-
الابطـال 💙
عسّـاف بن فهد آل ثنيان « ٢٩ سنه »
دانـه بنت فيصل آل ثنيان « ٢٣ سنه »
———
' الجـد سلـطان آل ثنيان
الجده الجوهـرة ( لديهم من الابناء سته وابنتين )
— فهد اكبر الابناء ، زوجته ترف
ابنائهم « عسّاف ٢٩ ، عُدي ٢٦ ، وتد ٢٣ ، وريد ٢٢ »
— خيّال ثاني الابناء ، زوجته البندري
ابنائهم « رماح ٢٨ ، هناي ٢٢ ، لتين ٢٠ »
— سيف ثالث الابناء ، زوجته هيا
ابنائهم « عناد ٣٣ منفصل وله بنت دلع عمرها اربع سنين ، اصايل ٢٤ ، رياض ٢١ »
— سعود رابع الابناء ، زوجته هيام
ابنائهم « تركي ٢٨ ، جراح ٢٧ ، سمو ٢٣ ، ليال ١٩ »
— فيصل خامس الابناء ، زوجته نور
ابنائهم « سهم ٢٩ ، عمر ٢٦ ، قمر ٢٤ ، موج ٢٢ ، دانه ٢٣ »
-
زياد ابن سلطان العم الاصغر « ٣٢ سنه »
ساره اكبر بنات سلطان « ٢٧ سنه »
شادن الاصغر ودلوعة سلطان « ٢٦ سنه »
—
غايه بنت غيث صديقة دانه « ٢٣ »
——————
«محافظـة ضبـاء ، التاسعة صباحًا»
نزل من الطياره ياخذ نفس عميق من هواء ديرته بعد سنتين من الغربه ، ياخذ نفس عميق من شوقه ، زفره يكمل طريقه للخارج واتسعت ابتسامته بضحكه وهو يشوف امامه اهله جميعهم وجده وجدته ، يعجل خطواته ناحية امه اللي احتضنته بشده تبكي من شوقها وتاخذ من ريحته لصدرها ، يحضنها هو الاخر لدقايق تبتعد بعدها وهي تمسك وجهه تتفحصه بعيونها تشوف تغيره القليل ، تبتسم وسط دموعها : احلويت وكبرت !
ضحك تقبل خده لثواني وابتعدت ياخذ راسها يقبله ، التفت لابوه اللي ضحك يفتح ذراعه له يضمه لثواني يقبل راسه تتسع ابتسامته بحب ، اقترب من جدته اللي رفعت عكازها تضربه بخفه : يالعاق
ضحك يقبل راسها وابتسمت تمسك خده بيدها الحنونه : بخير يامي ؟
هز راسه يبتسم لها ينتقل بعدها لجده اللي ابتسم يمنع دموعه يعطي عصاته لعُدي اللي بجنبه واخذ عساف يحضنه بشده ببتسامه : نورت الدنيا !
ضحك يبتعد وهو يقبل كف جده يُكمل : كذا نهون عليك وتغيب سنتين ؟
هز راسه بالنفي يبتسم : ماهنتوا ولا بتهونون !
التفت لعُدي اللي كان خلفه وتد ووريد ، ينطق عُدي بضحكه : راجع بشوقي ولهفتي ؟
ضحك يقترب وهو ياخذ جميع اخوانه بحضنه يضمهم بشوق ، يقبل راس خواته لدقايق وابتعد ، تنطق وريد بدموع : وحشتني عساف حيل وحشتني !
اخذها تحت ذراعه يقبل خدها : انتِ اكثر جبت لك هدايا باللون اللي تحبينه !
ضحكت تصغر عيونها : الوردي ؟
تعالت ضحكاته يهز راسه : يا حبيبة الوردي !
وتد بتكشيره : وش قصدك استاذ عساف ؟
اخذها لذراعه الاخرى يراضيها : جبت لك يا دلوعه !
ابتسمت بحماس تعدل كم عبايتها : رضيت عليك خلاص !
تخصر عُدي بزعل : وانا ؟
صد عنه عسّاف يتجاهله بعدم اهتمام يسولف مع خواته وانهار عُدي بدراما : ياعزتي لي محد يحبني
ضحكت ترف تحضن ولدها : ماعليك منهم انا احبك !
ضحك فهد : درامي الله يحفظك !
شهق يمسك قلبه بوجع تتعالى ضحكاتهم واخذه عساف يحضن اكتافه : جبت لك كل شي خاطرك فيه بس اسكت
ابتسم باتساع تتغير ملامحه وهو يفتح الباب لاخوه ما كانه اللي قبل شوي : حياك !
ضحك يركب وهو يقفل الباب يحرك عُدي وبالخلف خواته : ما تترك السيارات الرياضيه انت؟
تنهدت وتد : اف عساف لو تشوف حوش المزرعه الخلفي كله سيارات عُدي !
هزت راسها وريد وتافف عُدي : اعوذ بالله شنو هالحسد والغيره ؟ انا اخوكم ترا
ضحكت وريد بذهول : ليش تاخذ دور المظلوم دائما ؟
صد عنهم بزعل يضحكون
