بدايات

الحلقة 2

في الفستيار :
دخل المدرب للفسيار لقاهم جماعة كل ملمومين بدا يحكي
_مدرب : يا جماعة نحب ناس كل في فورمة اليوم باهي ..كل ..
_قيس : ماظهرلي كل ههه
_مدرب : علاش اش فما
_احمد : الي بيه الفايدة منتصر مش كيما العادة ..
_مدرب : وينو
_احمد : لبراا اهوكاا يترانا وحدوو
مدرب خرج و خلاه زفر جاه وصل كلو عارق و داهش مدلو منشفة و دبوزة ماء
_منتصر : oui monsieur
_مدرب : ماكش عاجبني اليوم ...قولي اش فماا
_منتصر : لا شي اما تاعب شوي اليوم ...
_مدرب : فهمتك ...مش لازم تلعب اليوم براا ارتااح
_منتصر : لا مش...
_مدرب : براا عااد
خرج منتصر و كلم اكثر واحد يرتاح معاه هو بنت عمو فرح ...
_منتصر : فرح سفا
_فرح : اهلين بزين لباس وينك اش عامل مش قولت عندك ماتش
_منتصر : لا بطلت خرجت ...اسمعني لازم نحكيو
_فرح : نحكيو اما فاش
_منتصر : كي نوصلو نجمو نحكوو ..
_فرح : باهي وين
_منتصر : تو نبعثلك localisation ...متبطاش
_فرح : مسافة الطريق .
سكر منتصر التاليفون و خدم كرهبتو و طار
يسرى و هديل كيما العادة مع بعضهم كانو في دار يسرى يفطرو و بعد خرجو باش يعملو قهوة مدامها صلاعة و جو صيف ...
هي قررو يمشو لبلاصة كالم و مزيانة وصلو قعدو في coin لين جاهم السارفور
_السارفور :bonjour le fille شنوة تشربو
_هديل : انا جيببلي..كريب و كاس جواجم ....ممم و كاس Jus de orange بزايد فرااز ..
_يسرى : اوووه ....قولو يجيبلك المونة الي في قهوة كل مش خير
_هديل : سكري خلي نعيش اللحظة ..
_يسرى : اما لحظة
_هديل : لحظة
تلفتت للسارفور الي باش يطرشق بالضحك و قاتلو جيبلي زوز كيسان تاي ...هو جا ماشي وهي ناداتووو
_هديل : ياااا.....نادل
_السارفور : وي مدام
_هديل : الله لا تربحك يا منتصر ...مداموزاال من فضلك ...
_السارفور : وي مداموزالل تحب حاجة اخرى
_هديل : الحاجة شكون ...
يسرى قحرت الهديل و غمزتها الي راهي كثرتلهاا اما هي شي كان ماقصت عليهاا يسرى
_يسرى : هديل ...
_هديل : اسكتي
_يسرى : خويا زوز قهاوي و حدة منغير سكر و معاهم كعبة كيك بالشكلاطة ..
_هديل : لشكون
_يسرى : بو كانون ..
تلفتت يسرى لسارفور و عملتلو بيدها تنجم تمشي مشا هي مبطااش حكاية درج من زمان جاء هبط كل شي و عمل كعبة الكيك من جيهة يسرى اما هي قتلو للهديل ...
_السرفور : اسمك هديل
_هديل : كان عندك اسم اخر تعيطلي بيه ميسالش
_السارفور : لا مقصدتش اما ...
يسرى : تنجم تمشي ..
_هديل : يا يسرى ياخي شبيك ياسر كوبي يازح ...
_يسرى : سيب عليك ...قولي اش فما جديد
_هديل : فاش
_يسرى : في حكاية مونتا وه ..
منتصر هبط مالكرهبة و دخلل للقهوة و بالزهر طلعو في القهوة واحدة كان لابس مريول اليض و شورط اكحل و سبادري ابيض و اكحل ..و في يدو مفتاح الكرهبة يدور فيهاا
_هديل تحكي و تاكل في هاك الكيك مش هنا جملا
_هديل : صدقني منتصر معادش يعنيلي شي
_يسرى : متأكدة
_هديل : بالطبيعة لا
_يسرى : تخيل تو كان يدخل مالباب هذا اش تعمل ..

هذياا تو حسب رايكم شنيا لحكاية 📝🥵

خبروني في كومنتار 😌❤️

صحة شريبتكم ❤️😚