مشات يسرى عاونتها و خلصت الكرهبة و سكرت الباب دخلو للكوجينة و حلت القاتو تشوف فيه في شكل قلب مكتوب عليه happy birthday yousra و بجنبهم زوز بنات مكتوب عليهم يسرى ووحدة هديل و رقم 11ans
هي دخلو هديل و يسرى للبيت يسرى لبست روب روز اختارتها هديل روبا طويلة فيها فونط على جنب و عملت شعرها شندال و طالون على نوار و مكياج خفيف و هديل روبة على روز و فولارة روز و طالون في نوار و مكياج قوي شوية و خرجو لبرا لعباد كل وصلت منتصر لابس رسمي كوستوم نوار و معاه ياسمين لابسة روبة شطر لفة الي معري اكثر مالمغطي روبة على اورنجي و نوار و سكندر كيف-كيف وصاتو يسرى باش يلبس رسمي لبس كوستوم مودارن ...هي الاظواء بدات تكفى هديل خرجت لولى اول ما خرجت ناس كل بقات تغزرلها خاطر تحكي في ميكرو
_هديل : bonsoir ناس كل شرفتونا بحضوركم ..اليوم عيد ميلاد اختى و صحبتي و كل شي في حياتي ...الي هي يسرى
خرجت يسرى ناس كل تصفق بدات جات قعدت بحذا هديل ..
هديل : نحب spécial remercie للريو ستار باند الفرقة الي معانا اليوم بقيادة سكندر ×××
سكندر غمزلهم الموسيقى بدات و هو قدم من هديل و مد يدو
_سكندر : تسمحلي بالرقصة هاذي
تلفتت هديل لمنتصر لقاتو يرحي وحدو
_هديل : بالطبيعة
مشاو يشطحو مع بعضهم و منتصر حب يشطح مع ياسمين باش يغزل هديل في لحضة هوما بداو يشطحو شوية و يسرى مشات تجري لمنتصر و فكتو من ياسمين و بدات تشطح معاه تلفتت لهديل لقات وجهااا باش يطرشق بالضحك غمزتهاا و رجعت تشطح ...
منتصر يشطح مع يسرا و عينيه مع اسكندر
_يسرى : هذاكا اسكندر
_منتصر : اه ..اش يهمني فيه
_يسرى : لا حسيتك مركز معاه برشا
_منتصر : ولد عم هديل هو ماهو
_يسرى : هأةه ...هذاكا عشيري ...مزيان مش هكا
_منتصر : لازم نرجع الطفلة وحدها
سيبتو يسرى و هديل كيف كيف و بقاو يحكو
_هديل : الوضع تحت السيطرة ..
_يسرى : انا زدت شوية في vitesse اختااه
_هديل : خليه يتشوشط كيما مرجني
هي تعدات السهرية شوية و كلهم بداو يغنو طلعت هديل للمنصة و معاها سكندر و بداو يغنو
_هديل : مابعرف كيف بنظرة بتعمل هيك بتاخذني ليك ...و بموت عليك ...
سكندر بدل لغناية و بدا يغني
_سكندر : انا لما قررت حبك يعني كلك صرت ملكي حبيبي و بس ...
هبطو من المنصة و منتصر يعرضو يجري شدو من يدو دورو ليه و عطاه بونية لاتقرا لا تكتب جابو يبربش
يسرا غزرت لهديل و بقاو يتبسمو و هديل تفكرت
"فلاش باك "
_يسرى : اسمعني رد بالك تقول لسكندر على خطتنا ...
_هديل : علاش
_يسرى : سكندر و نعرفو مش باش يوافق
_هديل : علاش ناوية
_يسرى : باش نشعل النار في قلب منتقهر و نخليه يقلي مالغيرة .
VOUS LISEZ
بدايات
Humorكرونيك اليوم من اقصر الكرونيكات🇹🇳 😂❤️ الي باش تقراوهم 😌📝 اما باش تعجبكم 🖤🤝🏻 كرونيك المرة هذه حقيقة و من واقعنا 😍🤭 بعنوان : بدايات 🥵 للكاتبة : يسرى حسين©
