بدايات

الحلقة 13

وجه منتصر تبدل 360° و سكندر هز روحو و مشا هديل بقات تبع فيهم بعينيها تلفتت تلقا منتصر حاط يدو في حزامو و ميل راسو يستنى فيها تحكي
_هديل : شنيا
حل منتصر يديه و يحكي
_منتصر : نستنى فيك ماكش باش تحكي شي
_هديل : زايد لكلام تو ..
رجعت لطاولة هزت ساكهاا و خرجت و منتصر بقاا يحكي مع يسرى و اخر حديثهم
_منتصر : والله منعرفش علاش بقيت ننصرف هاكا
_يسرى : انتي فسدت كل شي بالعصب متاعك
شوف هديل قبل حباتك برشاا ..
_منتصر : و تو
_يسرى : منعرفش ...الجواب تلقاه عندهاا..
_منتصر ؛ هي مشات وين باش نلقاها تو
_يسرى : كل ما تتنرفز تمشي على بحر ...غادي وين تنجم تلقاها..
منتصر : متاكدة
_يسرى : عندي خدمة ...امشي رضيهااا و نحب نشوفكم داخلين لدار لعشية مع بعضكم
خطف منتصر مفاتحو و قام يحكي
_منتصر : استناني
خدم الكرهبة و طار بيها عجاجة يلقا هديل قاعدة على كرسي النسمة قوية و يلقاها تحكي مع قطوسة وحدها جا ووقف وراها يسمع فيها اش تحكي
_هديل : ياخي شبيك تغزرلي ...عندك الحق حتى هو شي يبهت ...انا الي حبيت منتصر والي قالي منجمش تو قاعد يعمل في ضربات غيرة ...يا والله حوال ...انا واللهي على اساس نسيتووو ..اما اش قولك انتي ..ياخي فاش تغزر لغاادي
جات باش تتلفت سبقها منتصر بكلامو
_منتصر : قاتلك فوك علياا...من كلامك الفارغ
_هديل : سمالله لعظيم تي شبيك كي حن الحكة ياخي تمشي من غير حس
ضحك منتصر و قعد بجنبهاا ه قعد وهي جات باش تقوم شدها من يدهااا
_منتصر : هديل خلينا نحكيو شوية يعيشك
_هديل : انطق
_منتصر : نعرف الي انا عملت شوية حاجات وجعوك
_هديل : شوية ؟؟؟

_منتصر : باهي برشا...اما والله لقيت روحي غالط ..انا طلعت نعرفك انتي و منعرفش روحي ..صدقني ..هياا خلينا ننسو الي صاار و نتفكرو كل حاجة عشناهاا بالباهي من اليوم
_هديل : تتفكرك الموت ...علاش ياخي انتي وينك وقت البرد كلاني ...تي وينك وقت حاجتي بيك
..ريت العنين هذو بكاو على خاطر يا بهيم و تو بكل صحة رقع..ه ...لعزا فيك ...بكل صحت رقعة جاي و تحبني نرجع معااك ..برااا العب قدام داركم
مشات و خلاتوو و هو زاد شدهاا
_منتصر : باش نبقى نستناك هديل و نعرف باش توافق
_هديل : باهي مالا استنى في ظل ..
بعد شهر  هديل و منتصر ولاو مع بعضهم هي تسيب في هبالهاا و هو يسييب في مساطتو ..حب يهزها للبحر ..هي وصلو هبطو مالكرهبة مشاو شوية و بعد وقفت هديل
_منتصر : هيا شبيك وقفت
_هديل : وين ماشي .
_منتصر : باش نركبو في بارشوت هايا
_هديل : شنيااا عزاااك و خلاااك ..لا
_منتصر : تي غير هيا شبيك خوافة
هديل على كلمة خوافة حبت توريه زعما زغما مش خايفة و توري في شجاعتها وهي من يديها ظاهر كل يرعشو شدها منتصر و بدا يحكي و يلبسلها في الجيلي
_منتصر : ريلاكس يا طفلة
_هديل : تهبط عليك تراكس
_منتصر : بربي ...جااك تحرك
على غفلة هديل تلقا روحهاا لفوق و طايرة وهي مكبشة في الخيط و تعيط و تدعي على منتصر
_منتصر : زيد ادعي ...هاني باش تركبلي نطيشك من هوني ...تجي لمجة للقروشة
_هديل : تي هبطني ...يا هم اه.ه.ه ه