"من الممكن أن تكون المصيبة الواحدة افضل من ألف نصيحة"
لــروايتي
#صماء_الباشا
#بقلمي_بصره_الربيعية
#البارت_3_..
...
"ناعسة"
كانت الصدمة مازالت معتليه معالم وجهي نطق بسرعة ديحاول يطمئني گال:
_گعدي گعدي ، اعتذر خربت گعدتچ بس قلقتيني من شفت حالتچ بالجامعة..
والي صار !
_استغربت اندفاعه بالكلام!
اشرتله بيدي يبتعد حتى أروح
لان ما اعرف شنو غايته من جيته
معقولة اخو رسله ورايه!
بس اعترض طريقي وكان شكله غريب
حتى يتنفس بقوة!
لا ومن اجيت ابتعد وامشي مره الخ
رجع وكف بطريقي حتى ماظلت تفصل بينا إلا خطوتين وولزم ايدي؟!
اني اباوع لايده وهو يباوعلي الا إن حچه وهو يبعد ايده:
إقبال_ ءءشوفي .. لا تخافين مني انا مو مثله احم.. واعتذرلج بالنيابة عنه
أنا أعرف قليل من الصار واعرف تمادى وياچ
شوي..
...شوي؟!..هذا الي سواه يكول عنه شوي!
يدري شلون فشلني گدام الطلاب عمري كله بالجامعة ما يوم سمعت كلمة عن سمعتي إلا قبل شوي ومن منو من الي طول حياتي بالجامعة كان المتنمر عليه
هذا إقبال شكد فقير !
عفته ومشيت بسرعة حيل اتنرفزت..
بعد داز اخو ينرفزني ويكلي ضوجج شوي..
اعصابي تلفت..
أجرت سيارة ورجعت للبيت
الحمدلله اني من الاول ما احب سوالف الخصوصي احب اتمكن بنفسي وما اتقيد
حتى بعد لا يحچون حچي زايد .
فتت للبيت كانت هالة الكآبة مازالت محاطة بالبيت وأفراده،
سمعت طنين كلام بعيد وموشوش!
.. اتقربت
ومِلت على الحايط..اتنفس بعمق
واحس النفس يجرحني؛
لان ما اكدر احچي واعبر عن الي بنفسي!
چان صوت امي وهي تحچي بهدوء
وواضح على صوتها التعب:
_شد حيلك أسندك اني واشربك العلاج
_نسمة امي تعالي ساعديني
...اجيت افوت واحضنها هي وابوية وابچي
هيچ اطلع كل القهر الي بگلبي ببكائي على اكتافهم شنو الشي الي ما اگدر اعبره بلساني اخلي الكلمات تنزل ويه ادموعي وعبراتي!
...بس مگدرت شي بداخلي يگُلي لا تأذيهم فوگ اذيتهم،
بس حتى لو مگدرت اصبر عيوني الي چانت تهمل وطلعت امي وشافتني گالت:
_ادري صعبة عليچ هم تشوفينه هيج
كلنه صعبة علينه ، هاي وگعته كسرت ظهرنه
بس روحيله گعدي يمه يريد يحاچيچ
سمعيله ، يرتاح بشوفتكم حواليه يالله امي؛
...قبل لا تعوفني لمست خدي بلمسة كُلها حنية اتعجبت على هالهدوء بصوتها،
هاي أمي الي صوتها ما ينطق إذا مو عالي ويانه ومتسكت إذا ما تناقشنا بكلشي من الأشياء الي كسره بيها ابويه بوگعته هو صوتها!
بعدت أيدها گالت:
_ادعوله يرجع لحيله وكلشي يرجع وياه.
...عرفت قصدها يرجع كلشي وياه
فعلا وگعته هاي دهورت كُلشي
ما اعرف هو هذا الكُلشي الي دهور وضعه ووگعته!
أنت تقرأ
صمَّاءْ الـباشا { قيد التعديل باضافات جديدة}
Mystery / Thrillerأُنثىٰ تَخْتَصِرُ الـنـِسَــــاء جَمِيلةٌ حَمْرَاءٌ كالبَتْـــرَاء رُوُحَها عَجِيبَةٌ خَـضْــراء أَمِيرَةٌ في بَيتِ الأُمـــرَاء يَحنيِ لها أشرُ الاَشْـقِيـاء ڪـُلُ هذا وَهِي صْــمَـــاء لـروايتي#صماء_الباشـا #بقلمي_بصره_الربيعية تنويه🛑 القصة جر...
