تعداو ايمات و جات الويكاند هديل و يسرى كارو الدار و قاعدين هكك على بيسين ..اين نوقز الباب مشات هديل باش تحل لقاتو معز قعدو باهتين في بعضهم الزوز و طرشقو بالضحك ..
_معز : عسلامة...انتي
_هديل : اش تعمل هوني ..
_معز : جيت نعمل عليك طلة
_هديل : ادخل تفضل
معز دخل و مقالش الي هي دار منتصر ...هي دخل شوي و قعد يستنى في هديل ...تلفتت هديل و قاتلو بيدهاا تفضل يسرى متسمع في شي كانو حالين لغنا علخر ...يسرا كانت لابسة روبا علازرق لحد الركبة و حاطة ساقيها في ماء ...هي
الباب جاي لفوق يعني باش تهبط للجنينة ولا تدخل لدار يلزم تهبط من الدروج و تنجم كي تشوف الي لوطة كل كان فيها بلكون...المهم معز هابط مالدروج دوب ماشاف يسرى تكونساا ..و هديل مشات خطوتين تلفتت وراها لقاتو يغزر لقدام تلفتت حتى هي لقات يسرى حاطة ساقيها في الماء وهوما الزوز ولا واحد انتبه على لاخر
رجعت هديل الخطوات الي مشتهم و دزت معز بصبع واحد
_هديل : يااااهووو ....بسسسست
معز شي مزال متبلانتي ..
_هديل : ميت ولا حي
_معز : مات ..اه تي تتفيسخ انت
_هديل : امشي و اسكت ..يسراااااااا
تلفتت يسرى تشوف في هديل و معاها طفل يسرى متعرفش معز اما شامتها قارصة ...
هديل : نعرفكم هذا معز خو منتصر و هذه يسرى صحبتي
_يسرى : مرحبا سي معز
_معز : معز ..
_يسرى : امم اوك ..تفضل ارتااح شوي و نجي ..
_هديل : وين ماشيا
_يسرى : حواجي هذو تبلو نبدل و نجي
مشات يسرى و معز بقى ساكت هي دخلت وهو تكلم
_معز : ياخي شبيهاا مضروبة في روحها برشاا
_هديل : شكون
_معز : صحبتك
_هديل : وانتي اش دخلك
_معز : انا الغالط الي محكي معااك
هي هوما هكك و يسرى رجعت جابت معاها عصير و كيك و شيبس و قهوة مدتت لمعز و لهديل و جابت القهوة و قعدت
_يسرى : اي مالا سي معز وينو منتصر اش عامل
_معز : معز معز
_هديل : تي باهي سخطة على راسك ..معز ولا الا هو سالاتك وينو منتڨهر
_معز : اه
حطت يسرى القهوة فوق الطاولة و كملت تحكي
_يسرى : يا معز ياخي شبيك مبهم. ..ساعة اش تعمل انتي لهناا ..تلفتت لهديل ..
_يسرى : ياخي كيفاش دخل
_هديل : دخل مالباب
_يسرى : واو
_معز : انا وين
_يسرى : في تطاوين .
هي قامو الزوز معز و هديل ووصلو لبرا معز مروح
بداو يحكيو قدام الباب هوما هكك و منتصر وقف بالكرهبا بعيد كيف شافهم حط يدو على شباك الكرهبة و نحا ليناتو يشوف في خوه معز الي وصاه باش يجيب الالبوم متاع تصاورو من لقجر متاع البيت نساه ..اما تفاجا اكثر وقت لقا معز خوه و طفلة الي على اساس تحبو يحكيو قدام الباب و زيد يضيحكو و صوت الضحك متاعهم واصل لبعيد ...منتصر تنرفز علخر رص على سنيه و كبس على بونيا متاعو خدم الكرهبة عمل دوميتور و طار عجاجة و مخو و تفكيرو كان في المنظر الي شافوو ..هو هكك و تاليفونو صونا هز عليه
_منتصر : اش تحب
_احمد : ياخي وينك غبرت المدة هذه كل
_منتصر : مش لاهي
_احمد : باهي ايجا نتقابلو
_منتصر : باهي امبعد ..
VOUS LISEZ
بدايات
Humorكرونيك اليوم من اقصر الكرونيكات🇹🇳 😂❤️ الي باش تقراوهم 😌📝 اما باش تعجبكم 🖤🤝🏻 كرونيك المرة هذه حقيقة و من واقعنا 😍🤭 بعنوان : بدايات 🥵 للكاتبة : يسرى حسين©
