منير : الله يعين
زياد : غيرت سيارتك ماشاءالله؟
امجد : ايه صار لي حادثْ وانعدمت
غياث فز ينطق : وش حادثه !
امجد ابتسم ينطق : بسيط بس ماصار لي شي السياره هي اللي راحت فيها
زياد : الحمدلله على السلامه
امجد : الله يسلمك
غياث : لا تعلمنا ولا شي ولا كأننا اهلك !
امجد : جدي والله انه مايستاهل هالخوف شوفني قدامك !
سكت غياث يصد عنه والتفت امجد من دخلوا عايشه ومها وهناء
نطقت عايشه بصدمه : امجد عندنا !
امجد ضحك يوقف يسلم عليها : ايه عندكم
عايشه ضربت كتفه : عيب عليك ليه قطعتنا !
مسح كتفه ينطق : خاله وجعتيني ! بس دوامي وشغلي أشغلني
عايشه وهي تتقدم تسلم على غياث ومنير : ايه ايه الشغل
غياث بترحيب : هلا وغلا بعيوش
ضحكت تنطق : هي باقي فيها عيوش يبه ؟ صار عندي احفاد
ضحكوا ونطق غياث : تبقين بعيني صغيره يابوك
ابتسمت وتقدمت هناء بعدها تسلم على غياث اللي نطق : هلا ببنتي ياهلا
ابتسمت تنطق : كيفك ياعمي ؟
غياث : بخير دامكم بخير
هناء : دوم ان شاءالله
سعود زفر يمسك أعصابه : ولد ! والله يا أحمد اني لاثور فيك !
احمد بضحك : ياخي شفيك روق
سعود التفت لعبدالرحمن : ياخي أبعده عن وجهي قبل اشلع راسه
ضحك عبدالرحمن يسحب احمد جنبه : ولد فكنا من شرك !
احمد : ياخي وش قلت ؟ بس قلت الغداء ملوحته ماش !
عبدالرحمن : تطقطق انت ! محد فاضي لك الوقت راح ولا تغدينا
سعود ناظره : انقلع لسياره يا حمار ، وشوله جاي !
احمد : هذي جزاتي جاي معكم أساعدكم
عبدالرحمن : مشكور مانبي مساعدتك ، توكل
احمد : بكيفكم بتخسرون انتم
ضحك عبدالرحمن من مشى احمد يرجع السياره : ياخي حفله اخوك ذا
سعود : حفله وبس؟ هذا غرايب العالم كلها فيه
التفتوا من نطق العامل بأن الغدا جاهز واخذوا الصحون يركبونها السياره
عزيز : يبي لها حمضيات بارد يبرد القلب
رفع حواجبه احمد : ليه قلبك محروق تحب ؟
عزيز : ياخي تفكيرك استغفر الله
عبدالرحمن : لاتخرب ولدي يا الأشهب !
احمد : حسستني فاسد !
عزيز : وانت صادق فاسد
بقق عيونه احمد وضحكوا سعود وعبدالرحمن اللي نطق : شاطر يابوي اجلده ولا تبالي
احمد : والله من التربيه الناقصه !
عزيز : ولد إلا تربيتي ! تربيتي احسن تربيه يا السلقه
طير عيونه احمد ينطق لعبدالرحمن : متاكد عمره ٨ سنوات ولا تكذبون علينا ، مو طبيعي هذا كلام واحد بزر !
عبدالرحمن : قل ماشاءالله لا تحسد ولدي !
احمد وهو يتفل على عزيز : ماشاءالله اللهم لا حسد
ضربه عزيز على كتفه يمسح وجهه : يع الله يقرفك يا وسخ !
ضحك احمد ينطق : ياربي يا دلوع !
عزيز : سعود بالله كيف متحمل اخوك ؟
سعود : صبر صبر واجر الله يعين ياعزيز الله يعين
احمد هز راسه بأسف : ما يحسون بالنعمه إلا إذا فقدوها
نطق سعود بسرعه : يامريض لا تتفاول !
احمد ابتسم : تخاف علي ؟
سعود : كل تبن احمد
احمد التفت لعزيز : يحبني ما يقدر
عزيز بتسليك : ايه ايه مين ما يحبك
احمد : صادق صادق
" عند البنات "
نطقت شهد بصدمه : يا المكار كيف يكذب وف الأخير يطلع هو اللي قتلَ اخوه !
ملاذ : مريض يا بنات مريض ! والله ما تشوفونه يوم بكى عندي يترجاني ألقى قتيلَ اخوه وشكله يعور القلب وف الأخير طلع هو !
لمى بقهر : ياخي والله الناس ماعاد عندهم قلب ولا احساس حتى الضمير ما يعرفونه ! ياخي كيف يسوي كذا ف اخوه كيف ! الواحد يتمنى اخو عنده وهذا يسوي فيه كذا !
شوق : رعب والله كيف الناس صاير تغدر حتى اللي اقرب لك من رمش عينك
ملاذ : ماتشوفون صدمته بنات يوم شاف الادله ، التفت علي يبيني انطق اقول شي لكن سكتت أشوفه وش يسوي وكان بيقوم على المحامي منصور لكن الأمن مسكوه
شهد : وله عين بعد يقوم يهاوش ! ياخي اسكت مفروض مايكون عندك وجه تتكلم بعد اللي سويته
ملاذ هزت راسها بأسف : خلاص نقفل السالفه تجيب لي الضيم قسم من كثر ما انها تخرع
دخل عزيز يناظرهم وابتسمت لمى اللي تحبه لأنه سمي أبوها نطقت تفتح يدها له : عزوزي !
ابتسم يتقدم لها يحضنها واحمر وجهه من قبلته على خده تنطق : صرنا كبار ونستحي !
شوق : ايه عيب صار رجال لا عاد تبوسينه ولا تحضنينه
لمى هزت راسها بنفي : لا هذا ولدي صغيري
ضحكت ملاذ ونطقت لمى : ايه وش اخبارك ؟
عزيز : الحمدلله بخير
لمى عضت شفايفها بعدم قدره : يالله بعضك ما اقدر أتحملك !
تقدمت تعض خده وغمض عينه وضحكت تنطق : الحمدلله ارتحت
ملاذ : هيه يا مُعنفهه!!!
شوق : يع عزيز !
ضحك يمسح خده بكم ثوبه ونطقت لمى بصدمه : افا !
