සීනු

06 🔔

හුස්ම අරගන්න පවා අමාරු තරමටම මම මේ මොහොතෙ කාලකණ්ණියෙක් ගානට මේ තොල්වල එල්ලිලා!!...

තප්පර ගානකට හරි හුස්ම අරගන්න මේවායෙන් ඈත් උනොත්,
මාව කොහෙ හරි ආගාධෙකට වැටිලා මැරිලා යයි කියලා මට බයයි.....
ඉවරයක් නැතුව පාවෙවී ඉන්න මේ ඝනකම් වලාකුලු භවනෙන් පහලට වැටිලා මැරෙන්න මං බයයි..

මං ඉන්නවා...මං මෙහෙමම ඉන්නවා...මේ මොහොතෙ ඉඳලා මම !!!
මැරෙන්න බයයි...මැරිලා යන්න පුදුම තරම් බයයි...
අඩුම තරනෙ ඒ වචනෙට පවා මම දැන් හරි බයයි...

විනාඩියක්..විනාඩි පහක්...දහයක්...නැ.....
ඊටත් වඩා වෙලාවක් තිස්සෙ මේ මනුස්සයාගෙ දෙතොල දියකරන්න තරම් උමතුවෙන් පරල වෙලා ඉන්න මම ,
ජීවිතේ විඳින පලවෙනිම හාදුවට කොයි තරම් ඇබ්බැහි වෙලාද ...

හාදුව අතරමැදදි හුස්ම අරගන්න අතරේ හාදුවේ ඒකාකාරී ගතිය යවන්න උවමනාවට , එයා විනාඩියෙන් විනාඩියට මගෙ කම්මුල්වලින් අල්ලගෙන දෙපසට මාරු වෙන වතාවක් ගානෙම මම එයාගෙ ශර්ට් එක තදින් අල්ලගන්නවා...මට බයයි..එයා මේ හාදුව නතර කරයි කියලා මට බයයි...

හාදුවක් මේ විදියට විඳගන්න ජීවිතේට හීන මැව්වෙ නැති මම ,
හාදුවලට පවා අප්‍රසන්න විදියට වෛර කරන්න අරගෙන උන්නු මම ,
අද හාදුවකට මහ විකර විදියට ඇබ්බැහි වෙලා..
මිදෙන්න බැරි තරමට ඒ දෙතොල් අතරෙ හිරවෙලා...

මං විස්තර කරන්නෙ කොහොමද ? ...මට මේ දැනෙන හැරිවැටෙන හැඟීම් ගැන මම පටන් අරගන්න ඕන කොතනින්ද ? මාව මහ දරදඬු විදියට මෙලෙක කරවන මේ අමුතු මනුස්සයා ගැන මම විස්තර කරන්න ඕන කොහොමද ? ??

සමාවෙන්න..මං ඒකට දක්ෂ නෑ...මේ මනුස්සයව විස්තර කරනකොට, මගෙ අතින් ඒ ප්‍රතිරූපෙට භානියක් උනොත් !?
ඒක මහ කාලකණ්ණි අපරාදයක් !!.

සුවඳයි...හරි සුවඳයි...එයා ළඟින් එන හරි අමුතු සැර සුවඳ පරිෆියුම් එකට මං කැමතියි..ඉවරයක් නැති හාදුවක් මැද්දෙ මගෙ කෙස් හරහා යන , එයාගෙ අතක් අල්ලගෙන ඉන්න මට දැනෙන ඒ අතේ ඉලිප්පිලා දැනෙන නහරයක් ගානෙ දුවන ලේ අතරට රිංගගෙන ,
ඒ ආත්මෙ අස්සට වෙලා ඉන්න හිතෙන තරමටම එන්න එන්න මේ මනුස්සයාට ඇබ්බැහි වෙන්න පටන් අරගෙන...