا نخليك
مراد: عندي ثلاثة شروط كندة: أي
كات كندة تبيهم لاها
بش توريه
مراد: شروطي قمة فالبراءة 
كندة: هي قولهم
مراد: خيرك مستعجلة بناخدهم بتمعن
كندة: باهي
مراد: حبي
كندة: نعم حبيبي
مراد: قولاها لغدوة الصبح بناخدهم لشروط
كندة.: أوف حاظر
مراد: أول شرط
كندة:....
مراد: توا تاخدي الروب وتلبسيه وترقدي توا
كندة: مراد شرطك صعب إنفده
مراد: مدخليش شروطي وزي مانبي بديري يا حلوة
كندة: باهي
تمشي تاخد الروب الطويل تلبسه وترقد
مراد: علاش هادا غيريه
كندة: هادا ثاني شرط نغيره
مراد: لا لا
رقدو الصبح المهم جو علي طاولة لفطور مراد متكنطي ..... علي خاطر......... بش......................
مودة: مراد راهو مرتك متحبش  تغسل لماعيين
كندة: عمتي مودة مفيش حد يحب لماعين
مودة: اليوم مروة قالتلي عاودت غسلتهم وراك
كندة: أني نغسل كويس غر هيا غالطة
مراد:لما تتكلمي مع امي تكلمي بإحترام خيرلك
كندة: علاش أني شن قلت
مراد: تأسفي من أمي
كندة: علاش
مراد: قتلك تأسفي
كندة فسرها
علاش نتأسف ما قلت شي غلط والسبب يلي يبيني نتأسف عليه مفيشي نقاش أصلا
مراد: هيا
كندة: أسفة
مراد: علِّي صوتك
كندة: اسفة
مشت كندة للمدرسة وروحت ومراد مشي للجامعة او هوا مروح
خطم علي عطار
مراد: عندك حاجة بــ 15 جني
عطار: أي عندي شن يلي تبيه بالزبط
مراد: شي يكون حلو او بسيط خاتم وإلا سنسلة
نسائية
عطار: تفضل إختار يلي تبيه
مراد: عجباته سنسلة حلوة مراد هادي يلي نباها
عطار: حاظر
طلعها وعطاها لمراد
خداها مراد ودسها فجيبه
مشي لمدرسة كندة روح باها للحوش كندة ساكتة فاتت موضوع أأمه
فاليل
مراد: كندة ياسر قراية
كندة: مزال
مراد: شكلك من جماعة السوس يلي دمهم بارد
كندة: او إنتا من يلي دمهم مسقع
مراد: دمهم مسقع
يشد لمخدة ويحدفها علي كندة
كندة: مراد
مراد: 😛
مراد: مش حنسيبك تقري يقول المثل إذا لم تكن مثلهم ففسد عليهم
كندة: واو من إختراعاتك
مراد: تشيشة من إختراعي
كندة: لازمة لمستك الفنية بش يكمل
مراد: هادي حاجة اكيدة
.................... 🙂🙃
تم البارت وشكرا لي Nona على التعليق الحلو رفع المعنويات بصراحة احلى تعليق لتوا والتصويت
في قائمة من القصص إمتعها ممكن تنحيها  لأني نبيها تكون فصفحتي
ومننسوش عاد Farah خادي البنت والله نحبها هي نحبها نكدب عليكم نقول منحبهاش من أول بارت قراته ولحد الأن تصوت لكل بارت شكرآ من كل قلبي ❤ حيشارك إسمك فالقصة وحيكون دورك مهم فالجزء الثاني ........ قعد مفكرتش فيه البارت الجاي حيكون اخر بارت من الجزء الأول

منقول علي شي
في وحدة خشت خاص على التليجرام وقالت إني منقولة القصة
القصة من تأليفي وفكرت فاها هلبة طلعتها ليكم على وات باد 
وتقدرو تنادوني شهد او  كندة عندي إسمين