بدايات

الحلقة 8

دخل منتصر لدار لقا امو قاعدة في صالة و تشرب في قهوة
_منتصر : عسلامة امي لباس
_امو : اهلا وليدي وينك اليوم
_منتصر : هاني كيما العادة
_امو : الدار كروها في بالك
_منتصر : اي اي في بالي ..شكون الي كراها تعرفو
_امو : كروها زوز بنات ظاهر فيهم بنات اصل و متربيين ...مشيت امس انا و معز مدينالهم المفتاح
_منتصر : قتلي انتي و معز
منتصر قعد على فوتاي و حط يديه على ركايبو و يرقل كولو ماللعصب ..هو هكك و معز دخل
_امو : هاو ولدي البدري جاء
_معز : اهلا بيكم
منتصر قحر. لمعز و بعد تكلم بالعشرة وافي
_منتصر : وين كنت ياخي ..
_معز : كنت في دار
_امو : وه يا ولدي لبنات وحدهم اش مهزززك ليهم
_معز : قول لولدك هو بعثني ..باش نجيبلو الالبوم ...اه ..؟
_منتصر : اي و وينو
_معز : شكون
_منتصر : راسك
_معز : شبيه راسي
تلفت منتصر لامو و بدا يحكي بصوت فيه بحة مالكثر لعصب الي ماكنو
_منتصر : ولدك اخرتو على يدياا
_معز : شبيك ياخي مش تتقبح
_منتصر : يا معز فك علىيا عااد هات الالبوم لا نبدا نهز فيك و ننفض
_معز : نسيتو
_منتصر : بااز في كرهبة مش هكا مش مشكل انا بطبيعتي خارج
_معز : هأه ..
منتصر دور راسو بمعنى مالا و معز كمل يحكي بعد ما حط ساق على ساق يسيب في الدم البارد متاعو ...
_معز : مزال في قجر

_منتصر : مالا اش مشيت تعمل ...علاش باعثك انا ...يا راس كرومبة .
_معز : تي اكهو والله بقيت نحكي مع الطفلة هديل والله مقتلة ضحك عليهاا ..حتى صحبتهاا مش خايبة راهي ...مضروبة في روحها شوية ...طلعت تعرفك حق
_امو : مشا الله على ولدي عندو لقبول ..لعباد كل تحبو
_معز : لا قراو مع بعضهم ..ارتااح امي
منتصر : اسمها يسرى
_معز : اي
منتصر ضرب يدو على حيط و خرج دخل بيتو شد التاليفون و طلب التاليفون كان في يد هديل دوب ما خرج اسم منتصر طيحت التاليفون من يدها تعيط
_هديل : سمالله و بالله ...اعوذ بالله من شيطان الرجيم
_يسرى : شبي سمااك ..وعلاش التاليفون هكك ..
_هديل : هو ..هو ...هوو..
_يسرى : شكون هو
_هديل : كريستيانو رونالدو..شكون يزي مالبهامة ..منتڨهر ..
_يسرى : سيب جاي
منتصر يمشي و يجي في بيت يستنى في يسرا تجاوبو ..
يسرى هزت و حطتو haut parleur
_يسرى : الو
_منتصر : اه ..يسرى ..
_يسرى : نعم
_منتصر : سمعت الي انتوما الي كريتو دار متاعي
_يسرى : تحكي بالرسمي ياخي الدار هذه متاعك ..
_منتصر : اي