وقفت لمى وهي تفتح الباب تناظره بهدوء ، دخل وهو يدور عُمر
دخل المطبخ وهو يشوف عُمر ياكل جنب امه اللي تحط الأكل ،
ضربه على راسه : جتك خفيفه ولا كان صفقتك!
عُمر : ياليل الشياب ما يتقبلون المزح!
زياد : مزح تقفل الباب وبرا شمس مريض انت؟
عُمر : خلك ذيب شمس ما تضر
زياد : روح اطلع وشوف
عُمر : حساس مره ياي
زياد تنهد : اطلع برا المطبخ لاسطرك
ركض عُمر يركض برا المطبخ ونطق للمى اللي جالسه مع سلطان : زوجك ذا تُحفه الله يعينك عليه
لمى بضحك : تتلقف عليه وبعدين تجي تتكلم!
عُمر وهو يجلس امامها : اسمعي يابنت العم تبيني اطلقك منه ؟ بس قولي ايه وابشري هذا ضد البشريه
سلطان ضربه على كتفه : ورع فال الله ولا فالك اسكت!
عُمر : يبه! لا تضربني انا اتكلم معها بعقلانيه زوجها ما يتعامل الا بالعنفْ ، حرام تجلس عنده
زياد وهو واقف يسمع كلامه : تبيني اعلمك العنفْ على اصوله؟
عُمر همس بدون ما يلتفت لزياد : تكفين اخر مره بس افزع لي لا يمسكني
ضحكت لمى وهي تناظر بزياد : خله عشاني
زياد وهو يجلس جنبها : قم انقلع عشانها بس
عُمر بضحك وهو يوقف : تجيب راسك يا الخروف!
زياد : هذا اللي يبيني اخليه؟
عُمر : خلاص والله خلاص ماعاد تتقبل المزح!
طلع وهو يتحلطم وضحكوا عليه
سلطان نطق : هذا اللي تقول كبر! باقي بزر يابوك
ضحك زياد : عبالي عقل لكن نفسه نفسه ، اهرب من اللي ف الرياض واجي للي ف جده ما منهم فكه هالتوأم الجنوني
سلطان : الله يعين بس
وقفت لمى وهي تدخل المطبخ تساعدهم بتجهيز الغداء ،
جلسوا على طاولة الأكل كلهم وهم يبدون بالأكل
سلطان : عاد امك من اتصلت عليها وهي ف المطبخ
زياد : الله يهديك يا يمه بدري والله تعب عليك كان ما سويتِ شي!
غيداء : تعبك راحه يا امي وبعدين وش سويت كلها كم طبخه
لمى : ما قصرتِ والله تسلم يدك
غيداء : الله يسلمك بالعافية
عُمر : مع انه ما يستاهل بس زين ناكل اكل كذا عشانه
غيداء : حسستني عايش بمجاعه!
عُمر : لا والله الحمدلله ولا ما تقصرين
زياد : خليه يمه الغيره توجع
ضحكوا وهم يكملون غداهم بين السوالف وبين مناقرة عُمر للمى وزياد
بعد الغداء الكل راح غرفته ياخذون قيلوله لين العصر ويصحون
" بيت منير "
منير : والله تعب بس ابي اكل واخذ لي غفوه
هناء وهي تمسح على كتفه : اجر ان شاءالله وهذا ألأكل جاهز نستنى سعود يجي بس
منير : واكيد احمد نايم
ضحكت هناء بخفه : لا اليوم رجع من الجامعة وهذا هو فوق يبدل وينزل
منير : عجيب هالولد
هناء : يازينه ولدي
دخل احمد وهو يسلم على راس منير وهناء : الحمدلله اول مره اسمعها تمدحني بدون سب
هناء : حرام عليك !
احمد : يبه بالله قد سمعتها تمدحني بدون ما تدخل شي ف المدحه وتخربها؟
هز راسه بالأيجاب وضحك احمد : الحمدلله
دخل سعود : السلام عليكم
ردوا كلهم : وعليكم السلام
هناء : مدامكم جيتوا كلكم بقوم احط الغداء وانت يا احمد قوم ناد الجوهره
احمد فز : جوي اناديها
منير بتنهيده : خلها اناديها انا بتتناقرون انت وهي !
احمد وهو يطلع : افا عليك ما بسوي شي
ضحك سعود : ماراح ينفع معهم شي لو تكلمت منه لبكره
ضحك منير : اي والله يابوك الله يهديهم
