සීනු

03 🔔

මේ ලෝකේ හැමෝටම ජීවත් වෙන්න හේතුවක් තියෙනවා..
ඔව් තියෙනවා..හුස්ම ටික නතර වෙනකල්ම හුස්ම අරගන්න හැමෝටම මේ ලෝකෙ බලාපොරොත්තුවක් තියෙනවා..
මැරෙන්න කොච්චර උවමනාව තිබ්බත් ..
මරණයට කොයි තරම් ආසා කලත්...
මේ ලෝකෙ අතහැරලා යාගන්න බැරි විකාර හේතුවක් අපි හැමෝටම තියෙනවා..

හරියට... හරියට...හුස්ම රැල් රැල් පිටින් හිරවෙන පපුවට කොයිතරම් වේදනා දුන්නත්, මරණයත් නින්දත් අතර ඉන්න මගෙ එකම පුංචි නංගි !! .
මගෙ මරණයට අභියෝග කරනවා වගේ...,!!,

මේ ලෝකෙ මැරෙන්න වැටිලා ඉන්න ඕනම මනුස්සයෙක්ට ජීවිතය කියන පාරෙ බඩාගාගෙන ඇවිදින්න මොකක්ම හරි හේතුවක් අනිවාර්යයෙන් තියෙනවා...

හ්ම්ම්ම්ම්ම්ම්හ්....

උදේ නැගිට්ට වෙලාවෙ ඉඳලා පැය කීයක් ගිහිල්ලද කියන්න හරිහැටි තේරුමක් මට නැහැ..සමහරවිට පැයක් , එකහමාරක්..දෙකක්..එහෙම නැත්තන් තුනක් වෙන්නත් පුලුවන්...
ඒ කොහොම උනත් මං දන්න එකම දේ බොන්න කියලා හදාගත්තු කිරි එක අයිස් වෙන්න තරම් ඇල් වෙලා කියන එක විතරයි..

ආයෙමත් බොන්න බෑ...
ඒක සින්ක් එකට හලලා ඇවිත් ටී වි එකේ යන ප්‍රෝග්‍රෑම් එක දිහා බලාගෙන ඔහේ ඉන්නවා ඇරෙන්න මට කරන්න වැඩකුත් නෑ..ඉතින් මං බලන් ඉන්නවා.. ඒකෙ යන දේ ගැන කිසිම දෙයක් ඔලුවට දාගන්න අදහසක් නැති උනත් මං ඔහේ බලන් ඉන්නවා..

ඇයි මං කල්පනා කරන්නෙ? මං දන් නෑ..ඒත් මට හිතෙනවා...
මං හිතාමතා හිතන්නෙ නැහැ...ඒත් මට හිතෙනවා...එක එක විකාර හිතෙනවා...ඇඳගෙන ඉන්න සුදු ශර්ට් එකට යටින් පේන නිරුවත් කලවා පේනවා..ඊට උඩින් කලුපාට යට ඇඳුම ඇතුලෙන් තියෙන කාලකණ්ණිකම පේනවා..
අප්පිරියයි...
අප්‍රසන්නයි...
ඒ දිහා ඇහැක් ඇරලා බලන්න බැරි තරම්...ඇඟිල්ලක් තියලා අල්ලලන්න බැරි තරම් මට අප්‍රසන්නයි..

මට දැනෙනවා...මගෙ අතින් මං ඇඳගෙන ඉන්න බට්න් ඇරුනු සුදු ශර්ට් එක ඉබේම මගෙ අත්වලටම ගුලිවෙනවා..