بدايات

الحلقة 9

_يسرى : اي اي ولللهي برافوو ...شي متجي الدار ياسر خايبة
_منتصر : مش وقتو فما البوم متاع تصاور في بيت لقيتوه
_يسرى : البوم ..
وبقات تشوف لهديل الي تحكي من غير صوت تعمل هاكا يسرى و تسكر الميكرو و بدات تحكي
_هديل : خليه يجي
_يسرى  : الجهامة و البهامة اصبري تو نقولك و هديل تسمع في صوت منتصر يقول الو الو وحدو
_يسرى : اه الو نسمع فيك ...اسمعني انا ملقيتش البوم دقيقة نشوف لحضة وين هو
_منتصر : في البيت الي مقابلة باب جنينة
_يسرى : هاني تو دخلت
يسرى كانت تحكي و هديل كانت تحل و تسكر في باب الكوجينة على أساس تفركس
_يسرى : اي اي هاني لقيتو
_منتصر : باهي برشاا تنجم تحيبهولي امان ولا نجيك انا
_يسرى : اه تو لا منجمش باش يجني بابا اما اسمعني غدوة عيد ميلادي ايجا منه للحفلة و منو تاخو الالبوم متاعو ..
_منتصر : باهي انشا الله هيا على خير
علقت يسرى التاليفون و طرشقو بالضحك و طقو يدين بعضهم و بعد يسرى مشات تشوف في الصوص و هديل تحكي و تقص في السلاطة
_هديل : مفهمتش شنيا فيه مهم الالبوم هذا علاش الخوف هذا كل
_يسرى : عندو الحق شي يحشم
_هديل ؛ يحشم و سكتي ههههههه....باهته قي روحي كيفاش بقيت نحبو 3 سنين كاملين
_يسرى : قولي اش عملت لغدوة ...انا كمنديت الخبزة القاتو سايي و ستدعيت شوية صحاب
_هديل : انا اخترت الروب و موداال ظوافر و مكياج كيفاش و الديكور مزال
_يسرى : الديكور تو نعملوه مع بعضنا نعرف شكون يبيع حجات كي هكا تو يسلفنا ..

هي منتصر طلب ياسمين و خبرها بالعيد ميلاد والي يلزم تمشي معاه غدوة و تفاهمو و كل ..
في ليل فرشت يسرى و هديل قدام التلفزة و عملو قطانيا و قعدو يتفرجو على فيلم و على هذاكا الالبوم و شايخين بالضحك و يخططو لحفلة غدوة و يتفكرو في الفازات الي صارو قبل
_هديل : يسرى ..ياخي علاش متصوحبيش
_يسرى : على اساس هو قدام الباب و انا قلت لا
_هديل : تي والله نحكي بالرسمي
_يسرى : دبري راجل تو نصوحب
_هديل : مريقل غدوة ما ترقدي كان متزوزة
_يسرى : استغفر الله ...باش تسحريه
_هديل : علاش لا فكرة ..
_يسرى : اهه..سكندر ..
_هديل : شبيك
_يسرى : لازم نطلب سكندر لازمو يجي باش نحركو شوية مشاعر سي طبالة متاعك
_هديل : اسمعي استدعيهم الكل خليهم يغنوو
يسرا عندها جروب قبل يغنو فيه في كونسلفاتوار و منهم سكندر و سليم و نضال
_يسرى : مشات معاك خلي نطلبهم تو
_هديل : وووه مالا جو معادش نجم نصبر ههه
طلبت يسرى و طلعو بالرسمي هوما ديجا في نفس لبلاصة كان عندهم حفلة و وافقو ..
صباح جديد على ابطالنا كل يسرى و هديل يشهقو مايلحقو عملو كل شي و سليم و نضال و سكندر كيف كيف يرقلو في المنصة متاعهم و يسرى و هديل يزينو و يريقلو في طاولات هي جات لعشية دق الباب
_هديل : هذا مايكون كان الليفرور
_يسرى : اي بار شوف
مشات هديل طلع هو خذات من عندو الروب و هي بتسكر الباب و الكرهبة وقفت متاع باتسري و هبطت خبزت القاتو
_هديل : يسرااااااى
_يسرى : نعمم
_هديل : ايجاا خوذ معايا