بعد جمعة رجع كل شي لبلاصتو و كيف ما كان هديل لدارهم و يسرى رجعت لدارها و لخدمتها و لولاد كيف كيف ....
هديل في دار كيما العادة غاطسة في تاليفون لين تجيها نوديفيكسيون من فوق مساج من عند سكندر ...قرات المساج مكتوب عليه كي تتفاضر كلمني حاجتي بيك ..هي هزت التاليفون و طلبت
_هديل : الووو
_سكندر : اهلين
_هديل : لباس سكندر
_سكندر : سمحني كان قلقتك في الوقت هذا ...يسرى عطاتني نمروك هي تخدم متنجمش تعاوني
_هديل : لا عادي مفما حتى قلق جيست ..تحيرت علاش طلبتني ...خاصة ....بعد الي صار
_سكندر : لا لا مصار شي ..اسمعني نحم نطلب منك تعاوني في حكاية
_هديل : اي تفضل
_سكندر : اه كان نتقابلو خير ..نتصور
_هديل : اوك على كيفك ..وين تحب
_سكندر : حضر روحك تو نجي نهزك
_هديل : لا لا مش لازم العنين برشاا تو يفهمو بالغالط سكندر قولي وين وانا تو نجي
_سكندر : ايجي للقهوة الي تخدم فيهاا يسرى مالا
_هديل : اوك مسافة الطريق
طيشت هديل التاليفون و قامت سكرت التلفزة فيها لغنى و دخلت لبيتها لبست سروال دجين لارج و مريول نوار و ساك بلون و خرجت ..
هي وصلو للقهوة قعدت هبطط كاس عصير لين جا سكندر
_هديل : اهلا سكندر
_سكندر : بطيت عليك
_هديل : لا عادي تو كي جيت
_سكندر : باهي خلي ندخل في موضوع ديراكت
_هديل : امم احكي
يسرى تخدم و تشوف فيهم من بعيد لليصوني تاليفونهاا
_يسرى : الو
_منتصر : اهلا يسرى فاضية
_يسرى : نخدم مبعد نحكو
_منتصر : هاني جاي ..
_يسرى : لا ام...ء.ء.ء سخطة على راسك
علق التاليفون و خلاها معلقة ..
سكندر و هديل يخططو باش يعمل سكندر مفاجئة لخطيبتو و باش يعمملها دومند مارياج
_هديل : و خيذيت خاتم
_سكندر : ياخي هو فما دومند منغير خاتم ...تتبهلل
_هديل : اي وريني
سكندر جبد الخاتم و حلو على دخلت منتصر الي عينيه تحلووو على وسعهم و ميكونش من العاكسين و يصيح لقهوة كل قامت قعدت و كل يتفرجو فيه
_منتصر : يااا كلبببب ياخي ..متربيتش انتي .
_سكندر : شبيه هذا
_هديل : يزيو يعيشكم اهدو شوية
_منتصر : تنجم تفهمني اش قاعد يصير هديل
_هديل : و انتي اش دخلك سمحني ...
_منتصر : هديل
_هديل : منتصر
_منتصر : هديييل
_هديل : السخط اش تحب ...منتصر
_منتصر : اي منتصر ...اسمي نعرفو بالقداا اعطيني حاجة منعرفهااش
_سكندر : ياخي انتي شنيا مشكلتك
_هديل : سكندر متتدخلش
_سكندر : لا باش ندخل مادامو وين يشوفني يزي يدز في صدرو مزال باش يشووف
و يوخر و يعطيه بونياا على خشمو خلاها دميات هو هكك و لينا جات ترمات في حضن سكندر
_لينا : حبيبي اش فما شكون هذاا
_سكندر : نقدملكم لينا خطيبتي ...
VOUS LISEZ
بدايات
Humorكرونيك اليوم من اقصر الكرونيكات🇹🇳 😂❤️ الي باش تقراوهم 😌📝 اما باش تعجبكم 🖤🤝🏻 كرونيك المرة هذه حقيقة و من واقعنا 😍🤭 بعنوان : بدايات 🥵 للكاتبة : يسرى حسين©
