زواج مصلحة

Part 4

ناضت كندة بكري الساعة ستة ونص
لبست حوايج المدرسة وطلعت لأن يلي يوصل فاها شوفير فتحلها الباب ركبت وطلعت السيارة وصلت للمدرسة....
نزلت من السيارة
لاقت صاحبتها قدامها
إسمها حلى
حلى: صباح الخير
كندة: صباح النور
حلى: خيرك كندة شكلك زعلانة
كندة: لا مش زعلانة لاكن مضايقة
حلى: من مني كانا من هديكا التافهة تو نعرف كيف نتصرف معاها....
كندة: لا مش هديكا
حلى: مالا من مني
كندة: بنتزوج
حلى: كدابة شن بتتزوجي
كندة: بالحق
حلى: علاش
كندة: أني بروحي منعرفش
المدرسة بنات وولاد
المهم خشت الأبلة وعطت الحصة تم الدوام المدرسي أو قعدت كندة تستنى في الشوفير إمتعهم.
شوية درست سيارة فخمة
أو هيا قعدة مع صاحبتها
نزل منها مراد والبنات يشبحوله حتى صاحبتها معش لهت معاها يلبس نظارات وكبوط أسود وسبيدرو أسود سروال أزرق وسورية بيضة....
كندةتدوي مع صاحبتها أو هيا مش لاهية معاها
كندة: حلى يا حلى حلىىىىىىىىى
بش هاضاكا الوقت سمعتها
حلى: نعم يا كندة
كندة: خيرك
حلى: شوفي وراك تو تعرفي خيرنا
هوا واقف خش للمدرسة وجي طول لاها....
شدها من يدها....
كندة: مني
وشبحتله تلقاه وراها
كندة: بسم الله الرحمان الرحيم
مراد: تعالي نبيك توا
كندة: علاش شن تبي فيا
مراد: مش حناكلك
كندة: لا تاكلني....
مراد: تعالي يا كندة
كندة: مراد
مراد: بنروح بيك
مشت وراه وكانو يشبحولها علاش تمشي معاه وهما مايعرفوشي وخاها مسافر يقرا برا......
فتحلها الباب ركبت وركب إيسوق بيد وحدة وجوه مش تمام
كندة: مراد إنتا كويس
مراد: كويس علاش تسألي
كندة: نسأل عليك بس
مراد:  سألتي عليا
كندة: كانا علي خاطر الإسم غيرته
مراد: لا مش عليه
كندة:  به علاش
مراد: بنقولك الحق أني منبيش نتزوجو توا مزال...

كندة: أو أني منبيش
مراد: عارفك متبيش هاضا علاش قلتلك
كندة: باهي توا شن بدير
مراد:  شن بندير بنتزوجك
كندة: به مراد نبيك تجاوبني بصدق
مراد: نجاوبك
كندة: لوكانا خيروك بين تتزوجني وإلا تاخد الرزق من بوك....
مراد: منبيش نجاوب
كندة: الخيار مش صعب ختار يلي تبيه
مراد: عارفك علاش تسألي والله إنتي مفيش منك بنت أصل وعز ودلال وغزالة وعاقلة أني منبيكش تنضلمي في زواجنا منبيكش تبكي والله تستاهلي يلي أحسن مني...
كندة بدت تبكي الولد ميبيهاش ولا هيا تبيه والزوز ميقدروش يتكلموا......
كندة:...........
مراد: يا قلبي مزال الوقت
كندة: متكلمنيش
مراد: منقدرش نحطك قدام الحوش أو إنتي تبكي...
كندة:   ........
وقف مراد علي محل وشرالها إميه وعصير وشكلاطة..
ركب وحط الكيسة في حجرها................
خدي لميه وفتحها وعطاها إمية شربت منها وهيا تبكي....
مراد: متقطعيش قلبي
كندة:...
مراد: شني كبِّدْتِي عليا
كندة: لا
مراد: قولي عادي
كندة: قتلك لاء علاش تسأل مرة ثانية
قعد يشبح لوجها وهيا تبكي ولت زي لطماطمة عجباته وهيا تبكي عيونها يولي لونهم رصاصي
....
مراد: تعرفي لما تبكي تهبلي...
إبتسمت وشبحتله
مد يده ومسح دموعها
مراد: كانا وليتي حلالي معش نبيك تبكي نبيك ديما تضحكي....
كندة: به هي روح بيا خلاص سكتت
مراد  والكلام لعسل نزل عليه
مراد: يا عمري
كندة: خيرك
مراد: كانا كليتك متقوليش خيرك
كندة:  مراد متحاولش تقول كلام بش تصالحني
مراد: قصدك زعلانة مني
كندة: أي
مراد: وووك عليا ليبيا كلها زعلانة مني
كندة: متبالغش
مراد: كندة
كندة: نعم
مراد: خلي تليفونك عام بنكلمك إتصال ردي عليا...
كندة: حاضر
مراد: محلاها كلمت حاضر منك
كندة:  كنت تكلم في بنت مستحيلة لا
مراد: لا مش مستحيلة معاك إنتي كل لكلام الحلو نقوله.....
كندة: أم
مراد: أمدحيني
كندة: علي شني بنمدحك يا مراد
مراد: يعني شن يلي عجبك فيا.....
كندة:  إنتا قنين وتاخد العقل طبعًا إلا عقلي
مراد: ياحليلي منك
كندة: خليني نكمل
مراد: كملي
كندة: ومتحبش لحرام ولد أصل ومعدل علي قولت بابا
مراد: به
كندة: لاكن أني أو مزال بالنسبة ليا نتزوجك....
مراد: به
كندة: به  وصلني لينا قريب ساعة فالسيارة
مراد: وسعي بالك
طلع وصلها وروح.....
أسفة البارت قصير مش طويل أسفة......
😔 توا إنشالله في رمضان فاليل نكتب ونزل علي خاطر يلي قروها