بدايات

الحلقة 4

يسرى غزرت لهديل لقاتهاا تفركس في تاليفونها على ترا شنيا
بعدت شوية و هزت عليه
_يسرى : هديل هاني جاية عندي تاليفون
_هديل : باهي
_يسرى : وي
_منتصر : يسرى مش هاكا
_يسرى : اي ..لباس عليك
_منتصر : لباس حمد الله يعيشك ..اسمعني نجم نطلب منك حاجة
_يسرى : ام ..تفضل
_منتصر : نجمو نتقابلو حاجتي بيك اكيد
_يسرى : في اني موضوع
_منتصر : كيف تجي تو نحكيو ..
_يسرى : اه .صار متاكد الي باش نجي ..
_منتصر : اش قولت
_يسرى : باهي وين ..
_منتصر : وين تحب انتي
_يسرى : باهي نتلاقاو في قهوة قبيلة .
علقت يسرى التاليفون و رجعت لهديل الي قاعدين في كرسي في شارع ...
_يسرى : هديل هياا نروحو فديت
_هديل : تي حتى انا ..هيا
_يسرى : شبيك انت هبط عليك نكد ضربة وحدة
_هديل : شي
_يسرى : متقوليش خاطر ريتي سي طبالة متاعك
_هديل : تي لا والله بالعكس انا فرحانة برشاا صحيح وقتهاا بكيت اما تاكدت الي انا منتصر سي نسيتو محسيت بشي ..صدقني أول مرة نحس بشعور كيما هكاا ..
_يسرى : aa c'est bien.....فرحتني
_هديل : لحظة
_يسرى : شبيك
_هديل : بابا يطلب فياا التاليفون يفبري ..ههه
_يسرى : ههه مالا بهيمة
هديل مشات تطلب في بوها و يسرى بقات تستنى في تاكسي شوية و وقت و جات ركبو و مشا كل واحد لدار هبطت يسرى تسكن قبل دار هديل و هديل كملت لداهم ..
هي دخلت هديل لدار كيماا العادة ..وقت فطور ناس كل ملمومة قعدتت على طاولة باش تفطر  تفطر مع دارهم
_هديل : اناا جيييت 
أمهاا: مرحباا اقعد
بوهاا: اش مجيبك ..ملقيتي وقتاش تجي كان وقت فطور يا بنتي
ضحكت
_هديل : ماهو انا المحرم فؤاد ديما نجي في اوقات الحساسة
_بوها : معادش تحشمي انتي ...شكون فؤاد اه..
_امها : معدنوس مش فؤاد .
_هديل : لا كرهتو المعدنوس معادش يقلقني
قعدت تفطر و هوما عاملين جو و هديل فرحانة الي نست منتصر و تو بالرسمي معادش يأثر فيها حتى طرف
_بوهاا: اي مااالا اش عملتوو
_هديل : شي عملنا قهوة تمشينا شوي و روحناا
بوها: مشيتي  انتي و يسرى ؟؟!
_هديل :  أي بابا ديجا تفاهمنا على حاجة
_بوها : يا ستار يا جبار لطف ياربي...ابهرني يالا ...ماني نعرفكم انتوما لبنات كي تتفاهمو ..القوات المسلحة متوقفكمش
_هديل : يا بابا اصبر نكمل نحكي و بعد وافق ..قصدي احكم
_بوها : هاات يااالا
_هديل : قررنا نكريو دار مع بعضنا انا ويسرى ايمات
_بوها : ومين طلعت بيها الطلعة هذه
_هديل : تي غير هيا عااد قولي اي ولا اي اءء..ولا لا ..اي تقضي ولا لا متقضيش
بوهاا: بااهي بنتي رد بالكم على روحكم و اكهو اهوك شوفو بقداش و قولي اما كان منشوفها الدار وين و متاع شكون زادة و كل مرة باش نعمل عليكم طلة .
_هديل : ياااا يعيشك ...ديجا قاعدين نلوجو و يسرى زادة قالت لهايلتها و وافقو خلي نمشي نقولهاا
_بوها : كمل صحنك
_هديل : تو نكملو مبعد ..
هي يسرى كيما العادة قعدت مع عايلتهاا و هوما ماشين للبلاد لعرس و يسرى بما انها تخدم متنجمش تمشي عاد قالتهم على حكاية الدار و خرجت دخلت لبيتها لبست سروال نوار و توب روز و حلت شعرهاا و خرجت للقهوة باش تقابل منتصر القهوة مش بعيدة على دار ..

جاام