بدايات

الحلقة 3

_هديل : كان يدخل مالباب هذا...
هي هكك تحكي في كلمة بشوية و يسرى هزت راسهاا للباب لقاتو داخل ...تكلمت بشوية و هديل مش مركزة معاهم
_يسرى : دخل
_هديل : كان يدخل منتصر من هنا منعرفش لحق اش نعمل ...ام...
قصت عليها يسرى
_يسرى : دخل سايي ....
_هديل : اش تحكي
يسرى غمزت لهديل براسها تلفتت لقات منتصر يسلم على طفلة بالبوس ...
_هديل : ايييييييوه منتصرر ..
_يسرى : اششش فضحتيناا ..
_هديل : يعطيه كسرة انشا الله ...شكون هذه الي بدلني بيهااا وجه الكسكاس ...شو ركايبهاا كي ركايب بغلة ..هيا نقومو ...
قامت هديل مالكرسي و قعدت تغزرلهم و عينيها زغللو بالدموع و بعد ضحكت باش تخبي ظعفها و
يسرى ماكنتش مالعاكسين و بدات تضحك بالقوي لين تلفت منتصر كان يدو في يد فرح كيف شاف هديل طول جبد يدو و ريقل قعدتو
_يسرى : خوذ راحتك سي منتصر ...ارتاح ...
هزت يدهاا و عيطتت للسارفور قدم منها
_يسرى : L'addition, s'il vous plaît
هي خرجو لبراا و هديل بقات تمشي و ساكتة
_يسرى : هديل
_هديل : امم
_يسرى : حتى انا نحبك
_هديل : اش تخرف
_يسرى : هاك قولتي امم حتى انا نحبك
_هديل : استغفر الله ياخي لاباس ماهو راهو انا الي لازمني نكون بيزار مش انتي ههه
_يسرى : ههه اي هكك اضحك
فرح تسال في منتصر الي قاعد ساكت
_فرح : ياخي جايبني لهنا باش تبقى ساكت
_منتصر : اه لا جيت باش ناخذ رايك في حكاية
فرح شربت شوية من العصير متاعها و ريقلت روحها و بدات تسمع
_فرح : احكي نسمع فيك
_منتصر : قولي تو كي يجيك طفل يقولك راك تعجبني و كل ...انتي شنيا تكون ردة فعلك
_فرح : منعرفش اما نتصرف على حسب احساسي علاش تسال
منتصر سرح و تفكر وقت حكا معاها
"فلاش باك "
_هديل : انا اليوم حبيت نحكي معاك خاتر معادش باش نراك يعني حكيت ولا محكيتش معادش باش نشوفك مرة اخرى ..عامين و انا نحب فيك من بعيد لبعيد ..اما سايي حبيت نحكي معاك و منخلي شي في قلبي ...هاني باش نعطيك فرصة باش تخمم و تجاوبني يعني كان تحب نوليو صحاب محلانا و إلا نوليو صحاب عادي يعني معندكش خيار اخر .
ضحك منتصر و عمل براسو فازة متاع كمل احكي
_هديل : اي ميسالش انا مضروبة في روحي محمد علي صاحبك جاني و قالي الي انتي مضروبة في منتصر مسكين مافيبالوش الي انا نحبك ..المهم كيما قتلك غدوة كان لقتيني ايجا احكي معايا و قولي اش قررت ...نعرف حقني انا الي نجي اما مش مشكل مابيناتناش ..هاو العام وفا و انتي ماكش تسنى في روحك باش تنجح و انتي حاضر في العام أربع مرات بsemaine bloqué
_منتصر : هه ماكش نورمال ...محلاه كلامك
تلفتت هديل لقات روحها تدب من شيرة الي يخدم فيها بوها
_هديل : اييوو ...بابا ..لاتربحك ..تي نقصد بابا يخدم هوني ...باي ...ويني يسرى
قعد باهدت منتصر و فهم الي هو لازم يمشي تبسم و بعد جاوبها
_منتصر : باهي بسلامة هديل
"رجعنا "
_فرح : قولي ياخي نفسهاا
_منتصر : اي ...وليت وين نمشي نلقاها قدامؤ ح
تي حتى تو
_فرح : كانت هوني ؟؟
_منتصر : اي هي وصحبتها
_فرح : شبيك محكيتش معاها
_منتصر : انا ديجا قبل قولتلها لا و تو بنمشي نحكي معاها ...مجتش
_فرح : لا عادي شنيا فيها...
سكتت شوية و بعد تكلمت
_فرح : مش قولت معاها صحبتهاا
_منتصر : اي
_فرح : و تعرفها
_منتصر : نعرفهاا اي قريت انا وياها ..
_فرح : اي هاي تحلت المشكلة برا احكي معاها و كهو تو هي تتصرف ..ساهلة ...هي انا لازم نمشي بطيت برشاا .
_منتصر : يعيشك
_فرح : منغير مزية اما معملتش شي ..
_هديل : فديت انا ..
_يسرى : اسمعني ...اش قولك نكرو دار على شط مع بعضنا احنا الزوز كهو نفرغو قلوبنا لبعضنا اش قولت
_هديل : و الله فكرة ...مالا انا تو نبدا نفركس في دار
هي هكك و صونا تاليفون يسرى هزت لقاتو منتصر