" في بيت زياد بعد وصول البنات "
شهد وهي تحضن لمى : اوووف اشتقت لك
ضحكت لمى تشد عليها : ياكثر الحب
شوق بقهر دفتهم عن بعض : يع تتحضنون بعض تقول ما شفتوا بعض من سنين
شهد : شتبين انتِ؟
شوق وهي تسلم على لمى ونطقت : كذا السلام
ضحكوا ونطقت لمى : تعالوا داخل
شوق رفعت حواجبها : اخس وش هالرسميه ؟
لمى بضحك : وش فيك انتِ تعلقين على كل شي ؟
شوق : اندري عنكم تسوون حركات غريبه !
شهد : ما الغريب إلا انتِ
شوق وهي تدفها تجلس على الكنب : ايه وين اخوي ؟
لمى : اخوك طلع مع سعود " شوق أخت زياد بالرضاعه "
شوق ضربت كفوفها ببعض : يا حسافه !
لمى : معليك بيجي وتلحقين عليه
رن الجرس ونطت شوق ونطقت لمى بضحك : بنت خير ؟ مو سريع زياد لهدرجه ذا المندوب
ضحكت شهد وجلست شوق بحلطمه ، طلعت لمى واستلمت الطلب ورجعت تجلس معهم
ضحكت من مدت بوكس الحلا لشوق : هذا اخوك
ضحكت شهد وشمقت شوق تنطق : ايه لان اخوي حلا
هزت راسها بأسف : الله يدخلك الجنه يا شهد في صبرك على أختك
شهد هزت راسها : الله كريم ، خليني اروح لبيت زوجي افتك منها
رفعت حواجبها شوق بصدمه : هين أوريك تدوريني وتفقديني
شهد : بخلي حبيبي وبفقدك ؟ سري بس !
شوق : مردك لي اصبري بس
لمى بضحك : خلاص جايين نسهر شفيكم قلبتوها مشاكل
شهد : خليك منها ، وش مسوين ؟
لمى : ابد سحبت على الجامعه اليوم لان مالي خلق
شهد : ايه ما شفتك اليوم
شوق : دلع مالي خلق !
شهد : شف بس مين يتكلم عن الدلع ، اكثر وحده تغيب
ضحكت لمى : خليها حلال عليها بس
شهد : المهم ، طلعت لسوق واخذت نص الأغراض
لمى شهقت بتمثيل : بدوني !
شوق : مخلفتك وهي ماتدري ؟
لمى هزت راسها بأسف : افا غيروك علي !
شهد : اقول امي كذا فجأه صحتني ويلا السوق ، قشت السوق كله حسستني ماعندي ملابس !
ضحكت لمى : ياحليلها عمتي متحمسه
شهد : ايه مره لدرجه راحت لجهه وانا بجهه جتني بعربيه مليانه ! تقول قايسيها !
لمى بصدمه : ياربي !
شهد بضحك : جلطتني ، عاد أنا مدري القاها من امي ولا شوق والجوهره جننوا بأحمد
لمى : البلا أختك الجوهره هاديه لكن لا اجتمعت معها يصير شي !
شوق : افتراء
شهد : ايه مسكينه انتِ
بعد وقت رجعوا زياد وسعود ووصلوا للبيت
نزل من السياره زياد ورفع حواجبه من شاف سعود وراه نازل : شتبي انت ؟
ابتسم بخفه : زوجتي عندكم
زياد بضحك : ياخفيف !
سعود رفع حواجبه : لو بنتكلم عن الخفه انت بتاخذ اول مركز
زياد : امش بس الله يعيني
سعود : طرده من ورا التريلات لكن عشان الحب كل شي يهون
تنهد زياد : مشكله مشكله
قضوا يومهم بالسوالف والضحك واللعب حتى رن الجرس
فزت شوق : بروح افتح الباب
لمى ناظرت شهد : وش الحب اللي جا شوق لزياد
شهد ضحكت : اوف يا الغيره !
لمى : شدخل ؟
فتحت الباب شوق تحضن زياد بسرعه
نطق بضحك : بنت ! هدي وراي سعود
تراجعت بخوف تقفل الباب بوجهه : وش يبي ذا
سعود سمعها من ورا الباب : قلبي عندكم بدخل
شوق : استغفر الله
زياد : روحي قولي لهم سعود بيدخل
رجعت شوق لهم وقالت لهم ، لبسوا عبايتهم وطرحهم ، وطلعت لمى تاخذ عبايتها وطرحتها تنزل لهم وهي تشوفهم داخلين
ابتسمت تنطق : سلام عليكم
ردوا السلام ونطقت : كيفك سعود ؟
سعود : الحمدلله بخير ، كيفك انتِ ؟
لمى : تمام الحمدلله
التفت لشوق : انتِ مالك سلام
شوق : لا تكفى بموت عشان ما سلمت طير بس
ضحك ينطق : بسرق زوجتي
لمى ناظرت شهد : تونا شويات واسرقها
جلسوا مع بعض وقامت لمى تصب لهم قهوه وتجلس جنب البنات
" هم عادي عندهم يجلسون مع بعض لكن كل واحد بحجابه "
