الكاتبة والفتوة

مشوارى مع الكتابة

انا شاركت فى المعرض ب3روايات المشوار بدامن سنة و3شهور لما كتبت اول رواية ليا اطلقت عليها اسم هل للقدر راى آخر؟ خلصتها فى 20يوم وكانت عبارة عن17فصل حاولت انشرها ورقى لكن معرفتش فيأست وقولت هنزلها على الواتباد وبعد مانزلت 6فصول و3اقتباسات شوفت بالصدفة بوست لبنت منزلة غلاف كتابها دخلت وسألتها عملت ايه عشان تنشر روايتها قالتلى على الدار واتواصلتم معاهم ونشرت على حسابى وبعتولى احضر معرض الساقية فى الزمالك واتكرمت عليها من الدار لكن للحقيقة مكنش افضل تعامل منهم مفيش ترويج جيد للرواية بعدها علطول بدات بتاليف رواية تانية بعنوان لم يكن سندا لى واتكونت من20فصل واثناء كتابتها جاتلى فكرة نوفيلا اسميتها عاشق بدرجة مجنون فكنت بكتب الاتنين فى وقت واحد ونزلتهم على الواتباد والجروبات طبعا النوفيلا خلصت الاول لانها كانت 7فصول بس عملت ضجة جامدة وقت نشرها وبعدين انتهيت من الرواية ولاقيت نفسي وقفت شوية عندى فكرة لكن كنت فاقدة الشغف انى اكتب فبدات اقرا لغاية مافى يوم كنت بقرا رواية على الفيس والادمن نزلت فصل كنت هتجنن واعرف ايه اللى حصل فبعت ليها فى الكومنتات وبطبيعتى بحب الهزار فعلقت فهى افتكرت انى بغلس عليها فهمتها انى كاتبة فبعدها لاقيتها بتطلب منى اشارك فى احتفالية وعشان مكنتش فاهمه فسالتها وشرحتلى فعرضت عليها عاشق بدرجة مجنون والمفاجاة انها فازت واتولت دار نشر طباعتها للمعرض بس انا مش مستفادة ماديا وبعدين بدات فى كتابة نوفيلا جديدة بعنوان غانية وليست بغانية وهى6فصول بس عبارة عن مشكلة كل العالم بيواجهها دلوقتى وبصراحة نالت الاعجاب هى الاخرى وفجاة لاقيت كاتبة انا متابعاها بتعلن عن دار نشر فقدمت معاها برواية لم يكن سندا لى على حسابى بردو وبعدين جاتلى احلى فكرة رواية مجنونة اسميتها الكتابةوالفتوة فكرتها غريبة كنت مفكرة انى هكتب فيها 5/6فصول لكن اتفاجات انها وصلت ل30فصل اتممتها امبارح وهعملها فصل تكميلى هدية للقراء يعنى هى فعليا31فصل وبصراحة حققت فى فترة بسيطة 4000مشاهدة على الواتباد وبقالى متابعين بسببها هى ميكس كوميدى ورومانسى واكشن ودراما فيها الفة ومحبة ودا مشوارى مع الكتابة صحيح محققتش اى مكاسب مادية بس حققت نجاح انا راضية بيه نسيت اقولكم انى طلعت فى التلفزيون على قناة الصحة والجمال عشان اتكلم عن رواياتى غير ان قناة ONوالفضائية المصرية صوروا معايا فى المعرض وحاليا بنشر رواياتى فى جريدة الراية الدولية اول عدد هينزل بكرا فبجد حاسة بفرحة لان ربنا كرمنى اوى فى فترة بسيطة وكفاية عليا القراء اللى اشادوا بكتابتى واسلوبى والسرد وزعلوا ان الرواية انتهت بس انا ناوية اوقف فى رمضان وهنزل برواية بعد رمضان اتمنى انها تعجب قرائى الأعزاء وهى دى حكاية كاتبة مكنتش تتوقع فى يوم من الايام انها تخرج من دور الام والزوجة والمدرسة وتبقى كاتبة ومتميزة كمان وانا واثقة فى ربنا ان هييجى اليوم اللى ابقا فيه اشهر روائية والكل يستنى كتاباتى